Toshkent davlat yuridik universiteti

 
Nazorat uchun savollar: 
 
1. Bank omonati shartnomasi tushunchasi, turlari va huquqiy belgilarini 
ochib bering? 
2. Omonat daftarchasi va omonat depozit sertifikati omonatchiga qanday 
huquqlarni beradi? 
3. Tadbirkor Rajabov ombordan katta miqdorda un sotib olayotganida naqd 
puli etmay qoldi. Shunda u omborxona egasi Nizomovga undan pulning o`rniga 
uchta omonat sertifikatini olishni taklif qildi. Nizomov rozi bo`ldi, sababi bu bitim 
u uchun foydali edi. Ammo sertifikatlar bo`yicha to`lov payti 1 oydan keyin 
kelardi, Nizomov esa sertifikatlar bo`yicha pulni ertagayoq olmoqchi edi. 
Rajabovning sertifikatlarni Nizomovga berishi qonuniymi? Sertifikatlar bo`yicha 
to`lovni muddatidan oldin olish mumkinmi? Muddatidan oldin taqdim etilgan 
sertifikatlar uchun bank qancha miqdorda foiz to`laydi? 
4. Tadbirkor Norqulov o`z pullarini “Zoirova va K.” bankiga 3 oy muddatga, 
to`lanadigan foizlar miqdorini kelishgan holda, omonatga qo`ydi. Omonat 
qo`yilgandan bir oydan so`ng bank Norqulovning omonatiga nisbatan beriladigan 
foiz stavkasini kamaytirdi. Bir necha kun o`tgach esa auditorlik tekshiruvi 
o`tkazilib omonatning qaytarilishini ta’minlash shartlari yomonlashgani aniqlandi: 
bankning sof aktivlari miqdori pasaygan va 1-yarim yillik faoliyatidan daromad 
ko`rmagan bo`lib chiqdi. Norqulov “Zoirova va K.” Bankidan shartnomani 
muddatidan oldin bekor qilishni, undan belgilangan miqdordagi foizlarni to`liq 

---

284 
to`lashni va ko`rilgan zararni qoplashni talab qildi. Norqulovning talabi 
qonuniymi? Bankning normal faoliyati paytida muddatli shartnomani muddatidan 
oldin bekor qilish holatida bank qanday tartibda foizlarni to`laydi? Qanday 
omonatlarga nisbatan foiz stavkasini bank omonatchi bilan kelishmay o`zgartirishi 
mumkin?