Toshkent davlat yuridik universiteti

Taraflarning javobgarligi. Fuqarolik kodeksining 706-moddasida haq 
evaziga xizmat ko`rsatish shartnomasini buzganlik uchun ijrochining javobgarligi 
nazarda tutilgan bo`lib, ijrochi haq evaziga xizmat ko`rsatish shartnomasini 
umuman yoki tegishli darajada bajarmagan hollarda u keltirilgan zararni 
buyurtmachiga batamom to`lashi shart, lekin bu to`lov shartnomada nazarda 
tutilgan xizmatlar baxosining ikki baravaridan ortiq bo`lishi mumkin emas. 

---

221 
Tadbirkorlik faoliyatini amalga oshirish vaqtida ijrochi majburiyatini umuman 
yoki tegishli darajada bajarmagan hollarda haq evaziga xizmat ko`rsatish 
shartnomasida qayd etilgan moddaning birinchi qismida ko`rsatilgandan 
kuchaytirilgan javobgarlik nazarda tutilishi mumkin. Buyurtmachi o`ziga 
ko`rsatilgan xizmatlar haqini shartnomada ko`rsatilgan muddatlarda va tartibda 
to`lamaganlik uchun ijrochi oldida javobgardir. Ijrochi o`zi aybdor bo`lmagani 
holda xizmatni bajara olmagan taqdirda, buyurtmachi ijrochiga uning xarajatlarini 
to`lashi shart, bunda ijrochining xizmat (xizmatlar) ko`rsatishdan ozod qilinishi 
munosabati bilan olgan yoki olishi mumkin bo`lgan foydasi chegirib qolinadi. 
Buyurtmachining aybi bilan xizmatni bajarish mumkin bo`lmay qolgan taqdirda, 
agar qonun hujjatlarida yoki shartnomada boshqacha tartib nazarda tutilgan 
bo`lmasa, xizmatlar bahosi butunlay to`lanishi kerak. 
Shartnomaning bekor bo`lish asoslari. Buyurtmachi xizmatlarning 
belgilangan baxosini batamom to`lash sharti bilan haq evaziga xizmat ko`rsatish 
shartnomasini bekor qilishni talab qilishga haqli, shartnoma ijrochining aybli 
harakatlari tufayli bekor qilingan hollar bundan mustasno. Ijrochi shartnoma bekor 
qilinishi tufayli buyurtmachiga etkazilgan zararning hammasini to`lash sharti 
bilangina haq evaziga xizmat ko`rsatish shartnomasini bekor qilishni talab qilishga 
haqli, shartnoma buyurtmachining aybi bilan bekor qilingan hollar bundan 
mustasno (FKning 707-moddasi). Masalan, veterinariya xizmatni ko`rsatgan shaxs 
(ijrochi)ga buyurtmachi xizmat haqini butunlay to`lagandan so`ng shartnoma bekor 
qilinishi mumkin. Albatta bunday holda majburiyat lozim darajada bajarilishi ham 
muhim bo`lib hisoblanadi. Ushbu o`rinda shuni ta’kidlash kerakki FKning 25-bobi 
340-352-moddalari qo`llanilishi mumkin.