Тошкент молия институти

Таълим мақсади – таълим беришдан(олишдан) кўзланган муддао.
Таълим мазмуни – ўқитиш жараёнида эгаллаш лозим бўлган билим, кўникма, 
малакалар маъноси, ҳажми ва характери. 
Таълим сифатини назорат қилиш – ўқитиш мазмуни ва натижаларининг давлат 
таълим стандартлари талабларига мувофиқлигини текшириш. 
Тафаккур инсон ақлий фаолиятининг олий шакли, инсонларни ўраб олган дунёдаги 
ўзаро боғланган нарса ва ҳодисаларнинг билиш жараёни, муҳим ҳаётий жараёнларни ҳис 
қилиш ва муаммоларни ҳал қилиш, маълум бўлмаган воқеаҳодисаларни қидириш, 
келажакни кўра олиш. Тафаккур тушунча, ҳукм, хулоса шаклларида намоён бўлади. 
Таҳлилий – ижодий вазифаларни гуруҳ бўлиб ечиш методи – иқтисодий 
фикрлашни мувофиқ равишда билдирилган фикрларнинг энг мақбулини танлаш ва 
тавсиялар ишлаб чиқишни ўргатишга қаратилган метод.  
Тест  1) стандарт шаклдаги топшириқлар бўлиб, ақлий тараққиёт, қобилият, билим 
ва малакани аниқлаш мақсадида ўтказиладиган синовдир; 2) аниқ социологик 
тадқиқотларда фойдаланадиган тарқатма материал, саволнома; 3) шахс руҳияти ва 
хулқининг аниқ миқдорий ва маълум сифат баҳоларини олдиндан берилган баъзи 

---

354
стандарттест меъёрлари билан қиёсий ўрганишга мўлжалланган психологик 
тадқиқотларнинг стандартлаштирилган методи.
Тест методи кўзланган мақсадга кўра, савол қўйиб, унга бирбирига яқин бир неча, 
лекин тўғриси битта бўлган жавоблар мужассамланган топшириқ, машқни бажариш 
орқали фанни, мавзуни ўрганишга, ўқувчиталабалар билимини синашга қаратилган метод. 
Тушунча атрофмуҳитдаги ҳодисалар, предметларнинг муҳим хусусиятларини, улар 
орасидаги алоқа ва муносабатларни билиш. 
Фаолият – 1) онгли мақсадга кўра бошқариладиган кишининг ички(руҳий), 
ташқи(жисмоний) фаоллиги; 2) атрофмуҳитни кишилар тамонидан мақсадга мувофиқ 
қайта бунёд этиш.
ФСМУ методи ўқувчиталабаларни мустақил, эркин фикрлаш ва ўз фикрини ҳимоя 
қилишга, ўқув жараёнида эгаллаган билимларини баҳолашга, баҳслашиш маданиятини ва 
унга риоя қилишни ўргатадиган метод. 
Шахсий фазилат шахс томонидан ўзининг ахлоқий, руҳий ва ишчанлик 
қобилиятининг ижтимоий аҳамиятини, жамиятдаги ўрнини англай олиш хусусияти.