Товарларни таснифлаш

Назорат савол ва топшириқлар
1.УТ бўйича товарларни таснифлашнинг асосий қоидаларини шарҳлаб беринг.
2.УТ бўйича товарларни таснифлашда товарларнинг асосий характеристикалари нималар ҳисобланади.
3.Товарларни таснифлашнинг аҳамияти нимадан иборат.
4. УТ бўйича товарларни таснифлашнинг 2-3 қоидасини шарҳлаб беринг.
5-МАВЗУ: ТОВАРЛАРНИ СИНФЛАШДА ҚЎЛЛАНИЛАДИГАН АСОСИЙ ТАСНИФЛАШ ҚОИДАЛАРИ (АТҚ 3-4).

2 (б)– қоида қўлланилаётган ёки бошқа бирон-бир сабаб билан товарни икки ёки ундан ортиқ товар позициясига киритиш мумкин бўлса, таснифлаш қуйидагича амалга оширилиши керак.

а) умумий тавсифи берилган товар позицияларига қаралганда товарнинг кўпроқ ва аниқроқ тавсифи берилган товар позициясига афзаллик берилади. Бироқ икки ёки ундан ортиқ товар позициясининг ҳар бири аралашмалар ёки кўп компонентли буюмлар таркибига кирадиган материаллар ёки моддалар қисмига ёки чакана сотиш учун тўпламда тақдим этилган айрим товарларгагина тааллуқли бўлганида, мазкур товар позициялари, ҳатто улардан бири товарнинг анча тўлиқ ёки аниқ тавсифини берсада, тенг даражада бундай товарларга ўзига хос товарлар деб қаралиши керак.
б) турли материаллардан таркиб топган аралашмалар, кўп компонентли ёки турли компонентлардан тайёрланган буюмлар ва чакана сотиш учун тўпламда тақдим этилган, 3(а) – қоидага мувофиқ таснифлаб бўлмайдиган товарлар, агар ушбу қоидани қўллаш мумкин, уларга асосий аломатларни берадиган материаллар ёки таркибий қисмлар бўйича таснифланади.
в) 3(а) ва 3(б)–қоидаларнинг талабларига мувофиқ таснифлаш мумкин бўлмаган товарлар кўриб чиқилаётган товар позицияларининг охиргисида (энг катта тартиб рақамига эга бўлганида) таснифланади.
Изоҳлар:
I. Мазкур қоида товарларни таснифлашнинг учта усулини кўзда тутади, уларни дастлаб қараганда 2(б) – қоидага мувофиқ, ёки ҳар қандай бошқа сабабга кўра, 2 ёки ундан ортиқ товар позцияларига киритиш мумкин.
Ушбу ҳолатлар мазкур қоидада келтирилган тартибда қўлланилади.
Шундай қилиб, 3(б)–қоида 3(а)–қоида таснифлашига ёрдам бермагандагина қўлланилади, агар 3(а) ва 3(б) – қоидаларнинг иккаласи ҳам натижа бермаса, 3 (в) – қоида қўлланилади. Шу тариқа, устуворлик қуйидагича: (а) товарнинг аниқ тавсифи: (б)-асосий белги; (в)-кўрилаётган товар позицияларининг охиргиси.
II. Товар позицияларининг номлари ҳамда бўлимлар ва гуруҳларга изоҳ бошқача талқинни талаб этмаганда, мазкур қоида қўлланилиши мумкин.
Масалан, 97-гуруҳга 4 (б) – изоҳ тавсифига кўра 9701 – 9705 ва 9706 товар позицияларидаги тавсифга мувофиқ келадиган товарлар олдинги товар позиция-ларидан бирида таснифланиши кераклигини талаб этади. Бундай товарлар мазкур қоидага мувофиқ эмас, балки 97-гуруҳга 4 (б) - изоҳга биноан синфланиши керак.