Turar joy binolari

7. LIFTLAR
7.1. Yuqori qavat polining sathi yer sathidan 13 m va undan ko‘p bo‘lgan turar joy binolarda
liftlar ko‘zda tutilishi kerak; loyihalash topshirig‘i bo‘yicha yuqori qavat polining bundan kam sathida
ham liftlar bo‘lishi mumkin.
7.2. Liftlar, maxsus kvartirali qariyalar uyida, ustki qavat polining sathi 8 m va undan ko‘p
bo‘lganda, kreslo-aravachalardagi nogiron oilalari bor uylarda — 3 m dan ortiq bo‘lganda ko‘zda
tutilishi kerak. Kreslo-aravachalardagi nogironlar uchun maxsus ko‘targichlar o‘rnatilishi mumkin.
Izoh: Nogiron oilalar uchun kvartiralar, odatda, birinchi qavatlarda joylashtirilishi kerak.
7.3. Ko‘p kvartirali uy yoki yotoqxonalarning har bir seksiyasiga 
13-ilovaga
muvofiq liftlar
o‘rnatilishi kerak.
Qariyalar va kreslo-aravachalardagi nogironlar oilasi uchun turar joy uylarda 630 kg yuk
ko‘taradigan liftlar ko‘zda tutilishi kerak.
Balandligi 28 m dan yuqori bo‘lgan binolarda passajir liftlarning biri o‘t o‘chirish bo‘limlarini
tashishga mo‘ljallangan bo‘lishi kerak.
7.4. Lift oldidagi maydonchaning eni bemorlarni tez-yordam zambillarida tashishga imkon
berishi kerak va 400 kg yuk ko‘taruvchi liftda — 1,5 m; kabina eni 2100 mm li 630 kg li liftda — 1,6 m;
kabina eni 1100 mm, uzunligi 2100 mm da — 2,1 m bo‘lishi kerak.
Kreslo-aravachalardagi nogironlar yashaydigan uylarda lift o‘rnatishda ShNQ 2.07.02 talablari
hisobga olinishi kerak.
Lift shaxtalari yashash xonalari bilan yonma-yon joylashmasligi kerak. Liftlarning mashina
xonalarini yashash xonalarining bevosita ustida, hamda yonida joylashtirishga yo‘l qo‘yilmaydi.
8. ChIQINDILARNI YO‘QOTISh
8.1. Chiqindilarni yo‘qotish tizimi mahalliy boshqaruv organlari — hokimiyatlar tomonidan
belgilanadi va loyihalash topshirig‘ida ko‘rsatiladi.
Chiqindilarni yo‘qotish, odatda, turar-joy uylari yaqinida chiqindi konteynerlari maydonchalari
qurish yo‘li bilan ko‘zda tutiladi. Chiqindi yig‘uvchi konteynerlar asfaltbeton yoki beton zaminida,
ko‘pkvartirali uylarning blok-seksiyasiga yoki uylarga kirish joyiga va kvartiralar derazalariga 20 m
dan yaqin bo‘lmagan masofada joylashishi kerak; uyga kirish joyidan uzoqligi 200 m dan oshmasligi
kerak (ixtisoslashtirilgan turar joylarda uzoqligi loyihalash topshirig‘ida ko‘rsatiladi).
8.2. Loyihalash topshirig‘i bo‘yicha chiqindi tushirgichlar har qanday qavatli binolarda ham
qurilishi mumkin.
Chiqindi tushirgich qurilmalari zamonaviy sanitariya-gigiyena va texnik talablarga muvofiq
bo‘lishi kerak.
8.3. Chiqindi tushirgich stvoli havoo‘tkazmaydigan, qurilish konstruksiyalaridan tovush
himoyalangan, yashash xonalariga tutashmasligi (yopishmasligi) kerak. Chiqindi tashlash
qopqoqlari kvartira derazalaridan ko‘rinmaydigan bo‘lishi va ularning joylanishi yashash muhitning
sanitar-gigiyena holatini buzmasligi kerak.
Chiqindi tushirgich amaldagi sanitariya me’yorlariga muvofiq stvolini vaqti-vaqti bilan yuvish,
tozalash va dezinfeksiya qilib turiladigan moslamalar bilan jihozlangan bo‘lishi kerak.
Chiqindi yig‘uvchi kamera chiqindi tushirgich stvolini bevosita ostida joylashishi unga issiq va
sovuq suv ulangan bo‘lishi kerak. Chiqindi yig‘uvchi kamerani yashash xonalari ostida yoki yonida
joylashtirishga yo‘l qo‘yilmaydi. Kameraning balandligi (ichki o‘lcham-da) 1,95 m dan kam
bo‘lmasligi kerak. Kamera tashqariga ochiladigan eshikli, mustaqil, binoga kirishdan yopiq (gluxoy)
devor (ekran) bilan ajratilgan chiqishi bo‘lishi kerak va olovbardoshlik darajasi RE160, yong‘in xavfi

---

klassi KO-1s va olov tarqatish chegarasi nol bo‘lgan yong‘inga qarshi pardevorlar va qavatyopma
bilan ajratilishi kerak.