Türkmenistanyň Bilim ministrligi

Gyrgyzystan Beýik Watançylyk urşy ýyllarynda 
Beýik Watançylyk urşy ýyllarynda gyrgyz halky hem uly 
kynçylyklar çekmek bilen bir hatarda öz saldamly goşandyny 
goşupdyr. Bu uruşa 360 müňe golaý Gyrgyzystanyň raýaty 
gatnaşypdyr we olaryň arasyndan 80 müňden gowragy frontda 
ölüpdirler. Şeýle hem olardan daşary 30 müňden gowrak kişi 
respublikanyň 
serhetleriniň 
daşynda 
söweş 
senagaty 
zawodlarynda işlemek üçin iberilipdir. Beýik Watançylyk urşy 
ýyllarynda kolhoz we sowhozlarda, uruşdan öňki bäş ýyllyk 
hasabat bilen deňeşdirilende däne hasyly 4,5 million put, 
kartoşka we bakja önümleri 2,7 million put, ýüň 372 müň put 
köp taýýarlanypdyr. Şeýle hem halk fronta ibermek üçin 4,5 
million put däne we 500 müň put eti ýolbaşçylara 
tabşyrypdyrlar. Uruş ýyllarynda Gyrgyzystanda goranyş fondy 

---

259 
üçin 189 million rubl pul we 964 million rubl obligasiýa 
görnüşinde ýygnaldy. 
Uruş ýyllarynda nemes faşistleriň howpy astyndaky 
sebitlerde bar bolan zawod-fabrikler köp sanlysy gyssagly 
ýagdaýda gündogara göçürilipdir. Bu iri zawod-fabrikleriň 30-
dan gowragy Gyrgyzystana hem göçürilip getirilipdir. Mysal 
üçin Bişkek, Tokmok, Ak-Suu we beýleki sebitlerde dürli 
zawod-fabrikler gurlupdyr. Şeýle hem uruş ýyllarynda 
Gyrgyzystana Kawkaz, Krym we Wolga boýlaryndan nemes, 
çeçen, Ahyska türkleri, azerbaýjan, balkar, kumuk, nogaý we 
beýleki milletleriň wekilleri sürgün edilipdirler.
Beýik Watançylyk urşy ýyllarynda Gyrgyzystanly 
esgerler batyrlyk bilen söweşipdirler. Olaryň arasyndan 100 
müňden gowragy orden we medallar bilen sylaglanypdyr, 72 
esgere SSSR-iň gahrymany diýlen at dakylypdyr. Olaryň 
arasynda Düýşönkul Şopokow, Çolponbaý Tuleberdiýew, 
Talgat Begeldinow, Kalyýnur Usenbekow we beýlekiler bardy.