Чириш – бунда ўсимликнинг барча қисми зарарланади. Айниқса ўсимликнинг серсув ва озиқа моддаларига бой захира қисми кўпроқ чирийди.
Ўсимликнинг турли аъзоларида доғлар пайдо бўлиши. Доғлар рангги, шакли ва катта-кичиклиги жиҳатидан ҳар хил бўлиши мумкин.
Ўсимликнинг бирор аъзоси сиртида ғубор (гард) ҳосил бўлиши. £уборлар оқ, кулранг, қўнғир, қора, зангори, сариқ ёки оч сариқ тусда бўлиши мумкин. Улар ўсимлик аъзола-рининг сиртида айрим доғлар шаклида бўлади ёки уларни бутунлай қоплаб олади.
Ўсимликлар барги ёки бошқа аъзосининг ғубори остидаги тўқимаси қўнғир рангга киради, қурийди, баъзан пўкак ҳосил қилади.
Ўсимлик эпидермиси остида ғуррачалар (бўшлиқ) ёки замбуруғ споралари тўплами ҳосил бўлади.
Ўсимликларнинг турли аъзоларидаги рангларнинг ўзгариши. Бунда кўпинча ўсимликларнинг барги ўзгаради, улар рангсизланади, сарғаяди ёки қизаради, айрим ҳолларда олачипор рангга киради.
Ўсимликда замбуруғ мева таначалари ҳосил бўлиши – бунда дарахтларнинг танаси, новдалари, баъзан илдизларида тақасимон, булуцимон ва бандли қалпоқчали замбуруғлар ҳосил бўлади.
Шира ёки елим оқиш – бунда ўсимлик танаси, новдалари, баъзан баргларидан шира, елим ёки бошқа суюқлик оқади.
Касалланган ўсимликларда рўй берадиган асосий анатомик ўзгаришлар қуйидагилар:
Гипертрофия – ўсимлик тўқимасида ҳужайра ҳажми кенгаяди.
Гиперплазия – зарарланган ўсимлик тўқимасидаги ҳужайраларнинг узлуксиз бўлиниши туфайли ҳужайралар сони ортиб кетади.
Метаплазия – бир хил ҳужайралар иккинчи хил ҳужайраларга айланади ёки ҳужайраларда янги моддалар ҳосил бўлади.
Do'stlaringiz bilan baham: |
