Urganch davlat universiteti servis faoliyati asoslari

Xarakter va ishonchlikni umumiy xususiyatlari mavjud bo’lib, ularsiz xizmat sohasida faoliyat olib borish qiyin. Bular:
- kommunikabellik va hohlagan odam bilan o’zini tutish umumiy chizig’ini topa olish qobiliyati;
- o’zini tutish egiluvchanligi: bir vaziyatlarda bardoshli bo’lish va boshqa vaziyatlarda esa epchil bo’lishlik;
- mijozga astoydil qiziqish;
- mijozni kerakli yechimga majburlamasdan olib kela olish qobiliyati.
Mehnat resurslari balansi – bu mehnat resurslari mavjudligini va ularning iqtisodiyot tarmoqlari va iqtisodiy faoliyat turlari bo‘yicha taqsimlanishini tavsiflovchi ko‘rsatkichlar tizimidir. Mehnat resurslari balansi 2 xil ko‘rinishda tuziladi. Mehnat resurslarining hisobot balansi mehnat resurslarining amaldagi ko‘rsatkichlari va ularning hisobot davrida (yilda) taqsimlanishi bo‘lib, u hisobot yilida o‘tkazilgan monitoring natijalari asosida ishlab chiqiladi
Prognoz balansda esa mehnat resurslaridan foydalanish holati tahlil qilinib, ijtimoiy-iqtisodiy rivojlanish vazifalarini hisobga olgan holda tuziladi
Mehnat resurslaridan foydalanish samaradorligini oshirish yo‘nalishlari
- qonunchilik bazasini mustahkamlash, me’yoriy-huquqiy hujjatlarni takomillashtirish va ularni amaliy hayotga tadbiq etish (mehnatga layoqatlilik yosh chegarasini o‘zgartirish, aholi mehnatga qobiliyatli yoshining yuqori chegarasini o‘zgartirish, fuqarolarning mehnat migratsiyasini belgilab beruvchi va tartibga soluvchi qonunchilik);
- ishsizlarni ishga joylashtirishda xususiy sektorning ishtirokini kuchaytirish (www.uzjobs.com, www.superjob.uz, www.jobs.doda.uz, www.uzcv.com, www.resume.uz);
- «Aholini ish bilan ta’minlash» hududiy dasturlari takomillashtirish.
5.O‘rgatish va rivojlantirish. Mehnat resurslaridan foydalanish
Servis menedjmentini asosiy e’tibori doimiy mijozlar guruhiga qaratilishi kerak. Servisni jahondagi rivojlanishi xususan bozorni evolyusion o’sish bosqichda, yangi mijozlar axtarishga nisbatan doimiy mijozlar hohishlarini qondirishga qaratilgan dasturlarni amalga oshirish arzon tushadi. Maxsus tadqiqotlar asosida, oldingi mijozlarni, ularni talab dinamikasini qondirish hisobida, saqlab qolish yangi mijozlar axtarishga nisbatan 5 barobar arzon tushishi aniqlangan. Bu doimiy mijozlarga nisbatan amalga oshiriladigan yuqori sifatli servis o’zini ko’p marotaba qoplashidan dalolat beradi.
Shuning bilan birga, dinamik rivojlanishiga yo’naltirilgan servis korxonasi ertami-kechmi modernizasiya qilina boshlanadi, bu esa uni menejmenti oldiga yangi servis mahsulotlarini xarid qila oladigan istemolchilarni o’rganish zarurligi vazifasini qo’yadi. Bu holda, menedjerlar tomonidan yangilikka intiluvchan iste’molchilar guruhlari va ijtimoiy qatlamlarini o’rganish, ular talablarini va xizmat sohasidagi shaxsiy o’zini tutish jihatlarini, umuman ularni kommunikativ o’zini tutish xususiyatlarini bilishlari muhim hisoblanadi.
Servis korxonasi har bir bo’limini menedjeri mijozlarni qoniqanligini va moyilligini o’rganishda faqat so’rov va statistik tahlilga asoslanmasligi kerak. Ularni eng muhim funksiyalaridan biri mijozlar bilan bevosita aloqalarga qaratilgan bo’lib, ularni talablarini aniqlash, ular xizmat ko’rsatish jarayonidan nima kutayotganliklarini va ularga hohishlariga ko’ra nima taqdim etish kerakligini bilish imkonini beradi. Bundan tashqari, mijozlar tomonidan xizmat ko’rsatish jarayonini baholanishini bilish muhim hisoblanib, bu esa korxona faoliyatidagi kamchiliklarni obyektiv baholashga imkon beradi.
Bunda faqat iste’molchilar kutishlarini passiv kuzatib borish xato hisoblanadi. Menedjer xizmat ko’rsatishi samaradorligi, shuningdek mijoz va ham firma uchun foydalilik nuqtai nazaridan iste’molchilarni o’ziga xos tarzda yo’naltira olishi kerak. Bu esa menedjerlardan yo’naltira oluvchi analitik sifatlarni o’zida mujassam etishini taqozo qiladi. Chet el xizmat ko’rsatish amaliyotida to’g’ridan-to’g’ri yoki individual marketing, ya’ni menedjerni iste’molchi bilan Birma-bir, shaxsiy munosabatlaridan foydalanish kengaymoqda.
Menejerni mijoz doimiy o’zaro ta’siri xizmat ko’rsatishni o’ziga xos vazifalarini hal etishga imkon beradi. Aniq mijoz bilan yuzma-yuz muloqot orqali menedjer aniq odamlarni yakka talablari va ehtiyojlariga kirib boradi. Bular esa ko’p hollarda ommaviy xizmat ko’rsatish bozorida “yo’qoladi”. Bunda firma aniq mijozga nisbatan ko’rsatilayotgan e’tibor boshqa iste’molchilar tomonidan ularni har biriga nisbatan ko’rsatilayotgan e’tibor sifatida tushunilishi haqida qayg’urishi kerak.
Individual marketingda ishtirok etuvchi mijozni tanlash muhim ahamiyatga ega. Bunday mijoz tasodifiy tanlanmaydi, balki tanlov ma’lum iste’molchilar guruhi talablarini aks ettiruvchi ma’lum ijtimoiy va psixologik sifatlar asosida amalga oshiriladi. Bunday marketingda, ma’lum iste’molchilar ktegoriyalarini talablarini aks ettiruvchi mashhur shaxslar ishtirok etishga yana ma’qul hisoblanadi.
Ba’zi firmalar individual marketingni potensial imkoniyatlarini rivojlantirish maqsadida kafolatli kartochkalar joriy etishadi yoki aniq mijozlarni doimiy kuzatuv obyektlariga aylantirish va kelajak talablarini kuzatib borishni boshqa usullaridan foydalanishadi. Fransiyada individual marketing yo’lini “Nestle” bolalar ovqatlanishi firmasi joriy qilgan. Firma rahbariyati an’anaviy reklama imkoniyatlari tugaganligini e’tirof etdi. Shunda “Nestle” ni bir guruh menedjerlari bo’lg’usi iste’molchilarni hayoti va faoliyatida foydali, jonkuyar sherik sifatida ishtirok etdi.
Iste’molchilar bilan o’zaro ta’sir eta turib, menedjer personal bilan kommunikasiyalashda ishlatiladigan ko’pgina tashkiliy-ma’muriy ta’sirlarni bu holatda ishlatish mumkin emasligini yodda saqlashi kerak. Bu hollarda shaxsiy fikrlar almashinuvi, so’rovlar, tushuntirishlar, takliflar, shuningdek maslahat, munozara va boshqalar kabi o’zaro ta’sir usullari eng samarali hisoblanadi.