Узбекистон республикаси согликни саклаш вазирлиги

Гипофиз гормонлари, уларнинг бошка эндокрин безлар

фаолиятини бошкаришдаги ахамияти
Гипофиз олдинги, оралик ва орка булаклардан тузилган мураккаб ички секрецяи безидир. Унинг олдинги булаги – аденогипофиз асосий ёки хромофоб хужайралардан (55-60%) ва хромофил хужайралардан (40-45%) иборат. Хромофил хужайраларнинг аксарияти ацидофил, оз кисми эса базофил булади. Гормонлар хромофил хужайраларда синтезланади. Базофил хужайралар адренокортикотроп, тиреотроп, гонадотроп (фолликулларни стимулловчи ва лютеинловчи) гормонлар ишлаб чикаради. Ацидофил хужайралар усиш гормони (соматотропин) ва пролактин ишлаб чикаради. Гипофизнинг олдинги булаги ишлаб чикарадиган гормонлар оксил ва гликопротеинлардир. Бу гормонлар вазифасига кура икки гурухга булинади:
Гландотроп гормонлар: фолликулларни стимулловчи гормон, лютеинловчи гормон, тиретроп гормон, адренокортикотроп гормон.
Эффектор гормонлар: усиш гормони, пролактин, меланоцитларни стимулловчи гормон.
Меланоцитларни стимулловчи гормон купчилик хайвонларда гипофизнинг яхши ривожланган оралик булагидан ажралади. Одамнинг гипофизида бу булак деярли йуколиб кетган. Шунинг учун МСГ олдинги булак гормонлари билан кушиб курилади.

Усиш гормони

Бу гормон аденогипофизнинг эффектор гормонига киради. Усиш гормонининг бошка гормонлардан фарки унинг турга оид спецификлигида. Масалан, корамол гипофизидан ажратиб олинган гормонни усишдан колган одамни даволаш учун куллаб булмайди.
Одамнинг соматотропини 191 аминокислота колдигидан иборат булиб, организмда тез парчаланади. Усиш гормонининг асосий таъсири суякларнинг буйига усишини таъминлашдир. Бу гормон таъсирида аъзо ва тукималарда оксил синтези тезлашади, аммо бунинг учун етарли даражада инсулин, оксил ва угдеводлар керак. Истеъмол килинаётган овкатда оксиллар микдори оз булса, боланинг конида усиш гормони куп булишига карамасдан, унинг усиши секинлашади. Чунки оксил етишмовчилиги натижасида жигарда соматомедин номли пептиднинг синтезланиши камайиб кетади. Бу пептид сульфат кислота ангидридининг тогай тукимасига утишини, ДНК, РНК ва оксил синтезланишини тезлаштириш йули билан ёш организмнинг усишини таъминлайди.
Усиш гормонининг моддалар алмашинувига бевосита таъсири хужайралар мембранасидан аминокислоталар ташилишини тезлаштириш ва липолизни кучайтиришдан иборат. Усиш гормони конда глюкоза микдорини оширади, глюкозанинг бошка моддалардан синтезланишини тезлаштиради.

Буйдорлик (гигантизм), акромегалия

Бола организмида усиш гормони меъёридан ортик ишлаб чикарилса, буйдорлик (гигантизм) кузатилади. Бунда эркакларнинг буйи 200 см, аёлларники 190 см дан ортади. Гипофизар гигантизмда одамнинг боши, танаси ва оёк-кулларининг нисбати бузилмаган холда катталашади. Скелет мускуллари, ички аъзолар хам купинча яхши ривожланган булади. Организмнинг усиш даври 30 ёшгача боради. Катта одамда гипофиз куп микдорда усиш гормони иишлаб чикарса, акромегалия кузатилади. Бунда суяклар ва юмшок тукималар калинлашади, одамнинг бурни, лаблари, жаги, оёк-куллари катталашади. Касалнинг кукрак кафаси, ички аъзолари хам катталашади. Гипофизар новчаларда ва акромегалия билан огриган беморларда бошка ички секреция безлари фаолияти хам шикастланади: жинсий безлар иши сустлашади, инсулин кам ишланиши билан боглик кандли диабет аломатлари пайдо булади.

Гипофизар миттилик (нанизм)

Организмнинг усиши купгина омилларга боглик жараён. Бу жараёнга ирсият, иклим ва овкатланишга боглик булган омиллар ва бир канча гормонлар таъсир курсатади. Усиш гормонидан ташкари, усишга калконсимон безнинг, буйрак усти безининг гормонлари ва жинсий гормонлар жиддий таъсир курсатади. Усиш гормонининг етишмовчилигида ва гипофизнинг бошка гландотроп гормонлари кам ишланиши натижасида гипофизар паканалик руй беради. Бу холат хомилада ёки боланинг жуда ёшлигида бошланиб, усишнинг кескин равишда тухтаб колишига олиб келади.

Бу касалликда одамнинг буйи паст булса хам, гавда кисмларининг нисбати сакланиб колади, кул-оёк панжалари кичкина, бармоклари ингичка булади. Жинсий аъзолари ривожланмайди. Гипофизар пакана эркалар жинсий заиф буладилар, аёллар эса хомиладор булмайдилар. Баъзи паканаларнинг конида усиш гормонининг микдори одатдагидан куп булади. Уларнинг яхши усмаслигини сабаби соматомединлар етишмаслигига боглик. Батафсил урганилган соматомедин С – 63 та аминокислота колдигидан иборат пептид. У асосан жигарда синтезланади. Соматомедин факат суяк ва тогай тукималари усишини эмас, балки бошка тукималарда хам хужайраларнинг митотик булинишини тезлаштиради.
Буй эркакларда 130 см дан, аёлларда 120 см дан паст булса, миттилик тугрисида гап юритиш мумкин. Гипофизар паканаликни факат одамнинг усиш гормони билан даволаш мумкин. Бошка хайвонлардан олинган гормонни куллаш яхши натижа бермайди. Даволаш канча эрта бошланса, натижаси шунчалик яхши булади. Усиш гормонининг конга утишида циркад (кеча-кундузги) ритм кузатилади. Унинг концентрацияси конда кечаси, одам каттик ухлаганда энг юкори даражага кутарилади. Усиш гормонининг секрециясини гипоталамуснинг рилизинг-гормони – соматолиберин тезлаштиради. Соматостатин деган ингибитор гормон бу жараённи сусайтиради. Усиш гормонининг секрециясига конниг кимёвий таркиби, хусусан аминокислоталар, ёг кислотаси ва глюкозанинг кондаги микдори таъсир килади. Масалан, конда глюкозанинг микдори камайса, усиш гормонининг секрецияси кучаяди. Гормоннинг конга утиши стресс холатларда хам тезлашади.
Пролактин
Пролактин хам оксил гормон. У 198 та аминокислота колдигидан иборат. Эркаклар ва аёллар конида пролактиннинг микдори 2-15 мкг/л атрофида булиб, хомиладор аёлларда 300 мкг/л га етади. Пролактин одамда сут безлари усишини ва сут ишлаб чикарилишини кучайтиради. Унинг таъсирида сут оксиллари ва бошка таркибий киисмларининг синтезланиши тезлашади.
Пролактин секрециясини гипоталамик марказлар рефлектор йул билан кучайтиради. Рефлекс бола сут эмган вактда сут бези сургичларидаги рецепторлар кузгалиши натижасида юзага чикади. Пролактин сув-туз ва ёг алмашинувига хам таъсир килади, терининг янгиланиши ва ундаги ёг безлари фаолиятини тезлаштиради. Гормоннинг конга утиши рефлекс йули билан жадаллашса, гипоталамуснинг ингибиторловчи омили бу жараённи сусайтиради.
Меланоцитларни стимулловчи гормон
Меланоцитларни стимулловчи гормон хам гипофизнинг эффектор гормонлариги киради. У икки шаклда – α-МСГ ва β-МСГ куринишда учрайди. Биринчиси 13 та аминокислота колдигидан, иккинчиси – 22 та аминокислота колдигидан иборат полипептид. Кимёвий ва функционал хоссаларига кура МСГ АКТГ га якин. АКТГ парчаланиши натижасида МСГ пайдо булса керак, деган тахминлар бор. МСГ пигмент эффектини вужудга келтиради: унинг таъсирида одамнинг териси ва хайвонлар териси хамда жуни кораяди. Жун рангининг фаслий узгариши хайвонлар учун химоя ахамиятига эга. МСГ таъсирида меланоцитларда меланин микдори ортади, унинг заррачалари хужайра протоплазмасида кенг таркалади. МСГ теридаги ёг безларини стимуллайди. У хомилада бачадоннинг усишини тезлаштиради. МСГ ажралиши рефлектор йул билан бошкарилади. Бу куз тур пардасига ёруглик тушишига боглик. Бундан ташкари, гипоталамуснинг ингибитор ва рилизинг омиллари хам МСГ ажралишини бошкаришда иштирок этади.

Гипофизнинг гландотроп гормонлари

Бу гурух гормонларини гонадотроп гормонлар: фолликулларни стимулловчи (ФСГ) ва лютеинловчи гормонлар (ЛГ), тиреотроп гормон (ТТГ) ва адренокортикотроп гормон (АКТГ) ташкил килади.

Гонадотроп гормонлар

Гонадотроп гормонлар аёллар ва ургочи хайвонларда фолликулнинг ривожланиши ва етилишини, овуляцияни (Грааф пуфакчаси ёрилиб, ундан тухум хужайра чикишини), сарик тана ривожланиши ва фаолиятини таъминлайди. Эркакларда уругдон найчалари ривожланиши ва сперматоцитлар етилиши, сперматозоидлар пайдо булиши учун гонадотроп гормонлар зарур. Бу гормонлар жинсий безларда аёллар жинсий гормонлари эстрадиол, эстрон ва прогестерон ва эркаклар жинсий гормони тестостерон ишлаб чикарилишини бошкариб туради. Вояга етмаган хайвонларнинг гипофизи олиб ташланса, жинсий безлар ривожланишдан тухтайди. Ёш хайвонларга гонадотроп гормонлар юборилса, вояга етиш тезлашади. Жинсий безлари олиб ташланган хайвонларда гонадотроп гормонлар самара бермайди. Вояга етган хайвонларнинг гипофизи олиб ташланса, жинсий безлар атрофияга учрайди. Фолликулларни стимулловчи ва лютеинловчи гормонларнинг жинсий фарки йук.

Тиреотроп гормон

ТТГ гонадотроп гормонлар билан бир каторда гликопротеид гормонларга киради. Бу гормон калконсимон безнинг усишини тезлаштиради, безда тиреоид гормонларнинг хосил булишини ва конга утишини бошкаради. ТТГ плазмада 1-2 мкг/л булиб, гамма-глобулин билан богланган.

Адренокортикотроп гормон

АКТГ буйрак усти бези пустлок кисмининг тутамли ва турли зонасининг усиши ва бу ерда гормонлар синтези учун зарур. АКТГ унча катта булмаган 39 та аминокислотадан тузилган полипептид. Гормоннинг турга хослиги йук. АКТГ буйрак усти безидан ташкари, бошка аъзоларга хам сезиларли таъсир курсатади. Конда гормоннинг микдори ошса, терининг пигментланиши кучаяди. Бундан ташкари АКТГ ёгнинг ёг захираларидан конга утишини тезлаштиради, жигарда кортизолнинг парчаланишига таъсир килади.
Гипофизниг орка булаги
Безнинг бу булагини глия хужайраларига ухшаган питуицитлардан иборат булгани ва МНТ нинг гипоталамус кисми билан функционал ва морфологик богликлиги учун нейрогипофиз деб номлашади. Нейрогипофиздан иккита октапептид – антидиурентик гормон (АДГ) ва окситоцин олинган. АДГ сийдик хосил булишини сустлаштиради. Гормон етишмаса, кандсиз диабет пайдо булади. Бу дистал бурама каналчаларда ва йигувчи найларда сув реабсорбциясининг ортиши натижасидир. АДГ кон томирларнинг силлик мускулларини кискартириш кобилиятига хам эга. Унинг бу хусусияти организм кон йукотиб, томирларда босим пасайиб кетганда яккол намоён булади. Бу шароитда АДГ таъсирида артериал томирлар сезиларли даражада тораяди ва босим кескин пасайиб кетмайди. АДГ жигар хужайраларида гликогеннинг парчаланишини ва бошка моддалардан глюкоза хосил булишини тезлаштиради. Демак, унинг контринсуляр таъсири хам бор.
Окситоцин одам ва хайвонларда бачадоннинг ритмик кискаришини юзага келтиради. Куёнларда окситоциннинг етишмовчилиги тугрукнинг бузилишига олиб келади. Аёлларда окситоциннинг кондаги микдори камайиб кетса хам, тугрук жараёни яхши утиши мумкин. Тугрук вактида бачадоннинг чузилиши окситоцинни конга утишига сабаб булади. Бу гормоннинг асосий таъсири сут безлари йулларидаги миоэпителиал хужайраларни кискартириб, сут чикишини таъминлашдан иборат. АДГ ва окситоциннинг утмишдошлари гипоталамуснинг супраоптик ва паравентрикуляр ядроларини ташкил килувчи нерв хужайраларида синтезланади. Молекуласи анча катта булган полипептид нейрофизин билан боглик булган холда АДГ ва окситоциннинг утмишдошлари нейросекретор хужайраларнинг аксонларии оркали 3 мм/24 соат тезликда гипофизга окиб тушади. Бу нейросекретор доначаларда ташувчи оксил нейрофизиндан гормонларни парчалаб ажратадиган фермент хам бор. Осморецепторлар кузгалганда АДГнинг конга утиши тезлашади. Окситоцин ва АДГ инкрециясига бошка стрессор холатлар хам таъсир килади. Бу шароитларда нейросекретор хужайраларнинг фаолиятини сезги аъзоларига боглик булган мия марказларидан келган эфферент импульслар узгартиради. Гипоталамусда АДГ ва окситоцин ишлаб чикарувчи йирик
нейросекретор хужайралардан ташкари, гипофиздан гормонлар чикишини рагбатлантирувчи ва ингибирловчи омилларни синтезловчи майда нерв хужайралари бор. Гиипоталамуснинг шу хажайралардан иборат кисми
гипофизотроп соха деб аталади. Бу соха нерв ва эндокрин тизимларни боглаб туриши туфайли жуда мухим хисобланади.

Калконсимон без гормонлари,

уларнинг физиологик таъсири
Калконсимон без кон ва лимфа томирларига жуда бой. Катта одамда калконсимон безнинг вазни уртача 25-30 г келсада, ундан 1 соат ичида организмдаги хамма (5-6 л) кон окиб утади.
Калконсимон без тукимасида йод бор, у мазкур без гормонлари таркибига киради. Калконсимон без хужайраларининг узида йод туплаши уларнинг характерли хусусиятидир. Бездаги йод микдори кондаги микдордан 300 баравар ортик. Ушбу йод безда бир канча йодли бирикмалар: монойодтирозин, дийодтирозин синтезига сарф булади. Улар без фолликулаларининг хужайраларида оксил билан бирикиб, тиреоглобулин комплексини хосил килади. Тироглобулин фолликулаларда бир неча ой сакланиши мумкин. Без хужайраларида ишланадиган протеазалар таъсирида тиреоглобулин гидролизланиб, фаол гормонлар – трийодтиронин ва тетрайодтиронин ёки тироксин ажралади. Трийодтиронин ва тироксин конга утиб, плазма оксиллари билан бирикади. Трийодтиронин физиологик жихатдан тироксинга нисбатан 20 марта фаолрок. Калконсимон без гормонлари энергия алмашинувини кучайтиради, асосий алмашинув сезиларли даражада ортади. Тироксин организмда углеводлар, оксиллар ва ёгларнинг сарфланишини кучайтиради. Тироксин таъсирида тукималар кондаги глюкозани куплаб узлаштиради. Оксилларнинг зур ббериб сарфланиши сабабли сийдикдаги азот микдори купаяди.
Калконсимон без гормонлари организмнинг ривожланишини тезлаштиради, МНС га кузгатувчи таъсир курсатади. Масалан, итга катта дозада тироксин юборилса, ит безовталаниб, унда тремор кузатилади, пай рефлекслари кучаяди. Йод тутувчи гормонлар, айникса мия стволининг ретикуляр формациясида куп тупланади. Натижада ушбу тузилма тонуси ортиб, у бош мия ярим шарлар пустлогига фаолловчи таъсир курсатади.
Калконсимон безда шунингдек тиреокальцитонин гормони хам синтезланади. Ушбу гормон кондаги кальций микдорини камайтиради. Тиреокальцитонин таъсирида суяк тукимасини емирувчи остеокласт хужайраларнинг фаоллиги сусайиб, суяк тукимасининг шаклланишига сабаб булувчи остеобласт хужайраларининг фаоллиги ортади. Тиреокальцитонин калконсимон безнинг фолликулаларидан ташкарида жойлашган парафолликуляр хужайраларда хосил булади.