Yengil atletika va uni

To‘siq – stiplchez, to‘siqlar osha yugurish bellashuvlarida sport-
chilar tomonidan oshib o‘tish talab qilinuvchi moslama bo‘lib, uni 
sakrab oshib o‘tish yoki eng yuqorigi to‘sini ustidan o‘tish talab 
qilinadi. Uning ko‘rsatkichlari: balandligi erkaklar uchun – 91,4 sm va 
ayollar uchun 76,2 sm, kengligi 3,94 metrni tashkil qiladi. To‘siqning 
yuqorigi to‘sini kesimi maydoni 12,7 × 12,7 sm va og‘irligi qiymati 
80 – 100 kg ni tashkil qiladi. 
Sakrash – odamning vertikal yoki gorizontal holatdagi to‘siqni 
oshib o‘tish usuli hisoblanadi.
Uzunlikka sakrash – gorizontal holatdagi engli atletika sakrash 
turi bo‘lib, sportchi tomonidan ma’lum bir masofadan yugurib kelib, 
itarilib sakrashdan keyin ma’lum bir uzunlik masofasini zabt etishi 
hisoblanadi. 
Langarcho‘p bilan sakrash – vertikal holatdagi yengil atletika 
sport turi bo‘lib, maxsus moslama – tayoq (shest) yordamida ma’lum 
bir balandlikka o‘rnatilgan plankani oshib o‘tish va maxsus porolondan 
tayyorlangan gilamga tushishdan tashkil topadi. 

---

607
Dastur turi bo‘yicha Referi (katta hakam) – yengil atletika 
guruhi turlarida musobaqani o‘tkazish uchun ma’sul bo‘lgan hakam 
bo‘lib, ushbu sport turida hakamlar guruhini (yugurish turlari bo‘yicha 
referi, sakrash bo‘yicha referi, uloqtirish bo‘yicha referi va hokazo) 
boshqaradi. 
Dasturlar turlari bo‘yicha kotib – yengil atletikaning alohida 
turlari bo‘yicha musobaqalarni o‘tkazish bo‘yicha bayonnomalarni 
tayyorlash va yuritish, musobaqaning navbatdagi bosqichiga chiqish 
uchun eng yaxshi sportchilarni aniqlash, ushbu tur bo‘yicha musobaqa 
yakunlarini chiqarish uchun javobgar bo‘lgan hakam hisoblanadi.
Musobaqa davri – yengil atletikachining mashg‘ulotlar davri 
bo‘lib, 3 – 4 haftadan 2 – 3 oygacha davomiylikda qayd qilinadi, uning 
asosiy vazifasi – sportchining sport formasini ro‘yobga oshirish va 
maksimal qiymatdagi sport natijalariga erishishdan iborat hisoblanadi.