Yoshlаr sotsiologiyasi

Birinchidan, zamonaviy talablarni hisobga olib ustuvor yoʼnalishlarni 
mustahkamlab quyilgan, bular qoʼyidagilar: ijtimoiy, iqtisodiy, siyosiy, boshqa 
huquq va qiziqishlarni taʼminlash, hammabop va sifatli taʼlim, jismoniy, aqliy va 
ahloqiy rivojlanishga koʼmaklashish, bandlik va ishga joylashishlari uchun sharoit 
yaratish, qonunlarga, milliy va umuminsoniy qadr-qimmatlarga hurmat ruhida 
tarbiyalash, ahloqiy negizga putur yetkazadigan harakatlardan himoya qilish, 
radikalizm (keskin chora-tadbirlarni qabul qilish), zoʼravonlikdan va zulmdan 
asrash, sogʼlom turmush tarzini shakllantirish, yoshlar sportini rivojlantirish va 
boshqalar. Shuningdek yoshlarni qoʼllab-quvvatlashda davlat, hududiy va boshqa 
dasturlar hisobga olingan. 
Ikkinchidan, markazda va joylarda yoshlarga oid davlat siyosatini amalga 
oshirishda ishtirok etayotgan ijro organ va tashkilotlarning vazifalari, vakolatlari 
va javobgarliklari belgilab qoʼyildi. Bu ijro organlariga taʼlim, sogʼliqni saqlash, 
madaniyat, sport, mehnat va boshqa sohalarda yoshlarning huquq va qonuniy 
qiziqishlarini taʼminlashga, huquqiy savodxonlikni oshirish boʼyicha chora-
tadbirlarga, yoshlar oʼrtasida huquqbuzarlik profilaktikasiga, sotsial institutlar 
bilan munosabatlariga va boshqalarga yoʼnaltirilgan normativ-huquqiy hujjatlar 
talabini toʼla bajarish vazifasi yuklatilgan. 

---

20 
Uchinchidan, qonun nizomi shuningdek yoshlarga oid davlat siyosatini 
amalga oshirishda ijtimoiy, eng avvalo yoshlar institutlarining, oʼzini-oʼzi 
boshqarish organlarining, OАVning rolini va oʼrnini kuchaytirishga yoʼnaltirilgan. 
Davlat va boshqa dasturlarni ishlab chiqish va bajarishda fuqarolik jamiyati 
institutlarining ishtirokining huquqiy mexanizmlari, sogʼlom va rivojlangan yosh 
avlodni tarbiyalash boʼyicha tadbirlarni tashkillashtirish va oʼtkazish, ijtimoiy 
hayotda yoshlarning roli va faolligini oshirish, shu sohada qonun chiqarish va 
davlat dasturilari talablari bajarilishi ustidan ijtimoy nazoratning bajarilishi 
taʼriflangan.