Юқори молекуляр бирикмалар кимёси фанидан лаборатория машғулотлари учун

Полиамидларнинг гидролитик деструкцияси
Ишнинг мақсади: гравиметрик усул билан полиамидларнинг гидролитик деструкциясининг кинетикасини сульфат кислота эритмасида текшириш.
Реактивлар: полиамид (капрон, нейлон) доначалари; 15, 20 25 ва 30% ли сульфат кислота эритмалари, дистилланган сув.
Жиҳозлар: гидролиз олиб боришга мўлжалланган асбоб, тескари совутгич, электр плиткаси.
Ишнинг бажарилиши: гравиметрик усул билан капрон (нейлон) нинг гидролитик деструкцияси кинетикасини сульфат кислотаси эритмаларида ўтказиш.
1. Асбобнинг бутунлиги ва совутгичда сув борлигини текширилади.
2. 0,1 г капрон доначаларини анализ тарозида тортиб, уни маҳсус чашка (2) га жойлапiтирилади.
3. Колба (2) га наъмуна ботадиган бўлгунча сульфат кислота эритмаси қуйиб асбоб ичига полимерли косача (1) ни жойлаштирилади ва кислота эритмаси қайнагунча электр плитка (3) сида тез қиздирилади.
4. Реакция давомида хар 10 минутда полимерли косача (1 ни олиб наъмунани фильтр қоғоз орасига қўйиб сиқилади ва наъмунани аналитик тарозида тортилади. Ҳаммаси бўлиб ўлчаш 6—8 марта такрорланади.
Топшириқ а) полиамиднинг кислотали гидролиз механизмини ёзинг ва тушунтиринг; б) наъмуна оғирлигини вақтга боғлиқ графигини чизинг ва унинг йўналишини тушинтиринг.

Гидролитик деструкция ўтказиладиган асбоб

Полиакрилонитрил (нитрон) толасининг қисман гидролизи
Ишнинг мақсади: кимёвий ва бошқа усуллар билан полиакрилонитрил толасининг гидролизланишини сульфат кислота эритмаси ва турли эритувчиларда текшириш.
Реактивлар: нитрон толаси; 10, 20 ва 30% ли сульфат кислота эритмалари, дистилланган сув ва органик эритувчилар.
Жиҳозлар: ингичка шиша най (кариляр), пробиркалар.