Ўзбекистон республикаси давлат божхона қЎмитаси божхона институти

Эътибор беринг!
 Банкротлик тўғрисидаги иш иқтисодий суднинг 
мажлисида қарздорни банкрот деб топиш тўғрисидаги ариза иш 
юритишга қабул қилинганлиги ҳақида ажрим чиқарилган кундан 
эътиборан бир ойдан ортиқ бўлмаган муддатда кўриб чиқилиши лозим. 
Банкротлик тўғрисидаги ишни кўриш алоҳида ҳолларда бир ойдан 
ошмаган муддатга узайтирилиши мумкин. 
ИПК 25-моддаси биринчи қисмининг 4-бандига кўра ҳакамлик 
муҳокамаси билан боғлиқ ишлар иқтисодий судлар томонидан кўриб 
чиқилади. Бундай тоифадаги ишлар ушбу Кодекснинг 28-моддасида 
белгиланган бўлиб, ҳакамлик муҳокамаси билан боғлиқ бўлган ишлар 
жумласига қуйидагилар киради: 
1) даъвони таъминлаш юзасидан чоралар кўриш тўғрисидаги 
аризалар бўйича ишлар; 
2) ҳакамлик судларининг ҳал қилув қарорлари юзасидан 
низолашиш ҳақидаги аризалар бўйича ишлар; 
3) ҳакамлик судларининг ҳал қилув қарорларини мажбурий ижро 
этиш учун ижро варақалари бериш тўғрисидаги аризалар бўйича ишлар. 

---

75 
Иқтисодий судлар ушбу модданинг биринчи қисмида санаб 
ўтилган ишларни ушбу Кодекснинг 8, 28 ва 29-бобларида кўрсатилган 
хусусиятлар билан биргаликда иқтисодий суд ишларини юритишнинг 
умумий қоидалари бўйича кўриб чиқади. 
Фуқаролик ҳуқуқий муносабатларидан келиб чиқиб, юзага 
келадиган ѐки юзага келиши мумкин бўлган ҳамда иқтисодий судга 
тааллуқли бўлган низо тарафларнинг келишувига биноан, иқтисодий суд 
ҳал қилув қарори чиқаргунига қадар ҳакамлик судига кўриш учун 
топширилиши мумкин. Ўзбекистон Республикаси Фуқаролик кодекси 
10-моддасининг биринчи қисмига кўра, фуқаролик ҳуқуқлари 
процессуал қонунлар ѐки шартномада белгилаб қўйилганидек, ишлар 
қайси судга тааллуқли бўлишига қараб, суд, иқтисодий суд ѐки ҳакамлик 
суди томонидан ҳимоя қилинади.
Эътибор беринг!
Ўзбекистон Республикаси «Ҳакамлик судлари 
тўғрисида»ги Қонунида белгиланган нормаларга биноан, Ўзбекистон 
Республикасида доимий фаолият кўрсатувчи ва муваққат ҳакамлик 
судлари ташкил этилиши мумкин. 
Давлат ҳокимияти ва бошқарув органлари ҳакамлик судларини 
ташкил этиши ҳамда ҳакамлик битими тарафлари бўлиши мумкин эмас. 
Ҳакамлик судлари юридик шахс бўлмайди.