Ўзбекистон республикаси халқ

6.3. Obyektning yoshi bo‘yicha ruhiy-jinsiy yo‘nalishning buzilishi 
Pedofiliya – bolalarga nisbatan jinsiy moyillik. Pedofiliya shakllanishi uchun 
asos bo‘lib, ruhiy-jinsiy rivojlanish retardatsiyasi, boshqa jins kishilari bilan 
aloqalarning buzilishi va ko‘pincha to‘g‘ri jinsiy hayotga xalaqit beruvchi jinsiy 
buzilishlar xizmat qiladi. Pedofiliya ko‘pincha o‘smirlarda, 30 yoshli va yoshi katta 
erkaklarda kuzatiladi. O‘smirlar orasida asosiy qismni ruhiy-jinsiy va hissiy 
rivojlanishdan orqada qolish sababli tengdosh qizlar bilan muloqotni yo‘lga qo‘yish 
va ularning ko‘nglini ovlashni bilmaydigan shaxslar tashkil qiladi. 30 yoshlilar 
guruhini uylanganlar, lekin o‘z jinsiy va ijtimoiy munosabatlarini tashkil eta 
olmaganlar va ko‘proq qiz bolalar bilan o‘ynaganda jinsiy lazzat oladigan hamda 
katta yoshli ayollar bilan yaqinlikka borishga tavakkal qila olmaydigan 
frustratsiyalangan erkaklar tashkil qiladi. Keksalar orasida ba’zan yolg‘iz shaxslar 
va jinsiy buzilishlardan azob chekayotganlar uchraydi. Yolg‘izlar qiz bolalar bilan 
muloqotda o‘zlarining yetim holatlaridan chiqish yo‘llarini izlaydilar, ulardan 
aksariyati ayollar bilan muloqot qilishda qiyinchiliklarni boshdan kechiradilar, jinsiy 
buzilishlarga uchragan keksa erkaklar esa bu muloqotdan o‘zlarining so‘nib 
borayotgan shahvoniyligini qo‘zg‘atish uchun foydalanadilar. 
Pedofiliyada kamdan-kam hollarda jinsiy aloqalar, shuningdek nomusga 
tegishlar uchrab turadi. Odatda, hamma narsa “ixtiyoriy”likka asoslanadi. Faqat 
o‘smirlargina qo‘rqitish va tahdidlarni qo‘llaydilar. Qiz bolani yo‘ldan uruvchi 
harakatlar odatda, ishqiy munosabatlar haqidagi hikoyalar, pornografik suratlar 
namoyishi, jinsiy a’zolarni ko‘zdan kechirish va ko‘rsatish, erkalashlar, yuzaki va 
chuqur petting, ba’zan oralli-genital aloqalarni o‘z ichiga oladi, kamdan-kam 
hollarda ish genital aloqagacha boradi.