Ўзбекистон Республикаси Марказий банки пул-кредит сиёсатининг 2022 йил ва 2023-2024 йиллар даврига мўлжалланган асосий йўналишлари

5. 
Банклараро пул бозори фаоллигини ошириш. Бугунги кунда 
фақатгина гаровсиз (“unsecured”) банклараро пул бозори фаолият 
кўрсатаётган бўлиб, банк тизимида умумий ликвидлик профицитининг 
мавжудлиги ва ушбу профицитнинг деярли барча банкларга 
тақсимланганлиги сабабли ҳам сўнгги ойларда пул бозори фаоллигининг 
бироз сусайганлиги кузатилмоқда. Таъкидлаш жоизки, банкларнинг 
ликвидликни ўзаро қайта тақсимлашдаги фаоллигини рағбатлантириш ва 
пул бозоридаги амалиётлар жозибадорлигини ошириш мақсадида 
Марказий банк фоиз коридори кенгайтирилди. 
Ўрта 
муддатли 
истиқболда 
банклар 
билан 
коммуникация 
муносабатларини ривожлантириш ва улар учун ликвидликни самарали 
бошқариш бўйича семинарлар сонини ошириш, ХМИ экспертларини 
таклиф этган ҳолда банк мутахассисларининг малакасини ошириш, банк 
тизимини транформация қилиш жараёнларини тезлаштириш, уларнинг 
пул бозоридаги фаоллигини рағбатлантириш режалаштирилган.

---

Ўзбекистон Республикаси Марказий банки
 
ПУЛ-КРЕДИТ СИЁСАТИНИНГ 2022 ЙИЛ ВА 2023-2024 ЙИЛЛАР
ДАВРИГА МЎЛЖАЛЛАНГАН АСОСИЙ ЙЎНАЛИШЛАРИ
53
 
Ўз ўрнида, банкларнинг ўзаро операцияларида ишончни ошириш ва 
хатарларни қисқартириш мақсадида банклараро РЕПО бозори 
фаолиятини ташкил этиш ҳам эътибор қаратиладиган муҳим 
масалалардан ҳисобланади. 
Шунингдек, пул-кредит соҳасидаги вазиятдан келиб чиққан ҳолда 
пул-кредит 
сиёсати 
ва 
пруденциал 
сиёсатларнинг 
самарали 
интеграциясини таъминлаш орқали пул бозорини янада ривожлантириш 
чоралари кўриб борилади. 
3.2. 
Ички валюта бозорини янада ривожлантириш йўналишлари 
Марказий банк томонидан ички валюта бозорини янада 
такомиллаштириш ва курс шаклланишида иштирокчилар ролини ошириш 
бўйича ўрта муддатли истиқболда бир қатор чора-тадбирларни амалга 
ошириш режалаштирилган. Хусусан, бугунги кунда, Марказий банк ички 
валюта бозорининг асосий иштирокчиси бўлиб, валюта таклифини 
таъминлашдаги роли юқори ҳисобланади. Бироқ, ички валюта бозорини 
ривожлантириш жараёнида босқичма-босқич Марказий банк ролини 
камайтириш ва тижорат банкларининг маркет-мейкер (бозорни ташкил 
этувчи) ролини ошириш мақсад қилиб олинган. 
Маркет-мейкерлар валюта бозорининг асосий иштирокчилари 
ҳисобланиб, бозор ликвидлигини оширишга ҳамда валюта таклифи ва