Ўзбекистон республикаси соғЛИҚни сақлаш вазирлиги тошкент Педиатрия тиббиёт институти

 
Болалар энурези 
 
Асосий ҳолатлар ва статистик маълумотлар 
 
Кундузги энурез билан оғриган барча болаларни сийдик таҳлили 
ўтказилгандан сўнг педиатрга юбориш лозим. 
Кечаси ўринга сийиб қўйиш – сийдик йўлларида анатомик аномалиялари 
бўлмаган 5 ёшдан катта болаларнинг уйқу вақтида ўрнига беихтиёр сийиб 
қўйишидир. Кечаси ўрнига сийиб қўядиган 5 ёшдан катта болаларни умумий 
амалиёт шифокори даволайди. Кечаси беихтиёр сийиб қўйиш 3 ёшли 
болаларнинг 50% да, 4 ёшли болаларнинг 30% да, 5 ёшли болаларнинг 15% 
да ҳамда 14 ёшли ўсмирларнинг 2% да кузатилади. Аксарият ҳолларда қиз 
болаларга нисбатан ўғил болаларда учрайди, ирсий бўлиши мумкин. 
Агар кечаси сийиб қўйиш аввалига анчага йўқолиб, кейин яна пайдо бўлса 
уни иккиламчи кечаси сийиб қўйиш дейилади. 
Этиологияси 
 
Руҳий омиллар: Энурезни ўз-ўзидан руҳий бузилиши деб ҳисоблаб 
бўлмайди, бироқ ташвишлантирадиган воқеалар ва ҳаёт тарзини ўзгариши, 
эмоционал кечинмаларни кечириш энурезнинг ривожланишига олиб келиши 
мумкин. 
Етилиш. Энурезнинг сабабларидан бири – физиологик етилиш 
даражасининг етарлича эмаслиги. 
Ирсият. 70% ҳолларда оиланинг бирор бир аъзосида энурез кузатилган. 
Органик сабаблар. Инфекция, сийдик пассажининг бузилиши, умуртқанинг 
бел-думғаза бўлими патологияси қовуқнинг бузилган иннервацияси билан 
биргаликда, қандли диабет, қандсиз диабетдаги кўп сийиш ва ўроқсимон 
ҳужайравий анемия – сийдик тутолмасликнинг эҳтимолий сабаблари бўлиб, 
энурез ҳолатларининг 1-5% ни ташкил этади холос. Сурункали қабзият ҳам 
энурез сабабларидан бири ҳисобланади. 
 
Диагностикаси 
 
Анамнез. Энурез, энурез тури (бирламчи ёки иккиламчи, кечаси ёки 
кундузги)нинг оилавий анамнези. Сийиш хусусиятларини қайд этиш 

---

79 
(частотаси, қистовлар, дизурия, томчилаб сийиш). Руҳий стрессор омилларни 
аниқлаш. 
Текшириш. Бўй ва оғирлиги. АБ. Умуртқанинг бел-думғаза бўлими 
функциясини аниқлаш мақсадида неврологик текширув. Ташқи жинсий 
аъзоларни текшириш.