Ўзбекистон Республикаси Вазирлар Маҳкамаси Давлат тест маркази
МУҚОБИЛ ЖАВОБЛИ ТЕСТ ТОПШИРИҚЛАРИНИ
Download 384.08 Kb. Pdf ko'rish
|
A Solijonov - Test o\'zi nima
- Bu sahifa navigatsiya:
- 1-қоида. Ҳар бир тест топшириғи аниқ бир мақсадни кўзда тутган ҳолда ишлаб чиқилиши
|
5. МУҚОБИЛ ЖАВОБЛИ ТЕСТ ТОПШИРИҚЛАРИНИ ТУЗИШ УЧУН КЎРСАТМАЛАР Ушбу бобнинг мақсади муқобил жавобли тест топшириқларини тузиш жараёнида эътиборга олиниши лозим бўлган асосий қоида ва кўрсатмаларни тақдим этишдан иборат. Бу қоида ва кўрсатмалар сифатли тест топшириқларини тузиш учун зарур маълумотларни беради. 1-қоида. Ҳар бир тест топшириғи аниқ бир мақсадни кўзда тутган ҳолда ишлаб чиқилиши керак. Яъни тест топшириғининг мақсади ўқувчининг маълум бир фан доирасидаги материални қай даражада ўзлаштирганлигини ёки бўлмаса унинг муайян бир қобилиятини баҳолаш учун мўлжалланган бўлиши керак. Мақсадсиз тузилган тест топшириқлари объектив натижаларни олиш учун самарасиз ҳисобланади ҳамда оддий ва кераксиз маълумотлардан иборат бўлганлиги сабабли ўқувчи билимини 16 баҳолашда кутилган натижаларни бермайди. Умуман олганда, тест тузиш мураккаб жараён ҳисобланиб, ўқитувчидан ўз фани бўйича кўп йиллик тажриба, мукаммал, чуқур билим ва ижодий ёндашувни талаб қилади. Мавзудаги дуч келган маълумотни тест учун муаммо сифатида қабул қилиб ундан тест тузишда фойдаланиш ярамайди. Ўқитувчи, аввало, тест топшириғи ёрдамида нимани баҳоламоқчи эканлигини аниқ тасаввур қила олиши керак ва тузган тест топшириқлари ўқувчининг мазкур фан бўйича билимини баҳолашда ишончли ва объектив натижаларни бериши лозим. Мисол: Нотўғри тузилган тест топшириғи Хусусийлаштириш бўйича ҳукумат қарори қачон қабул қилинди? A) 1991 B) 1992 C) 1993 D) 1994 Тўғри тузилган тест топшириғи Давлат мулкини хусусийлаштириш қандай ижобий оқибатларга олиб келади? A) Мамлакатда нарх-наво пасаяди. B) Миллий валютанинг қадри ошади. *C) Мулкка муносабат ўзгаради. D) Чет эл инвестицияси кўпаяди. Юқоридаги нотўғри тузилган тест топшириғида хусусийлаштириш тўғрисидаги қарор қабул қилинган сана сўраляпти. Иқтисод фани бўйича ўқувчининг воқеа ёки ҳодисалар содир бўлган саналарни ёдда сақлаш қобилиятини баҳолаш унинг ушбу фан бўйича билими ҳақида объектив хулоса чиқариш учун етарли бўлмайди. Download 384.08 Kb. Do'stlaringiz bilan baham: 
|