Ўзбекистон республикасининг жиноят кодекси

184-модда. Солик ва бошка тўловларни тўлашдан бўйин товлаш
(ЎзР 29.08.2001 й. 254-II-сон Конуни тахриридаги модда матни)

Фойда (даромад) ёки солик солинадиган бошка объектларни касддан яшириш, камайтириб кўрсатиш, шунингдек давлат томонидан белгиланган соликларни, йигимларни, бож ёки бошка тўловларни тўлашдан касддан бўйин товлаш, шундай килмишлар учун маъмурий жазо кўлланилганидан кейин анча микдорда содир этилган бўлса,

энг кам ойлик иш хакининг бир юз эллик бараваригача микдорда жарима ёки икки йилгача ахлок тузатиш ишлари ёхуд олти ойгача камок билан жазоланади.
Солик ёки бошка тўловларни тўлашдан бўйин товлаш:
а) такроран;
б) кўп микдорда содир этилган бўлса,
энг кам ойлик иш хакининг бир юз эллик бараваридан уч юз бараваригача микдорда жарима ёки икки йилдан уч йилгача ахлок тузатиш ишлари ёхуд уч йилгача озодликдан махрум килиш билан жазоланади.
Солик ёки бошка тўловларни тўлашдан бўйин товлаш жуда кўп микдорда содир этилган бўлса,
энг кам ойлик иш хакининг уч юз бараваридан олти юз бараваригача микдорда жарима ёки уч йилдан беш йилгача озодликдан махрум килиш билан жазоланади.
Касддан яширилган, камайтириб кўрсатилган фойда (даромад) бўйича соликлар ва бошка тўловлар тўлик тўланган такдирда, озодликдан махрум килиш тарикасидаги жазо кўлланилмайди.
184-1-модда. Бюджет интизомини бузиш
(ЎзР 15.04.1999 й. 772-I-сон Конуни тахриридаги модда)

Бюджет интизомини бузиш, яъни бюджет маблагларини бюджетда ёки бюджетдан молияланадиган муассасалар ва ташкилотларнинг сметаларида назарда тутилмаган харажатларга йўллаш, шундай муассасалар ва ташкилотларда харажатлар кисми бўйича бюджетдан ажратилган маблагларнинг лимитлардан ортиб кетиши, штат-смета интизомини бузиш, шундай килмиш учун маъмурий жазо кўлланилганидан кейин содир этилган бўлса, энг кам ойлик иш хакининг эллик бараваригача микдорда жарима ёки бир йилгача ахлок тузатиш ишлари ёхуд олти ойгача камок билан жазоланади.

Ўша килмиш кўп микдорда содир этилган бўлса, - энг кам ойлик иш хакининг эллик бараваридан етмиш беш бараваригача микдорда жарима ёки икки йилгача ахлок тузатиш ишлари ёхуд бир йилгача озодликдан махрум килиш билан жазоланади.
Ўша килмиш жуда кўп микдорда содир этилган бўлса, - энг кам ойлик иш хакининг етмиш беш бараваридан юз бараваригача микдорда жарима ёки икки йилгача озодликдан махрум килиш билан жазоланади.
Бюджетдан молияланадиган муассасалар ва ташкилотларга иш хаки, нафакалар, стипендиялар ва уларга тенглаштирилган бошка харажатлар тўлови учун пул маблаглари бериш банкларнинг рахбарлари ва бошка мансабдор шахслари томонидан асоссиз равишда кечиктирилганлиги, шундай харакатлар учун маъмурий жазо кўлланилганидан кейин содир этилган бўлса, - энг кам ойлик иш хакининг эллик бараваригача микдорда жарима ёки уч йилгача муайян хукукдан махрум килиш ёхуд бир йилгача озодликдан махрум килиш билан жазоланади";