Ózbekstan respublikasí joqarí HÁm orta arnawl

II BAP ÚYRETIWDIŃ PRINCIPLERI
2.1. Tálim-tárbiya procesin jobalastırıwǵa tayarlawda qollanılatuǵın principler
Búgingi kúnde bolajaq oqıtıwshılardı oqıwshı shaxsına baǵdarlanǵan tálim­tarbiya procesin jobalastırıwǵa úyretiw zárúrli pedagogikalıq áhmiyetke iye. Bul tarawda kóp qırlı jantasıwlardıń bar ekenligine qaramastan, shaxsqa baǵdarlanǵan tálim procesin shólkemlestiriw, onı basqarıw, oqıtıwshı iskerligin mazmun, metod hám sapa tárepten jetilistiriw, onı shaxsqa baǵdarlanǵan tálim procesin ámelge asırıwǵa tayarlaw sıyaqlı máseleler óz sheshimin kútpekte.
Shaxsqa baǵdarlanǵan tálim-tárbiya procesin jobalastırıwǵa bolajaq oqıtıwshılardı úyretiwde tómendegilerge ayrıqsha itibar qaratıw kerek:
- joybarlastırılatuǵın tálim-tárbiya procesi oqıwshılardı rawajlandırıw múmkinshiligine iye bolıp, bolajaq oqıtıwshı bolsa usı processti joybarlaw hám shólkemlestiriwge hár tárepleme tayar bolıwı;
- tálim-tárbiya procesiniń joybarı shaxsqa baǵdarlanǵan tálimniń konceptual tiykarlarına muwapıq keliwi;
- tálim-tárbiya procesi joybarında oqıtıwshınıń shaxsqa baǵdarlanǵan tálim procesin shólkemlestiriwge tiyisli iskerlik baǵdarları anıq kórsetilgen bolıwı kerek hám t.b.
Bolajaq oqıtıwshılar shaxsqa baǵdarlanǵan tálim procesiniń konceptual tiykarların ózlestirgenliklerin tómendegiler járdeminde anıqlaw maqsetke muwapıq bolıp tabıladı: 1) texnologiyalıq; 2) pikiriy-qádiriyatlı; 3) biliw iskerlgi baǵdarları arqalı.
Professional diagnostikanı anıqlawlaw hám kásip-ónerge baǵdarlaw, sonıń menen birge tálim alıwshılardı joqarı tájiriybe talap etpeytuǵın kásiplerge tayarlaw tártibi nızam hújjetlerinde belgilenedi².
Bolajaq oqıtıwshılardıń hár bir baǵdar boyınsha ózlestirgen iskerlik kónlikpelerin anıqlaw ushın professor-oqıtıwshılar diagnostikanı anıqlaw metodikasınan paydalanıwları maqsetke muwapıq bolıp tabıladı³. Bunday diagnostikanı anıqlawdan názerde tutılatuǵın maqset oqıtıwshılardıń shaxsqa baǵdarlanǵan tálim procesin joybarlaw hám shólkemlestiriw iskerlgi dárejesin anıqlaw bolıp tabıladı⁴. Diagnostikanı anıqlawdıń birinshi baǵdarı bolajaq oqıtıwshınıń kásiplik-jeke sapaları, pedagogikalıq sheberligin anıqlawǵa qaratılıwı kerek. Bunda tómendegilerge itibar qaratıladı:
- bolajaq oqıtıwshı pedagogikalıq oylawınıń oqıwshı shaxsın kompleks rawajlandırıwǵa baǵdarlanǵanlıǵı;
- bolajaq oqıtıwshınıń óz pedagogikalıq iskerligine bolǵan unamlı, dóretiwshilik múnásibeti;
- bolajaq oqıtıwshınıń óz pedagogikalıq iskerligin tálim reformaları, Mámleket tálim standartları talaplarınan kelip shıqqan halda qáliplestiriwge qaratılǵanlıǵı;
- bolajaq oqıtıwshınıń óz kásiplik rawajlanıwın támiyinlew jolındaǵı tosqınlıqlardı saplastırıwǵa umtılıwı hám t.b.
Shaxsqa baǵdarlanǵan oqıw - biliw procesiniń túrleri 1-sızılmada keltirilgen.
Shaxsqa baǵdarlanǵan oqıw - biliw processi nátiyjelerin oqıtıwshı tárepinen diagnostikanı anıqlawda tómendegilerge ámel etiw usınıs etiledi:
1. Oqıw-biliw procesi oqıwshı shaxsın rawajlandırıw múmkinshiligin bere alıwı hám oqıtıwshınıń bul processti shólkemlestiriwge tayarlıǵı [4].
2. Oqıw-biliw procesiniń shaxsqa baǵdarlanǵan tálimniń konceptual tiykarlarına muwapıq keliwi.
3. Oqıtıwshınıń shaxsqa baǵdarlanǵan tálim procesin shólkemlestiriwge tiyisli iskerlik baǵdarların anıqlaw.