Узбекистоннинг европа итифоки мамлмкатлари билан истикболи хамкорлиги

Узбекистоннинг европа итифоки мамлмкатлари билан
истикболи хамкорлиги.

Европа Иттифоқи билан ҳамкорликни янада ривожлантириш ва чуқурлаштириш, вазирликлар, давлат қўмиталари ва идораларнинг Ўзбекистон Республикаси ва Европа ҳамжамиятлари ҳамда уларга аъзо давлатлар ўртасида 1996 йил 21 июндаги Шериклик ва ҳамкорлик тўғрисидаги битимни келгусида бажариш бўйича фаолиятини мувофиқлаштириш мақсадида Вазирлар Маҳкамаси қарор қилади:
1. Қуйидагилар:
2004—2008 йиллар даврида Ўзбекистон Республикаси Ҳукуматининг Ўзбекистон Республикаси ва Европа ҳамжамиятлари ҳамда уларга аъзо давлатлар ўртасида Шериклик ва ҳамкорлик тўғрисидаги битимни амалга оширишга доир асосий ташкилий чора-тадбирлари комплекс дастури 1-иловага мувофиқ;
«Ўзбекистон-Европа Иттифоқи» Ҳамкорлик кенгаши, «Ўзбекистон-Европа Иттифоқи» Ҳамкорлик қўмитаси ва тегишли кичик қўмиталарнинг Ўзбекистонга оид қисми 2-иловага мувофиқ таркибларда;
«Ўзбекистон-Европа Иттифоқи» Ҳамкорлик кенгашининг Ўзбекистонга оид қисми тўғрисидаги низом 3-иловага мувофиқ тасдиқлансин.
2. ТАСИС дастури бўйича Ўзбекистон Республикасининг миллий мувофиқлаштирувчиси ваколатлари Ўзбекистон Республикаси Ташқи иқтисодий алоқалар, инвестициялар ва савдо вазири Э. Ғаниев зиммасига юклансин.
(2-банд Ўзбекистон Республикаси Вазирлар Маҳкамасининг 2012 йил 23 февралдаги 48-сонли қарори таҳририда — ЎР ҚҲТ, 2012 й., 8-9-сон, 82-модда)
3. Ўзбекистон Республикаси Ҳукуматининг 4-иловага баъзи мувофиқ қарорлари ўз кучини йўқотган деб ҳисоблансин ва айрим қарорларига ўзгартиришлар киритилсин.
4. Мазкур қарорнинг бажарилишини назорат қилиш Ўзбекистон Республикасининг Бош вазири Ш.М. Мирзиёев ва Ўзбекистон Республикаси Ташқи ишлар вазири С.С. Сафоев зиммасига юклансин.
Вазирлар Маҳкамасининг Раиси И. КАРИМОВ
2004 йил 22 март,
134-сон
Вазирлар Маҳкамасининг 2004 йил 22 мартдаги 134-сон қарорига
1-ИЛОВА
2004—2008 йиллар даврида Ўзбекистон Республикаси Ҳукуматининг Ўзбекистон Республикаси ва Европа ҳамжамиятлари ҳамда уларга аъзо давлатлар ўртасида Шериклик ва ҳамкорлик тўғрисидаги битимни амалга оширишга доир асосий ташкилий чора-тадбирлари
КОМПЛЕКС ДАСТУРИ