1. Fanning predmeti, maqsad va vazifalari

Xayrullayev Muzaffar Muxitdinovich (1931–2004). Taniqli faylasuf olim, 
Oʻzbekiston Fanlar akademiyasining akademigi, falsafa fanlari doktori, professor. 
M.Xayrullayev sharq falsafasi, xususan Forobiyning ilmiy falsafiy qarashlari 
boʻyicha yirik tadqiqot olib borgan, oʻziningg ilmiy asarlari bilan butun dunyoga 
Forobiyshunos olim sifatida tanilgan, koʻp yillar Falsafa va huquq instituti, 
Sharqshunoslik qoʻlyozmalar instituti direktori lavozimlarida faoliyat yuritgan, koʻplab 
shogirdlar etishtirgan. 
Shermuhamedov Said (1930–2016). Oʻzbekiston Respublikasi Fanlar 
akademiyasi akademigi, Oʻzbekistonda xizmat koʻrsatgan fan arbobi, Beruniy 
nomidagi Oʻzbekiston Davlat mukofoti sovrindori, Oʻzbekiston yozuvchilar 
uyushmasining a’zosi, Oʻzbekiston Falsafa jamiyatining prezidenti, falsafa fanlari 
doktori, professor. 
Akademik Said Shermuhamedov Oʻzbekistonda falsafa fani rivojiga, ilmiy-
pedagogik kadrlar – fan nomzodlari va doktorlari tayyorlashga salmoqli hissa 
qoʻshdi, falsafada oʻziga xos ilmiy maktabga, jumladan, ijtimoiy falsafa, madaniyat 
tarixi va nazariyasi boʻyicha fundamental ilmiy maktablarga asos soldi. 
Said Shermuhamedov 1930-yilning 12-mayida Buxoro viloyati- ning Qorakoʻl 
tumanida tavallud topgan. Alisher Navoiy nomidagi Samarqand davlat universitetida 
oʻqidi, u 1959-yilda nomzodlik, 1973- yilda esa doktorlik dissertatsiyasini 
muvaffaqiyatli himoya qildi. 
Oʻzbekiston Fanlar akademiyasining Ibrohim Moʻminov nomidagi Falsafa va 
huquq institutida etika va estetika boʻlimi mudiri, ilmiy ishlar boʻyicha direktor 
oʻrinbosari, Oʻzbekiston Respublikasi KP MK madaniyat boʻlimi mudiri, respublika 
Maorif vaziri, Qori Niyoziy nomidagi pedagogika ilmiy-tadqiqot institutida direktor 
lavozimlarida faoliyat koʻrsatdi. U Mirzo Ulugʻbek nomidagi Oʻzbekiston Milliy 
universitetida 1985–2000-yillarda falsafa kafedrasining mudiri, 2000– 2015-yillarda 
esa professor vazifasida ishladi. 
Said Shermuhamedovning «Yangilanayotgan jamiyatga – yangi falsafa» 
(1993), «Biz qanday jamiyat qurmoqdamiz?» (1999), «Inson falsafasi» (2001), 
«Istiqlol quyoshi» (2002), «Mustaqil Oʻzbekiston va falsafaning rivojlanishi» 
(2005), “Milliy gʻoya ijtimoiy taraqqiyotning qudratli kuchi” (2010), “Qalbim 

---

27 
izhorlari” (2010), “Ehtirom” (2015) singari rus va oʻzbek tillarida nashr etilgan 
boshqa koʻpgina asarlari jamiyatimizning tarixiy taraqqiyot yoʻlini bozor 
iqtisodiyoti sharoitida haqqoniy aks ettiradi.