11–rasm. Korxonada personalni joy–joyiga qo’yish.
Yangi xodimni kasbga moslashtirish kasbga yo’naltirishning yakunlovchi bosqichi, kasb
bo’yicha axborot va maslahat berish, personalni tanlash bo’yicha faoliyat samaradorligini
belgilovchi yakuniy natijalardan biridir. Kasbga moslashtirishning maqsadi – yangi xodim
tomonidan xizmat va ish vazifasiga doir bilim va ko’nikmalarini egallab, ulardan amaliyotda
samarali foydalana olishlariga erishishdir. Ushbu maqsadning pirovard natijasi yangi xodimni iloji
boricha qisqa muddatda tashkilotga integratsiya qilish, uni o’z mehnat faoliyatida muvaffaqiyatga
erishishga qiziqtirish va bu bilan samaradorlikni ta’minlashdir.
Ishga moslashtirish – ikki taraflama jarayondir. Bir tomondan, xodim korxonaga ishga kirar
ekan, bunday qarorga kelishga muayyan sabablar va ushbu qaror uchun mas’uliyatga asoslangan
ongli tanlovga kiradi. Ikkinchi tomondan, korxona xodimni muayyan vazifa yoki ishni bajarish
uchun o’ziga tegishli majburiyatlar oladi.
Xodimning ishga moslashishi ikkita tarkibiy: ishlab chiqarish va noishlab chiqarish muhitlari
(yuqoridagi 12-rasm)ni o’z ichiga oladi.
Noishlab chiqarish (uni tashkiliy-madaniy, deb ham ataydilar) muhiti ishga moslashishga
bilvosita ta’sir ko’rsatadi.
Umumiy ijtimoiy, tashkiliy shart-sharoitlar insonning ishlab chiqarish jarayoniga
moslashishiga ijobiy yoki salbiy ta’sir ko’rsatadi.
Ishlab chiqarish (uni ishlab chiqarish – tashkiliy, deb ham ataydilar) muhiti murakkab
tarkibga egadir. U kasbiy, psixofiziologik, ijtimoiy-psixologik, tashkiliy moslashiul, ijtimoiy faollik
sohasida moslashish, iqtisodiy moslashish kabi masalalarni (13-rasm) qamrab oladi.
Do'stlaringiz bilan baham: |
