1-қисм. Тўртламчи давр геологиясини илмий асослари, ўрганиш усуллари ва фойдали қазилмалари

Морфоструктуравий – рельеф шаклининг геологик структураларга мувофиқ келишини ўрнатишга (масалан, плато асосан,тоғ жинсларининг горизонтал ётувчи қатламлари билан боғлиқ, баъзи бир тизмалар антиклинал тузилишларга эга ва б.), геологик структуралар билан боғлиқ бўлмаган рельеф шаклларини (текисланиш юзалари ва б.), релефнинг инверсион шаклларини (синклинал тузилишга эга бўлаган тизмалар ва б. ) намоён этишга, йўналтирилган. Бу эса, пликатив ёки дизъюнктив тектоникалар яратган шаклларни дунудация билан ишлов берилгандан ажратишга, кўтарлишларда, чўкишларда, осуда тектоник режимда, тебратувчи тектоник ҳаракатларда ҳосил бўлган рельеф шаклларини аниқлашга, кескин тектоник ҳаракатларни ва уларни тўртламчи давр ичида ўзгаришларини ўрнатишга имкон беради. Морфоструктуравий тахлиллар натижалари структуравий-геоморфологик хариталарда ва морфоструктуралар харитасида ифодаланди.

Морфонеотектоник – энг янги ҳаракатларни ва неоструктураларни, ҳамда уларни қадимий тектоник ҳаракатлар ва геологик структуралар билан таққослайди (мерос ўтиш ходисасини, инверсион ривожланишларни ўрганади), ҳаракатлар ва неоструктураларнинг турларини, уларнинг рельеф шакллари билан нисбатларини намоён этади, морфогенезнинг экзоген омиллари билан ўзаро муносабатлари фонидаги рельефнинг тараққийси тарихида неотектоник омилнинг ролини аниқлайди.

Топографик, геологик, тектоник ва геоморфологик хариталар асосида, ер юзасининг тектоник рельефи тикланадиган неотектоник ҳаракатларнинг турлари, неоструктуралар, текисланиш юзасини қолдиқлари, денудация ва аккумуляция районларини ( бўшоқ қопамнинг изопахиталари биалан) кўрсатиш билан неотектоник хариталар, текто-изогипслар хариталар (тектоник деформацияларнинг тенг қийматли чизиқлари) тузилади. Рельефнинг тектоник шаклни қайта тиклашда экзоген агентлар яратган барча шакллар (дарё водийлар, карлар, цирклар, карстга хос шакллар ва ш.ў.) истесно қилинади.


2.2.2. Структуравий-геоморфологик тадқиқотлар

Структуравий-геоморфологик тадқиқотлар қуйидаги усулларни ўз ичига олади:

•