1. O‘zbekistonda tabiiy holda tarqalgan o‘simliklarning necha turi bor? J: 4500

12-§. KURTAK.

1. Kurtak − ...? J: bu boshlang‘ich poya.

2. Vegetativ kurtak − ...? J: boshlang‘ich bargli novda.
3. Generativ kurtak − ...? J: boshlang‘ich to‘pgul yoki gul.
4. Har qanday novda nimadan hosil bo‘ladi? J: kurtak.
5. Yirik kurtakli o‘simliklarga misol? J: terak, chinor, soxta kashtan, nastarin.
6. Mayda kurtakli o‘simliklarga misol? J: tut, tol, qayrag‘och, o‘rik, olma.
7. Kurtaklarning yirik yoki mayda bo‘lishiga qarab nimani aniqlash mumkin? J: o‘simlik turini.
8. Kurtaklar novdada qanday joylashadi? J: ketma-ket, qarama-qarshi va halqa hosil qilib.
9. Qanday kurtaklar farqlanadi? J: uchki (novdaning uchida); yon (novdaning yonida) va qo‘shimcha (ildizda, bargda) kurtaklar.
10. Kurtak uzunasiga kesilganda nimani ko‘rish mumkin?J: pishiq qobiq (tangacha barg), qobig‘i ostida joylashgan boshlang‘ich poyani va zich bo‘lib joylashgan boshlang‘ich barglarni.
11. Kurtak qobig‘ining vazifasi? J: kurtakni qishni qattiq sovug‘idan, kasallik tug‘diruvchi bakteriya, zamburug‘lardan saqlaydi.
12. Kurtak qachon yaxshi o‘sadi? J: qishki tinim davrini o‘taganda ya’ni yanvarning ikkinchi yarmi va fevralda.
13. Faza − ...? J: kurtaklarning bo‘rtib, yangi barg yoki gul chiqarishi uchun ketadigan vaqt.
14. Dastlab generativ kurtaklari so‘ngra vegetativ kutaklari yoziladigan o‘simliklarga misol? J: o‘rik, shaftoli, bodom.


13-§. POYANING ICHKI TUZILISHI.

1. Yuksak o‘simliklarning yer ustidagi asosiy vegetativ organi? J: poya.

2. Poya qanday vazifalarni bajaradi? J: tayanch, moddalar transporti, zaxira oziq moddalar to‘plash, vegetativ ko‘payish.
3. Poya nimadan hosil bo‘ladi? J: urug‘ning murtak qismidagi boshlang‘ich poyachadan.
4. O‘simliklar poyasi nimasiga qarab turlicha tuzilgan bo‘ladi? J: ular qaysi sistematik birlikka kirishi (bir va ikki urug‘pallali) va qaysi hayotiy shaklda (bir yillik o‘t, buta yoki daraxt) bo‘lishiga qarab.
5. Epiderma − ...? J: poyaning yuzasida bir qavat hujayralardan tashkil topgan qavat.
6. Po‘st parenximasi (asosiy to‘qima) − ...? J: epiderma ostida ko‘p qavatli tirik hujayralardan hosil bo‘lgan qavat.
7. Lub (flo­ema) − ...? J: po‘st ostidagi qavat.
8. Kambiy − ...? J: lub bilan yog‘ochlik orasidagi yosh va nozik hujayralardan iborat qavat.
9. Ksilema (yog‘ochlik) − ...? J: kambiydan keyingi qavat.
10. O‘zak qayerda joylashgan? J: poyaning o‘rtasida.
11. Yasmiqchalar qachon va qayerda hosil bo‘ladi? J: yozning ikkinchi yarmida, daraxtlar po‘stining sirtida.
12. Yasmiqchalarning rangi qanday bo‘ladi? J: qo‘ng‘ir rangli.
13. Yasmiqchalarning ahamiyati? J: poya ichidagi tirik hujayralar shu yasmiqchalar orqali nafas oladi.
14. Po‘stloq qanday hosil bo‘ladi? J: po‘st po‘kaklashishidan.
15. O‘simlikning qaysi qismlari qalin po‘stloq bilan qoplangan? J: tanasi va eski shoxlari.
16. Qalin po‘stloqni vazifasini ayting? J: ichkaridagi tirik hujayralarni qishki sovuqdan, yozgi issiqdan va turli zararli kasalliklar tug‘diruvchi mikroblardan himoya qilish.
17. Floema qaysi to‘qima hujayralaridan tashkil topadi? J: asosiy (parenxima), mexanik (lub tolalari) va o‘tkazuvchi (elaksimon naylar).
18. Tut novdasining qanday bo‘lishi lub tolalarining ko‘pligiga bog‘liq? J: egiluvchan va pishiq.
19. Lub tolasi yaxshi rivojlangan o‘simliklarga misol? J: zig‘ir, kanop va tut.
20. Lub tolalari yaxshi rivojlangan o‘simliklardan nimalarda foydalaniladi? J: ip tayyorlashda va arqon, qop, gazlama to‘qishda.
21. Elaksimon naychalar − ...? J: lub tolalari orasidagi teshikli to‘siqlar bilan bo‘lingan cho‘ziq, ingichka naychalar.
22. Qattiq yog‘ochli o‘simliklarga misol? J: qayrag‘och, eman, yong‘oq, o‘rik, zarang, saksovul, yulg‘un.
23. Yumshoq yog‘ochli o‘simliklarga misol? J: tol, terak, jiyda.
24. Qattiq yog‘ochli daraxtlardan nimalarda foydalaniladi? J: mebel va boshqa uy-ro‘zg‘or buyumlari tayyor-lashda foydalaniladi.
25. Ksilema (yog‘ochlik) qaysi to‘qima hujayralaridan tashkil topgan? J: o‘tkazuvchi (naylar), mexanik (yog‘ochlik tolalari), asosiy (parenxima).
26. Kambiy qavatining ahamiyati? J: uning hujayralar doimo bo‘linib (ko‘payib) turadi va shu hujayralar hisobiga poya eniga o‘sadi.
27. Yosh novdalarning o‘zagi qanday bo‘ladi? J: hujayralari tirik, ularda organik moddalar to‘planadi.
28. Poya ichki tuzilishiga ko‘ra qaysi qavatlardan iborat? J: po‘st yoki po‘kak, floema (lub), kambiy, yog‘ochlik (ksilema) va o‘zak.