12-боб. Bug'doydan navli un ishlab chiqarish texnologik tizimi 1-§. Вазифалари ва ишлатилиш урни

12.4-расм. Валлар параллеллигини созлаш механизми.
1 - котириш бошчасининг дастаги; 2 - бурама стержен; 3 - таянч подшипниги; 4 - пишанг; 5 - эксцентрик вал; 6 - осгич; 7 - ролик; 8 - кронштейн; 9 - валли дастгохнинг буйлама девори; 10 - втулка; 11 - чамбарак.

Чамбарак (11) соат стрелкаси буйлаб айлантирилганда (12.4-расмга каранг) бурама стержен (2) кронштейн (8)нинг йуналтиргичида харакатланади ва пишанг(4)нинг ролиги(7)ни суради. Пишанг эксцентрик вал атрофида буралганда осгич (6) кузгалувчан подшипник тирсагини юкорига тортади. Бунда валнинг пастки бир учи кутарилади. Чамбарак тескари йуналишда айлантирилганда бурама стержен (2) ролик(7)дан кочади. Осгич (6) уз массаси таъсири остида тушади ва пишанг(4) эксцентрик вал (5) атрофида буралиб, пастки валнинг учи сурилади. Котириш каллакчасининг дастаги (1)ни бураб пастки валнинг холати ва бошка вал учи хам маълум холатга келтириб котирилади.

Валларнинг параллеллигини созловчи механизм ёрдамида валлар орасидаги ораликни максимал 4,4 мм гача узгартириш мумкин. Механизмнинг сезувчанлиги чамбаракнинг бир марта айланиши эвазига узгариши билан бахоланиб, у 0,22 мм ни ташкил килади. Агар валнинг узунлиги буйича махсулотнинг майдаланиш даражаси бир хил булмаса, чамбарак (11)ни бураб валларнинг учларини кутариш ёки тушириш эвазига улар орасидаги ишчи оралик тенглаштирилади.
Валларни параллел якинлаштириш механизми уларни созлагандан кейин ишчи ораликни аник белгилаш учун мулжалланган. Валлар орасидаги талаб килинадиган ишчи оралик дастак(1)ни айлантириш йули билан урнатилади (12.5-расм). Дастак ёрдамида пишанг(5)га резба билан киритилган винт (4) буралади.

12.5-расм. Валларни параллел якинлаштириш механизми.
1 - ишчи ораликни урнатиш дастаги; 2 - илгакли котиргич; 3 - таянч; 4 - винт; 5 - пишанг (ричаг); 6 - тирсак осгичи; 7 - эксцентрик вал; 8 - илгакли котиргичнинг дастаги.

Пишанг ёрдамида эксцентрик вал буралади ва бунда пастки вал якинлашади ёки узоклашади. Валларни параллел якинлаштириш механизми ёрдамида улар орасидаги ораликни максимал 1,2 мм гача узгартириш мумкин, бунда механизмнинг сезгирлиги дастакнинг бир марта айланишида 0,06 мм ни ташкил килади. Валларни якинлаштириш-узоклаштириш тизими бу операцияларни автоматик усулда ва кул ёрдамида бошкаришни таъминлайди. Валларни кул ёрдамида якинлаштириш амали дастак (1)ни кутариш билан бажарилади. Дастакка куйиладиган куч эксцентрик вал (7)га кийдирилган буралиш пружинаси каршилигини енгади ва пишанг (5) оркали вални бурайди. Вал (7)нинг турумлари пишангларни, осгични, эхтиёт пружиналари ва кузгалувчан подшипникларнинг "тирсак"ларини юкорига силжитади. Шундай килиб, валнинг якинлашуви амалга ошади. Якинлашув холати илгакли котиргич (2) ёрдамида урнатилади. Илгакли котиргичнинг вални кисман ёки тулик якинлаштиришга мулжалланган иккита тишчаси мавжуд. Илгакли котиргичнинг холати кисувчан эксцентрик фиксатор билан сакланади.

Дастакни туширганда ёки илгакли котиргични таянчдан бушатганда тизимнинг тескари тартибда ишга тушиши кузатилади ва пастки вал хамда бураш пружинасининг хусусий массаси таъсири остида валнинг узоклашуви юзага келади. Валлар орасидаги ораликка улчами 5 мм гача булган бегона жисм тушиб колганда эхтиёт пружинаси пастки валнинг узоклашуви эвазига унинг утиб кетишини таъминлайди.
Ишчи режимда валларнинг якинлашув-узоклашувини бошкаришнинг автоматлаштирилган тизими хизмат килади. Бошкарув тизимининг маълумот берувчи асбоби (датчик) сифатида махсулот сатхи сигнализатори СУС-М-115 асбоби ишлатилса, ижро килувчи механизмлар сифатида электрмагнитли клапан ва пневмоцилиндр хизмат килади.
Сатх сигнализаторининг сезгир элементи (8) (12.2-расмга каранг) валли дастгохнинг кабул кувури ичига урнатилган. Кабул кувуридаги махсулот сезувчан элементнинг электр сигимини узгартиради ва натижада элемент бошкарув сигналини юзага келтиради. Унинг киймати бевосита дастгох буйнининг махсулот билан тулганлик даражасига боглик. Бошкарув сигнали доимий ток кучланишига айланади ва электрон блок схемасида кучайтирилади. Сигналнинг маълум бир кийматида реле контактларининг туташуви юзага келади. Натижада электрмагнитли клапан (15) (12.1-расмга каранг) 0,5 МПа босимли сикилган хавонинг пневмоцилиндр (18) поршенига утиши учун йул очиб беради. Поршен штокни кутаради ва пишанглар тизими оркали эксцентрик вал (22)ни бураб, пастки валнинг якинлашувини таъминлайди. Кабул кувуридаги махсулот сатхининг маълум микдоргача камайиши эвазига бошкарув сигналининг киймати реле контактларининг туташган холатда туриши учун етарли булмай колади. Клапан (15) сикилган хавонинг пневмоцилиндрга утишини тухтатиб куяди, поршен пастга тушади ва вални узоклаштирувчи механизм ишлаб кетади.
Автоматик режимда ишлаётган дастгохда валларни кул билан бошкариладиган пневмокушибажратгич ёрдамида мажбурий равишда узоклаштириш мумкин. Бунда икки боскичли хаво таркатгичи оркали пневмоцилиндрдаги босим тез ташланади. Дастгохнинг кабул-таъминлаш мосламаси кабул кувури, харакатлантиргичли валли таъминлаш механизми, тусгич ва махсулот тушувини созлаш тизимларидан ташкил топган.
Кабул кувури (6) (45-расмга каранг) валли дастгох буйнига урнатилган 298 мм диаметрли шиша цилиндрни намоён килади. Турли технологик тизимларга урнатилган валли дастгохларнинг кабул кувурлари дастгохнинг хар кайси булагини автоном равишда махсулот билан таъминлайдиган вертикал деворча билан иккига ажратилган. Кувурнинг хар кайси булагида махсулот сатхи сигнализаторининг сезувчан элементи (8) жойлаштирилган.
Турли технологик тизимда жойлаштирилган дастгохларга тушадиган дастлабки махсулотнинг физик-механикавий хусусиятларига боглик холда махсулот етказиб берувчи механизм еттита ижровий шаклга эга булади ва хар хил богланишли таъминлаш вали, редуктор, тусгич ва харакатлантиргичларни уз ичига олади. Таъминлагич уч вариантда ишлаб чикарилади: меъёрлаш ва оралик валчалари (I ёрмалаш тизими учун); шнекли меъёрлаш валчаси (12.6-расмга каранг) (колган ёрмалаш тизимлари учун); меъёрлаш ва таксимлаш валчалари (барча янчиш тизимлари учун).
Валчалар ва шнекнинг диаметри 74 мм га тенг. Технологик тизимга боглик холда меъёрлаш валчаларининг юзасига 50, 30 ёки 20 тача микдорда 15⁰30' киялик билан буйлама тишчалар кесилган. Таксимлаш валчаси 2 мм кадам оша 50 та кундаланг тишчаларга эга.
Шнек парракли вал куринишида ясалган. Парраклар вал укига перпендикуляр равишда жойлаштирилган булиб, факат вал чеккасига урнатилган парраклар шундай жойлаштирилганки, бунда махсулот харакати ук йуналиши буйлаб сал-пал ушланадиган булиши керак. Оралик валчаси кесилмаларга эга булмай, у махсулот берилиш зонасидан ажратилган ва факат кинематик функцияларнигина бажаради. Шнекли валчалари булган барча таъминлагичлар ва 11- ва 12-янчиш тизимлари учун ишлатиладиган икки валчали таъминлагичлар меъёрлаш валчасининг тезлигини созлаш учун мулжалланган редукторга эга.