5 ona tili docx

Ikki, olti, yetti sonlariga jamlikni bildiruvchi -ov, -ala qo‘shimchalari qo‘shilsa,
asos oxiridagi i unlisi tushib qoladi: Ikkala, oltov, yettov.
Tartib sonlar raqam bilan yozilsa, -nchi, -inchi qo‘shimchalari o‘rniga chiziqcha
qo‘yiladi: 2002-yil, 22-dekabr, 5-sinf, 3-qavat. Tartib sonlar rim raqamlari bilan
yozilsa, bu qo‘shimchalar o‘rniga chiziqcha qo‘yilmaydi: IX sinf, XXI asr. Bir
so‘ziga -ta qo‘shimchasi qo‘shilsa, bitta (tovush almashishi) deb yoziladi.
Ot, sifat, son va boshqa so‘zlar o‘rnida qo‘llanib, ularga ishora qiluvchi so‘zlar
OLMOSH hisoblanadi. Olmoshlar qaysi so‘z o‘rnida qo‘llansa, o‘sha so‘zning
so‘rog‘iga javob bo‘ladi.
Men, sen kishilik olmoshlariga qaratqich va tushum kelishigi qo‘shimchalari
hamda -niki qo‘shimchasi qo‘shilsa, qo’shimchadagi n undoshi tushib qoladi:
Men + ning = mening, sen + niki = seniki.
U, bu, shu, o‘sha olmoshlariga jo‘nalish, o‘rin-payt, chiqish kelishigi
qo‘shimchalari hamda -ga, -dek, -day qo‘shimchalari qo‘shilsa, n undoshi
orttiriladi: unga, shunda, bunda, shunday.
NAMUNAVIY TESTLAR
1. Sifat gapda aniqlovchi vazifasida kelgan gapga
misol keltiring.
A) Bu ko‘rkam bino – kasb-hunar kolleji
B) Oq oltin yig‘imi yuqori bosqichga ko‘tarildi
С) U kechagidan ko‘ra ko‘rkamroq ko‘rinar edi
D) A va C
2. Sifat gapda kesim vazifasida kelgan gapga misol
keltiring.
A) Bu ko‘rkam bino – kasb-hunar kolleji
B) Bugun men darsga kech keldim
С) Bu gullar xushbo‘y
D) A va C
3. Biz kirgan xona dadam ishlaydigan hujradan ham
torroq, qorong‘iroq ekan. Ushbu gapda sifatning
qaysi darajasi qo‘llangan?
A) oddiy daraja
B) orttirma daraja
С) ozaytirma daraja
D) qiyosiy daraja
4. So‘ng sirkka o‘tib eng uchqur otlardan birini
tanlaysan, yo‘lga ravona bo‘lasan. Ushbu gapda
sifatning qaysi darajasi qo‘llangan?
A) oddiy daraja
B) qiyosiy daraja
С) ozaytirma daraja
D) orttirma daraja
5. Son aniqlovchi vazifasida kelgan gapga misol
keltiring.
A) U olmadan beshta oldi
B) Bilasanmi, o‘shandan beri ishlarim – besh
С) Men yigirma uchinchi bo‘lib keldim
D) Sinfimizda yigirma besh o‘quvchi bor
6. Son hol vazifasida kelgan gapga misol keltiring.
A) U olmadan beshta oldi
B) Bilasanmi, o‘shandan beri ishlarim – besh
С) Men yigirma uchinchiman
D) Sinfimizda yigirma besh o‘quvchi bor
7. Son kesim vazifasida kelgan gapga misol keltiring.
A) U olmadan beshta oldi
B) O‘nning yarmi – besh
С) Biz yigirma tup ko‘chat o‘tqazdik
D) Sinfimizda yigirma besh o‘quvchi bor
8. Shundaylar bo‘lmasa agar dunyoda, bunchalar
muhtaram bo‘lmasdi ayol.
Ushbu gapda nechta o‘rinda tovush ortgan?
A) 1 o‘rinda (shundaylar)
B) 1 o‘rinda (bunchalar)
С) 2 o‘rinda (bunchalar, bo‘lmasdi)
D) 2 o‘rinda (shundaylar, bunchalar)

---