А. Y. Аbdullaev мoliya vа кredit

Ishlab chiqarish imkoniyati chegarasi - mavjud iqtisodiy resurslardan to‘la foydalanish evaziga eng ko‘p mahsulot ishlab chiqarish.
Ishlab chiqarish imkoniyatlari egri chizig‘i - mavjud re­surs­lardan to‘la foydalanish evaziga turli kombinatsiyalarda eng ko‘p mahsulot ishlab chiqarishning grafikda ifodalanishi.
Ishlab chiqarish omillari nisbati (Xeksher-Olin) naza­riya­si - xalqaro savdo yo‘nalishi ishlab chiqarish omillarining qiyo­siy narxlariga nisbatan shakllanishini asoslovchi nazariya.
Ishlab chiqarish funksiyasi – ishlab chiqarish omillarining har qanday to‘plami bilan shu omillar yordamida eng yuqori imko­niyat darajasida mahsulot ishlab chiqarish hajmi o‘rtasidagi bog‘­lanishni ifodalovchi funksiya.
Ishlab chiqarish hajmi va yalpi xarajatlarni taqqoslash metodi – ishlab chiqarishning muvozanatli hajmini yalpi xara­jat­lar, milliy mahsulotga teng bo‘lgan real sof milliy mahsulot hajmini aniqlash orqali hisoblanadigan usul.
Iqtisodiyotni tartibga solishning klassik nazariyasi – iqti­sodiyot o‘zini-o‘zi bozor mexanizmi va bozor regulyatorlari aso­sida tartibga soladi, ular yordamida mamlakat o‘z resurslarini to‘la ishga soladi.
Iqtisodiyotni tartibga solishning monetar modeliga ko‘ra – Keyns­chi­likda davlatning iqtisodiyotga aralashuvi eng kam darajada, muomaladagi pul miqdorini tartibga solish doi­rasida bo‘lishi zarur. Bu narx darajasi muomaladagi pul miq­doriga bog‘liq, degan fikrni ilgari suruvchi va monetar qoidaga asos­lanuvchi konsepsiya.
Iqtisodiyotni tartibga solishning keynscha modeliga ko‘ra – bozor o‘z-o‘zicha iqtisodiyotni samarali tartibga sola olmaydi, resurs­lardan to‘la foydalanishni amalga oshira olmaydi. Shuning uchun bu davlatning iqtisodiyotga faol aralashuvi (soliq-byudjet va pul-kredit siyosati) orqaligina qo‘yilgan maqsadga erishish mum­kin­ligi to‘g‘risidagi konsepsiya.
Iqtisodiyotni tartiblashning bevosita usullari – Davlat­ning iqtisodiyotni to‘g‘ridan-to‘g‘ri aralashuviga asoslangan vosita va dasturlar orqali tartibga solishi.