“абу райҳон беруний” Тўрт парда, беш кўринишли т а р и Х и й д р а м а

Қоратегин:- ( ҳаяжонда)Ахир, султон!.. 
Маҳмуд:- Ўпкангни бос! Қароримиз шунақа! Шоҳ Маъмунга бориб айтгил 
тезда совчи юборсин! Қолган гапни Сайёранинг ўзи сенга айтади. 
Шу ерда кут, ҳозир келур. Қани, вазир, биз кетдик. 
Махмуд билан Маймандий чикиб кетишади. 
 Қоратегин:- (дарғазаб)Бу қандай гап?! Нега султон ваъдасини бузади?!Э, 
худойим, нега бунча ташвиш солдинг бошимга! Нима гуноҳ қилган эдим? 
Кечир осий бандангни!Бу даргоҳдан бошқа юртга кетайинми бош олиб?.. Йўқ, 
йўқ!.. Маҳмуд қайга бормай ахтаради, топади... Қўли узун, ҳамма ерда 
жосусларн муҳайё! Тақдирга тан беришликдан бошқа чора қолмади... 
Сайёра киради. 
Сайёра:- Ҳа, баҳодир, Қоратегин, хуш келибсан!
Қоратегин:- Хушвақт бўл... 
Сайёра:- (кулиб):Хушхабарни эшитдингми? 
Қоратегин:- Минг афсуеки, эшитдим.
Сайёра:- Хафа бўлма, оқибати хайрлидир бу ишнинг Бир кун эмас, бир кун 
бориб Хоразмшоҳ ўлади.Шунда унинг тожи тахти ўзимизга қолади. 

---

23 
Қоратегин:-Хоразмшоҳ ўлгунича мен ҳам адо бўламан.Шоҳ қўйнига 
кирганингда рашк ўтида ёнаман. 
С а й ё р а:- (кулиб)Қўрқма, сенга муҳаббатнинг сарқити ҳам етади. 
Қоратегин:- О, айёрсан! 
Сайёра: - Айёрликни ўзларидан ўргандим. 
Қоратегин:- Тилинг заҳар! 
Сайёра: - Қўрқма, сенга заҳаримни солмайман,бу заҳарнинг эгаси бор. 
Қорагегин :- Қайдам... 
Сайёра:- Ишон сўзимга!
Қоратегин:- Ким билади, сўзларингга ҳеч ишонгим келмайди. 
Сайёра:- Ҳаддан ошма, мен кўкдаги Сайёраман! Сен эса ерда юрган 
ҳашаротсан! 
Қоратегии:- Кечир мени, маликам. 
Сайёра:- Хоразмшоҳ саройида мендан улуғ зот бўлмас.Шоҳ амридан менинг 
амрим устун бўлур! Ахир мен Султон Маҳмуд Ғазнавийнинг ҳамшираси 
бўламан! Амин бўлгил, севгимизга ҳеч ким халал беролмас, Агарда шоҳ эрим 
бўлса, сен севгилим бўласан.