“абу райҳон беруний” Тўрт парда, беш кўринишли т а р и Х и й д р а м а

Беруний:- Келинг, келинг, Бибисора! . 
Бибисора:- Сизга қатиқ келтирдим.
Беруний:- О, жуда соз[ Раҳмат! Қатиқ минг бир дардга даводир! 
(Қатиқни олиб хонтахта устига қуяди.) 
Бибисора:- Мана, кийимларингизни ювиб келдим... 
(Кийимларни каравотга қўяди.) 
Беруний:- Минг раҳмат! Хўш, ўғилча қалай? 
Бибисора:- Тузук... иситмаси босилди... Ибн Сино берган дори жуда яхши эм 
бўлди. 
Беруний:- Ундай бўлса ўғилчангиз тез тузалиб кетади. Ибн Сино улуг ҳаким, 
табобатда тенги йуқ! У табиблар табибию ҳакимларнинг ҳакими! 
Бибисора:- Умрлари узоқ бўлсин ҳаким Ибн Синонинг. Ёлғизгина 
фарзандимни ҳалокатдан қутқарди. 
Беруний:- (Бибисорага қанд-қурс, ҳолва беради) Олиб бориб ўғлингизга беринг 
мана буларни. 
Бибисора:- (ҳолваларни олиб) Раҳмат, устоз. Бахтимизга омон бўлинг! Минг 
яшанг!
Таъзим билан чиқиб кетади. 
Бир даста ёқут, лаълиларин кўтариб Жаъфар киради. 
Жаъфар:- (ёқут, лаълиларни Берунийга бериб) Мана, устоз, тажрибанинг 
натижаси. 
Беруний:- Хўш, қалай? (Лаълиларни кўздан кечириб.) О, ажойиб! Очилибди! 
Тозарибди! Бир қаранг! Худди ўзим мўлжал қилган натижани берибди. 
Жаъфар:- Жуда аъло бўлиб чиқди. 
Беруний:- Бир ҳуснига ўн ҳусн қўшилибди. Заргар биздан жуда мамнун 
бўлади. Демак, ўтда қиздирилса ҳақиқ, лаъли, ёқутга, ранг ҳушилур!.. 
Гўзаллашур, равшанлашур жилоси! Қаранг, тиниқ, шаффоф! Тоза! 
Жаъфар:- Худди анор донаси! 
Заргар киради. 
Заргар:- Салом, устоз! Бевақт келиб, халал берганим йўқми? 
Беруний:- Салом! Салом! Келинг, заргар. Ўз вақтида келдингиз, Мана, кўринг, 
бизга берган ёқут, лаълиларингиз. (Заргарга ёқутларни беради.) 

---

26