Alohida ta’lim ehtiyoji bo‘lgan bolalar uchun

 
1.Jamoa deganda nimani tushunasiz? 
2.Jamoada ishlaganda nimalarga e’tibor berish kerak? 
3.Jamoa odobiga nimalar kiradi. 
 
 
Hikmatli so‘zlarni ifodali o‘qing va yod oling. 
 
 
 
 

---

43 
VI bo‘lim. Iqtisodiy tarbiya 

 
 
 
Oilaviy tadbirkorlik (2 soat) 
Oila daromadini oshirib borish, iqtisodiy jihatdan rivojlantirish bugungi
kunning eng dolzarb masalalaridan biri hisoblanadi. Davlatimiz ham 
tadbirkorlarni qo‘llab-quvvatlab, ularga keng imkoniyatlar yaratib bermoqda.
Buning sababi shundaki yurtda tadbirkor ko‘paysa qo‘shimcha ish o‘rni
yaratiladi, insonlarning daromadi ko‘payadi. Bu esa xalq farovonligiga o‘z
ta’sirini ko‘rsatadi. Yurtimizda oilaviy tadbirkorlik bilan shug‘ullanuvchilar
yildan yilga ko‘payib bormoqda. Misol uchun Nazirjon aka oilaviy
tadbirkorlik bilan shug‘ullanadi. U farzandlari bilan gul parvarishlash,
ko‘payririshni yo‘lga qo‘ygan. U o‘z ishining ustasi. Har yili bahor faslidan
kuzgacha uyidan mijozlar arimaydi. Besh yildirki Namanganda bo‘lib
o‘tadigan “Gul bayrami”da qatnashib keladi. Uning uyi gullarga burkangan.
Kirgan insonning ko‘zlari quvonib, bahri dili ochiladi.
Tadbirkorlikdan har yili katta daromad oladi. Xalqimizda “Yigit kishiga
qirq hunar oz” degan hikmatli so‘z bor. Tadbirkorlik bilan shug‘ullanish
bugungi zamon talabidir. Agar bola tadbirkor oilada katta bo‘lsa, u mehnat
qilishni o‘rganadi. Doim ish bilan band bo‘ladi. Bekorchi vaqti bo‘lmaydi.
Vaqtdan to‘g‘ri foydalanish, o‘zgalar mehnatini qadrlash, ne’matlarni qadriga
yetishni o‘rganadi. Mustaqil fikrga ega bo‘ladi, zamon bilan hamnafas
yashash ko‘nikmasi shakllanadi. 

---

44 
• Mehnat qilgan xor bo‘lmas.
• Kuch birlikda. 
Yaxshi niyat 

Zokirjon oilada eng kenja farzand, onasining erkatoyi. Dadasi

Husanboy aka bolalariga dehqonchilik sirlarini o‘rgatib keladi. U oila a’zolari 
bilan kengashib, qishloqdagi
fermer xo‘jaligidan yer olib karam ekishni
rejalashtirdilar. Erta bahor fermer xo‘jaligidan olingan yerga ishlov berildi. 
Karam ko‘chatlarini yerga ekib “Agar yaxshi daromad olsak mashina olamiz” 
deb yaxshi niyat qildilar. Karamlar mehr bilan parvarish qilindi. Zokirjon
yosh bo‘lsada barcha ishlarda qatnashdi. Karamlar vaqtida sug‘orildi, tagini
chopib, begona o‘tlardan tozalandi. Uch oy deganda karamlar pishib tayyor
bo‘ldi. Bozorda raqobat kuchli. Yaxshi ishlov berilganligi uchun bozordagi
eng sifatli karam aynan ularniki edi. Haridorlar karamni sotib olarkan
“Dehqonni qo‘li dard ko‘rmasin, otanga rahmat” degan so‘zlarni aytib
ketardilar. Husanboy aka o‘ylaganidan ham ko‘proq daromad oldi. Uning bu
muvaffaqiyatiga erishishida oila a’zolarining hissasi katta bo‘ldi. “Yaxshi
niyat yarim davlat” deganlaridek shu yili ular mashina sotib oldilar.

---

45 
1.Tadbirkorlik deganda nimani tushunasiz? 
2.Qanday tadbirkorlik turlarini bilasiz? 
3.Husanboy aka oilasi bilan qanday reja tuzdi.
Kelajakda qanday tadbirkorlik bilan shug‘ullanmoqchisiz? So‘zlab bering.