Alohida ta’lim ehtiyoji bo‘lgan bolalar uchun

 
Isrofgarchilik, uning ko‘rinishlari (1soat) 
Xalqimizda “Tejamkorlar xor bo‘lmaslar” degan hikmatli so‘z keng
tarqalgan. Ota bobolarimiz bu hikmatga doimo amal qilib kelishgan. Isrofning
har qanday ko‘rinishlariga qarshi bo‘lishgan. Dunyo ne’matlarini qadriga
yetish, undan oqilona foydalanish insonning burchi hisoblanadi. Agar kimki
isrofgarchilikka yo‘l qo‘ysa, unga odatlansa o‘z burchini unutgan bo‘ladi.
Isrof - bu bir narsaning qadriga yetmaslik, uni xor qilish, undan unumli
foydalanmaslikdir. Isrofgarchilikning bir necha ko‘rinishlari bo‘lib ular
quyidagilardan iborat:
➢ Taomni isrof qilish;

---

50 
➢ Pulni o‘ylamay ishlatish; 
➢ Elektr energiyasi, tabiiy gaz, suvni istof qilish;
➢ O‘zgalar mehnatini qadrlamaslik;
➢ Vaqtdan unumli foydalanmaslik. 
Muqaddas islom dinimizda ham “Yenglar, ichinglar, ammo isrof qilmanglar”
deb isrofgarchilikdan qaytarilgan. Afsuski bugun jamiyatimizda, ayniqsa
yoshlar orasida ne’matlarni isrof qilish holatlari ko‘payib bormoqda. Misol
uchun maktab oshxonasida, dasturxon atrofida taomlanganda juda ko‘p
bolalar taomini yemaydilar. Yoki yesa ham yarmini yeydi. Oqibatda siz uchun
tayyorlangan taomlar yeyilmasdan isrof bo‘lmoqda.
Ba’zi o‘quvchilar esa taomni haddan ziyod ko‘p istemol qiladi. Bu
ham isrofgarchilikka kiradi. Televizor, kompyuter, tabiiy gazni o‘chirmaslik,
ichimlik suvi tushadigan suv jumragini berkitmaslik ham isrof hisoblanadi. 
Yoshlar orasida ota-onasidan har kuni pul oib, pulni isrof qiladiganlar ham
yo‘q emas. Bola ota-onasi qiynalib topgan pullarni isrofgarchilikka sarflayotganini
o‘ylab ham ko‘rmaydi. Kim nimani isrof qilsa, bir kun kelib shunga zor
bo‘ladi. Dono insonlar har bir narsani qadriga yetganlar. Xatto so‘zlaganda
so‘zni ham isrof qilmaslikka harakat qilganlar. Behuda so‘zni isrof deb
bilishgan. 
• Kam-kam yesang doim yersan,ko‘p-kop yesang neni yersan. 
• Otang mulki bo‘lsa ham ayab ye. 

---

51