Автомобиль йўллари

Сьезд (въезд) соединительный - боғловчи тушиш (кириш) йўли - йўлларнинг турли сатҳларда кесишиш ёки туташиш элементи.
Йўлларнинг қатнов қисмларини ўзаро боғлаш ва ҳаракатни бир йўлдан иккинчисига ўтказиш учун кўзда тутилади. Чапга бурилиб тушиш-чиқиш ва ўнгга бурилиб тушиш-чиқиш йўллари мавжуд.
Левоповоротный съезд - чапга бурилиб тушиш - чиқиш йўли
- кесишувчи йўлларнинг қатнов қисмларини туташтиради ва кесишаётган йўл бўйича чапга ҳаракатни давом эттириш учун мўлжалланади. Чапга бурилиб тушишчиқиш йўли қуйидагича бўлиши мумкин: тўғри - ҳаракат йўли бўйича тушиш йўли боши режада йўлларнинг кесишиш жойигача, охири эса ундан кейин (ҳаракатнинг бошқа йўлга ўтиши чапга бурилиш билан амалга оширилади) жойлашади; ярим тўғри - тушиш йўлининг боши ва охири йўлнинг кесишиш жойидан кейин жойлашади (ҳаракатнинг бошқа йўлга ўтиши аввал чапга бурилиш, сўнг эса ўнгга бурилиб тушиш билан амалга оширилади); ҳалқали - тушиш йўлининг боши йўлнинг кесишиш жойидан сўнг, охири эса ундан олдин (ҳаракатнинг ўтиши ўнгга бурилиш билан амалга оширилади) жойлашади.
Правоповоротный съезд - ўнгга бурилиб тушиш-чиқиш йўли - кесишувчи автомобиль йўлларининг қатнов қисмларини туташтиради ва кейинги ҳаракатнинг кесишувчи йўл бўйича ўнгга бурилишини кўзда тутади. Тушиш йўли боши йўлларнинг кесишиш жойигача, охири эса ундан кейин жойлашади.
Транспортная развязка - транспорт ҳаракати ечими - турли йўналишлардаги транспорт оқимининг узлуксиз ҳаракатини таъминловчи йўллар кесишмасидаги муҳандислик иншооти (иншоотлар мажмуаси). Икки ёки бир нечта сатҳда қурилади. Агар транспорт ҳаракати ечимининг тархи (схемаси) автомобиллар ҳаракат йўлининг кесишишсиз, тўхтовсиз ҳаракатини таъминласа, бундай ҳаракат ечими тўлиқ, агар баъзи қисмларини режалаштиришда бир сатҳдаги ҳаракат йўли кесишиш нуқтасига эга бўлса, тўлиқ бўлмаган ҳаракат ечими дейилади.
Тротуар - тротуар, йўлак - пиёдалар ҳаракати учун кўзда тутилган йўл (кўча) қисми. Пиёдалар йўлакчасининг такомиллаштирилган тури, одатда, аҳоли яшаш жойлари доирасида ва кўприкларда қурилади.