Azərbaycan Respublikası Təhsil Nazirliyi
Paralel çevirməyə malik ARÇ
Download 5.01 Kb. Pdf ko'rish
|
2014-2730 (2)
7.2.7. Paralel çevirməyə malik ARÇ. Paralel çevirməyə malik ARÇ-nin
strukturu bilavasitə sayma üsuluna əsaslanmışdır və bu gün üçün ən yüksək cəldliyə malikdir. Belə ARÇ-nin struktur sxemi şəkil 7.9.-da göstərilmişdir. Qurğu 2 n -1 sayda komporatora malikdir. Onların birləşmiş invers girişlərinə giriş siqnalı verilir. Komporatorların qeyri-invers girişlərinə qiymətcə U n kvantlama səviyyələrinə bərabər olan gərginliklər verilir. Nəticədə, komparatorun çıxışlarında N-mərtəbəli paralel vahid kod alınır. Koddakı vahidlərin sayı qiyməti U gir qiymətindən az olan kvantlama səviyyələrinin sayına bərabər olur. Alınmış kod çeviricinin girişinə ötürülür və orada mərtəbələrinin sayı b=loq 2 N olan ikilik koda çevrilir. Bu kod “VƏ” məntiq elementləri vasitəsilə statik registrə ötürülür və onun çıxışından oxunur. Kod 125 çeviricisinin kodunun statik registrdə yenidən yazılması üçün “yazma” siqnalından istifadə olunur. Bu siqnal sxemə o vaxt verilir ki, komparatorun işə düşməsi və ikilik kodun alınması ilə əlaqədar keçid prosesi başa çatmış olsun. Kvantlama səviyyələrinə bərabər olan gərginliklər N sayda eyni rezistorlardan təşkil edilmiş gərginlik bölücüsündən alınır. Bölücü U REF etalon gərginlik mənbəyinə qoşulur. Bu ARÇ-də çıxış kodunun bütün mərtəbələri eyni zamanda formalaşdığından, burada maksimum cəldlik almaq mümkün olur. Onun çevirmə müddəti ancaq kod çeviricisinin strukturu və istifadə olunan element bazasının cəldliyi ilə müəyyən olunur. Şək. 7.9. Paralel çevrilməli ARÇ-nin struktur sxemi ARÇ-nin dəqiqliyini artırmaq üçün aparat sərfini artırmaq lazım gəlir, məsələn, 8 mərtəbəli ARÇ üçün 255 komparatordan istifadə olunur. Çeviricinin cəldliyi ilə onun sxeminin mürəkkəbliyi arasındakı ziddiyyəti aradan qaldırmaq üçün kompromis həll ARÇ-nin paralel-ardıcıl sxemindən istifadə edilir. Onların iş prinsipi ARÇ-də bir neçə müstəqil strukturun ayrılmasına əsaslanmışdır. Məsələn, iki struktur halında, birinci çıxış kodunun yüksək dərəcələrini formalaşdırmaqla nisbətən kobud çevirmə aparılır, ikincisi isə çıxış kodunun kiçik dərəcələri formalaşdırılır. Onun girişinə giriş gərginliyi ilə RAÇ-nin yüksək mərtəbələrinin çıxış kodunu analoq qiymətlərinə çevirən gərginliyin fərqi verilir. Çevirmə gərginliyini artırmaq üçün, bu fərq 2 l dəfə (l- birinci strukturun çıxışındakı kodun dərəcəsidir) gücləndirilir. Bu həll sxemin qəbul oluna bilən mürəkkəbliyi halında ARÇ-nin çıxış dərəcələrinin sayını 10 ...12 - yə qədər artırmağa imkan verir. Belə ARÇ-də çevirmə prosesinin real müddəti 10 ...20 nsan olur. |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling