Bosh muharrir Halim saidov

respondentlar ta’kidlashdi.

Ko‘rinadiki, bugungi kun o‘qituvchisi

AKTdan foydalangan holda dars

o‘tishi uchun, avvalo, mediasavod-

xonligi yuqori bo‘lishi lozim. Albatta,

bu yo‘nalishda olib borilayotgan

islohotlar pedagoglarning AKT

bo‘yicha kompetensiyalari yuqori

bo‘lishiga asos bo‘ladi.

— Boshlang‘ich sinf o‘qituvchilari

umumiy 144 soatlik(qo‘shimcha

darslar bilan birgalikda 188,5 soat)

o‘quv kursi davomida 20 soat AKT

bo‘yicha darslarda ishtirok etishadi,

— deydi Toshkent shahar xalq ta’limi

xodimlarini qayta tayyorlash va

malakasini oshirish instituti katta

o‘qituvchisi Ma’mura Yo‘ldosheva.

— AKT darslari ikkita — umumkasbiy

(8 soat) va mutaxassislik(12 soat)

yo‘nalishida olib boriladi. Umum-

kasbiy darslarda tinglovchilarning

texnologik savodxonligi keng

qamrovli rivojlantirilsa, mutaxassislik

soatlarida AKTni aynan jarayonda

qo‘llash malakalari rivojlantiriladi.

Ya’ni amaliy ravishda slayd va

videodarslar tayyorlash, virtual

kutubxonadan foydalanib, mavzuga

doir ma’lumotlardan samarali

foydalanish kabi jarayonda faol

ishtirok etishadi.

Ko‘rinadiki, o‘qituvchining

elektron vositalardan samarali

23

foydalanish malakasi ortgani sari

uning ishi yengillashadi, zamonaviy

o‘qituvchi imijiga mos ravishda

namunali darslar tashkillashtiradi.

Umumiy ravishda oladigan bo‘lsak,

bunday darslar pedagog uchun ham,

o‘quvchi uchun ham ijobiy manfaat

keltirishiga erishish zarur.

O‘qituvchi uchun foydasi:

Malaka oshirish kursida bilimlari

boyigan o‘qituvchilar AKT vositasida

darsga tayyorgarlik jarayonidagi

mashaqqatlarni osonlikcha yengadi.

Ko‘rgazmali qurol yetishmasligi

muammosidan aziyat chekmaydi.

Darslikdan tashqari ma’lumotlarni tez

topadi va o‘quvchilarga havola etadi.

Qo‘shimcha topshiriqlarga o‘quvchi-

larni jalb etish imkoniga ega bo‘ladi.

O‘quvchi uchun foydasi:

Ta’lim materialini virtual kuzatadi.

Bu orqali tasavvurlari jonlanib,

tushunchalari mustahkamlanadi.

Testlar, nazorat, mustaqil ishlar

savollariga javoblarni tezkor

topshirish, mas’uliyat va vaqt

oralig‘idagi mo‘ljalni ololadi. O‘z

uylaridagi kompyuterdan faqat o‘yin

maqsadida emas, darslarni

tayyorlash, mavzuga doir qiziqarli

ma’lumotlarni izlab topish maqsadida

foydalanish mumkin degan to‘g‘ri

qarash shakllanadi. Elektron

kitobxonlik darajasi oshadi.

Salbiy axborotga nisbatan

immunitet shakllansin!

O‘quvchilarni telefon va

kompyuterga tobe bo‘lib qolishdan

asrash uchun boshlang‘ich sinf

o‘qituvchisi qanday amal qo‘llagani

ma’qul?

— O‘quvchilarimning qo‘l telefoni

va kompyuterga bog‘lanib

qolishining oldini olish uchun

hozirdan tushuntirish ishlarini olib

borayapman, — deydi poytax-

timizdagi 6- IDUM 4- sinf o‘qituvchisi

Rohila Asrayeva. — Yangi o‘quv

yilidan yuqori sinfda o‘qishni

boshlagan bolalar hozirda ota-onasi

nazoratida maktabga kelib-

ketayotgan bo‘lsa, sentabrdan

mustaqil ravishda qatnaydi. Maktab

hududida «O‘quvchilarning odob-

axloq qoidalari»ga amal qilib, oddiy

rusumdagi telefon ishlatishi va dars

paytida ovozsiz tizimga o‘tkazilishini

nazorat qilamiz. Biroq yuqori sinfga

o‘tgandan keyin internet klublarida

va anroid, smartfon telefonlaridagi

vahshiyona va g‘oyaviy og‘ishgan

o‘yin hamda ma’lumotlardan

himoyalanishi uchun, boshlang‘ich

sinfdanoq pedagoglar

«bu bizning muam-

momiz emas» demas-

dan tushuntirish

ishlarini olib

b o r i s h i m i z

kerak. Quyi

Foydali  jihatlari:

Matn terish, chet tillarni o‘rganish,

shaxmat-shashka kabi o‘yinlarni

o‘ynab, zukkolikni oshirish, aqlni

charxlash, kerakli  ma’lumotlarni

internetdan izlab topib, bilimlarni

boyitish mumkin.

Zararli tomonlari:

Kompyuter va telefonda soatlab

o‘yin o‘ynash oqibatida ko‘z va bosh

miya zo‘riqadi. Ruhiy jihatdan

asabiylashish, jizzakilik, odamovilik,

jonli nutqning yo‘qolib borishi,

atrofdagilarga beparvolik, doimiy

tushkunlik kuzatiladi. Bilim olishga

qiziqish susayib, eng qimmatli vaqtni

virtual o‘yinlarga sarflaydi.

Keltirilgan ma’lumotlar ko‘rgazmali

tarzda o‘quvchilarga havola etilsa, ular

fikrlaydi, xulosa qiladi va aqlli

texnikalardan foydalanish jarayonida

oltin o‘rtaliq — me’yorni saqlash,

«bolalar 20 daqiqadan ziyod telefon

va kompyuterlar qarshisida o‘tirishi

mumkin emas» degan qoidaga amal

qilishga urinadi. Xullas, ularda texnik

qurilmalardan foydalanish madaniyati,

shaxs kamolotiga salbiy ta’sir

ko‘rsatuvchi axborotlar ta’siriga tushib

qolishdan asrovchi immunitet

shakllanadi.

N.MAHKAMOVA.

sinf o‘quvchisiga aqlli texnikalarning

zarari haqida quruq gapiraver-

gandan foyda yo‘q. Negaki, ana shu

aqlli texnika ichidagi o‘yin va

videotasvirlar olami bola uchun qiziq

hisoblanadi. Bolalarning o‘sish

davridagi texnika vositalaridan

chiqayotgan nur va uning tana

a’zolariga salbiy ta’sirini aks ettirgan

ijtimoiy rolikni namoyish etganimda,

o‘quvchilarimda shaxsiy xulosalar

paydo bo‘ldi.

Ushbu tajribaga ko‘ra, o‘nga

yaqin sichqonlar qamalgan qafasga

uchta uyali telefon(bittasi vibratsiya

tizimiga o‘tkazilgan) solib qo‘yilgan.

Navbati bilan ushbu apparatlarga

qo‘ng‘iroq qilinavergach, to‘rtta

sichqon komaga tushib, o‘lim

holatigacha bordi. Bunday tasvirlarni

ko‘rgan bolalar telefon va kompyuter

o‘yinlari ta’sirida insonning xotirasi,

immuniteti, suyaklar rivojlanishi

zararlanishini bilib olishdi. Nurlanish

va kuchli animatsiyali o‘yinlar

oqibatida esa bolaning ruhiy

to‘siqlarga uchrashi, jizzaki, odamovi

bo‘lib qolishini ham shu kabi misollar

vositasida pedagog tushuntirish

uchun sinfni ikki guruhga bo‘lib,

telefon o‘yinlarini «Oqlovchilar» va

«Qoralovchilar»ga ajratib munozara

tashkil etdim. Ikki guruhga alohida

markerli doska berildi va

o‘quvchilar foydali hamda zararli

jihatlarini yozib chiqishdi.

Taqdimot jarayonida asoslangan

fikrlargina qoldirildi. Munozara

so‘ngida barcha birdek telefon

va kompyuter vositalaridan

faqatgina yaxshi maqsadlar —

xushxabarlarni almashish,

tezkor axborotga ega bo‘lish,

taraqqiyotga hissa qo‘sha-

digan ixtirolar yaratish,

vaqtdan samarali foydalanish

kabi ezgu maqsadlarda

ishlatish foydali degan

to‘xtamga kelishdi.

1—4- sinflarda «O‘qish»

va «Atrofimizdagi olam»

darsliklarida kompyuter

texnologiyalariga doir

mavzular berilgan. Ushbu

mavzularni o‘tishda ham

kompyuter o‘yinlarining

foydali va zararli

jihatlarini darslikda

berilgan ma’lumotlarga

qo‘shimcha tarzda

t u s h u n t i r i s h

muhim.

Zamonaviy o‘qituvchining maqsadi

o‘quvchilarni har tomonlama yetuk va

barkamol etib tarbiyalashdan iborat.

Yurtimiz ertasi — o‘g‘il-qizlarning

og‘zaki nutqi ravon, tafakkuri boy va

dunyoqarashi keng bo‘lishiga jiddiy

ahamiyat qaratish dolzarb vazifadir.

Har bir pedagog fanlarda turli metod

va usullarni qo‘llashda bolalar nutqi

rivojlanishini ham e’tiborga oladi. Men

dars jarayonida xalq og‘zaki ijodi

namunalaridan unumli foydalanaman.

Maqol, topishmoq va tez aytishlar

o‘quvchilarni fanga qiziqtirib, bilimini

oshirishga xizmat qiladi.

Maqollar — xalq og‘zaki ijodining

kichik hajmli janridir. Ularni mavzu

ko‘lamiga qarab deyarli barcha

fanlarda qo‘llash mumkin. Masalan,

matematika darslarida raqamlar

ishtirok etgan maqollardan foydalanish,

masalalar mazmuniga mos maqollar

topish, dam olish daqiqalarida

raqamlar ishtirok etgan maqollarni

rebuslar asosida yechish

o‘quvchilarning aqliy qobiliyatini

oshirishga yordam beradi. Masalan,

«Bir yigitga qirq hunar oz», «Yetti

o‘lchab, bir kes», «Bilagi zo‘r birni

yiqar, bilimi zo‘r — mingni», «Sanamay

sakkiz dema».

Tabiatshunoslik va odobnoma

darslarida ham mavzularga mos

maqollar kiritish, maqollardagi

so‘zlardan foydalanib krossvord

yechish, fasllar haqidagi maqollardan

foydalanaman: Yer haydasang kuz

hayda, kuz haydamasang yuz hayda,

Daryo suvini bahor toshirar, inson

qadrini mehnat oshirar. Ona tili

darslarida esa husnixat daqiqalarida

o‘quvchilarga maqollar berish

mumkin.

Shuningdek, topishmoqlardan

foydalanish darsning yanada qiziqarli

va mazmunli bo‘lishini ta’minlaydi.

Topishmoq — xalq og‘zaki

ijodining o‘yin turlaridan biri.

Topishmoqda topilishi kerak bo‘lgan

narsa, hodisalar o‘xshatmalar orqali

beriladi. Shu o‘xshatmalardan

foydalanib topishmoq javobini topish

mumkin. Topishmoqlarning yana bir

muhim tomoni shundaki, ular bolalar

xotirasini mustahkamlab, topqirlikka

o‘rgatadi hamda zehnini oshiradi.

1- sinfda matematika fanidan

sakkiz sonini o‘tishda quyidagi

topishmoqdan foydalanish mumkin:

To‘qqizdir mening akam,

Yetti soni mendan kam.

Qani, ayting, topqirlar,

Men qanday sirli sonman?

(Sakkiz).

Geometrik shakllar mavzusi bilan

tanishtirishda esa so‘zlarida shakllar

nomi ifodalangan topishmoqlardan

foydalanilsa, o‘quvchilar o‘rganila-

yotgan mavzuni tez o‘zlashtiradi.

Bunga quyidagi topishmoqni misol

sifatida keltirish mumkin.

Yumaloq, uyi dala,

Har yog‘i tikan, nina.

Ninalar mato tikmay —

Xavfdan qilar himoya.

        (Tipratikan).

Shuningdek, geometrik figuralar

nomini ham berkitish mumkin:

— Bolalar, g‘ildirak,

Tinimsiz aylanar.

U qanday shaklda?

— Men topdim: ... !

      (Aylana).

O‘qish darslarida yangi mavzu

nomi biror topishmoq javobiga mos

kelishi mumkin. Masalan, 1- sinfda

berilgan «Kapalak» mavzusini

o‘tmoqchimiz. Javobi kapalak bo‘lgan

topishmoq aytamiz, o‘quvchilar esa

yangi mavzuni topadi.

— Guldan gulga uchadi,

Qanotlari kamalak.

Dala-bog‘ni quchadi,

— Nomin topdim — ....  (Kapalak).

Tez aytishlar o‘quvchilarning

ravon so‘zlashiga yordam beradi. Bu

usulni barcha fanlarda qo‘llash

mumkin. Masalan, tasviriy san’at

darsida o‘quvchilarning ranglarni

ajratishdagi ko‘nikma va malakalarini,

ranglarga oid bilimlarini mustahkam-

lashda quyidagi tez aytishdan

foydalanish mumkin:

Yalang yaylovdagi yam-yashil

yalpizlarning yashilligi yaltirar.

Oq choynakka ko‘k qopqoq, ko‘k

choynakka oq qopqoq.

O‘quvchilarning bilimini oshirishda

xalq og‘zaki ijodining boshqa

turlaridan ham foydalanish mumkin.

Nilufar MAHAMMEDOVA,

Toshkent viloyati

Bo‘stonliq tumanidagi

12- umumta’lim maktabining

boshlang‘ich sinf o‘qituvchisi.

24

Yoshlar tarbiyasida

kitoblarning o‘rni beqiyos.

Ko‘p kitob o‘qigan bola

tafakkur dunyosi keng, fikrlari

teran, milliy qadriyatlar va

an’analarni hurmat qiladigan,

jamiyat rivojlanishi bilan hamfikr

bo‘ladigan komil inson bo‘ladi.

Bolada kitobxonlik madaniyati

axborot-resurs markaziga kelguniga

qadar shakllangan bo‘lishi kerak.

Bu ishda asosiy mas’uliyat ota-

onaning zimmasidadir. Aynan ularning

bola yoshligidan (3—4 yoshidan)  unga

kitob o‘qib berishlari, birgalikda suratlarni

tomosha qilib, ertak va hikoyalarni muhokama

qilishlari kitobxonlik xarakterini shakllantirishda

mustahkam poydevor bo‘la oladi. Ota-onalar

«farzandlarimiz kitob o‘qimayapti, faqat televizor

yoki kompyuter bilan ovvora», — degan gapni

aytishganida, ularga yuzlanib, «O‘zingiz oxirgi marta

qachon kitob matolaa qildingiz?» yoki «Qachon bolangiz bilan kutubxonaga

bordingiz?», — deb murojaat qilish o‘rinlidir, ehtimol. Kattalar ish, oila

tashvishlari, uy yumushlari bilan band bo‘lib mutolaaga, bola bilan muloqot

qilishga vaqt ajrata olmasliklari mumkin. Ko‘pincha, aksariyat onalar bo‘sh

qoldim deguncha, kitob mutolaa qilish yoki farzandiga ertak o‘qib berish

o‘rniga teleserial ko‘rishadi.

Shu bois biz — kutubxonachilar bolalarda kitobxonlikni tarbiyalashga

qaratilgan chora-tadbirlar, targ‘ibot ishlarini ota-onalar bilan hamkorlikda

olib borishimiz kerak. Uylarda shaxsiy kutubxonalarni tashkil etish,

she’rxonlik kechalari o‘tkazishga chorlashimiz zarur.

O‘quvchilarda kitobga mehr uyg‘otishda o‘qituvchilarning alohida o‘rni

bor. Farzandlarimiz ilk bor maktabga qadam qo‘yar ekan, u mustaqil

o‘qishni, yozishni o‘rgana boshlaydi. Aynan shu pallada murg‘ak qalblarda

mutolaaga bo‘lgan qiziqishni so‘ndirmasdan, uni bora-bora to‘g‘ri

shakllantira olish muallimning zimmasidadir. Bu davrda bolada kitob

o‘qishga bo‘lgan qiziqish aniq maqsadlarga yo‘nalgan bo‘ladi,

«o‘qituvchi mamnun bo‘lishi uchun», «baho yoki bilim uchun», «ota-

ona roziligi uchun». Lekin  shularni  «o‘zim uchun», «ko‘ngil uchun»

kabilarga aylantirish, bolaning ichki kechinmalarini, orzularini, o‘zligini

aks ettiradigan kitoblar tavsiya qilishdek mas’ul vazifa

kutubxonachining zimmasida bo‘ladi. Kutubxonachi kitobxon tashrif

buyurganda, uning bu yerga kelgunga qadar kitobga bo‘lgan mehrni

shakllantirishda ota-onasining, ustozlarining tinimsiz mehnatlari

borligini unutmasligi kerak. Yosh kitobxonni kitoblarga, kutubxonaga

ipsiz bog‘lash biz kutubxonachilarning mahorati, izlanishlari, eng

asosiysi, kitobxonga yaqin inson bo‘lish istagi tufaylidir. Bunday

kitobxon kelajakda o‘z farzandlarini ham kitobga mehr ruhida

tarbiyalaydi.

Sayyora  ZOYIROVA,

Navoiy  viloyati Zarafshon shahar

XTMFMTTEBga qarashli

6- maktab kutubxonachisi.

25

26

Ma’lumki, 1-, 2-, 3- sinflar uchun ingliz, nemis va

fransuz tili fanlaridan darslik-majmualar (darslik, o‘qituvchi

metodik qo‘llanmasi, mashq daftari va multimedia ilovasi)

yaratilib, ushbu darslik majmualar hozirgi kunda bolalarning

zamonaviy va sifatli ta’lim olishi uchun samarali xizmat

qilmoqda. O‘quvchilar tomonidan ushbu darslik

majmualarning katta qiziqish bilan kutib olinishi, hamda

chet tillarni o‘zgacha ishtiyoq bilan o‘rganishlari

respublikaning barcha hududlarida boshlang‘ich sinf

o‘quvchilari o‘rtasida olib borilayotgan suhbatlar va

monitoring natijalarida, shuningdek, bolajonlarning

kundalik muloqotda chet tilida so‘zlashishga

intilayotganlarida o‘zining yorqin ifodasini topmoqda.

Xalq ta’limi vazirligi tomonidan umumta’lim

muassasalarining boshlang‘ich sinflarida chet tillarni

o‘rganishni takomillashtirish yo‘lida amalga oshirilayotgan

ishlar bilan jamoatchilikni yaqindan tanishtirish maqsadida

mediatur tashkil etildi.

Poytaxtimizning Chilonzor tumanidagi 90- umumta’lim

maktabida ommaviy axborot vositalari xodimlari 4- sinf

o‘quvchilari uchun yaratilgan «Kids’ English» darslik-

majmuasi tajriba-sinov jarayoni, xususan, chet tili

kabinetlarida yaratilgan sharoitlar bilan tanishishdi.

Shuningdek,  ular  o‘qituvchilarning dars mashg‘ulotlarida

zamonaviy pedagogik va axborot-kommunikatsiya

texnologiyalaridan foydalanib o‘tgan namunali ochiq

darslarini kuzatdi.

Kunning ikkinchi qismida mediatur ishtirokchilari Milliy

matbuot markazida «Xalq ta’limi tizimida chet tillarni

o‘rganishni takomillashtirish yo‘lida amalga oshirilayotgan

islohotlar» mavzusida o‘tkazilgan matbuot anjumani hamda

4- sinf chet tili darslik-majmualarining taqdimotida ishtirok

etdilar.

Anjumanda Xalq ta’limi vaziri U.Inoyatov

Prezidentimizning 2012- yil 10- dekabrdagi «Chet tillarni

o‘rganish tizimini yanada takomillashtirish chora-tadbirlari

to‘g‘risida»gi qaroriga muvofiq tizimda amalga oshirilgan

ishlar xususida batafsil ma’lumot berdi.

Bolalarning videolavhalarni ko‘rib, audio materiallarni

eshitib, o‘yinlarda birga ishtirok etish orqali chet tilini

o‘rganishga bo‘lgan qiziqishini oshirishda pedagogning

mahorati ham muhim o‘rin tutadi. Tadbirda

ta’kidlanganidek, 2015- yil mart oyidan boshlab chet tili

o‘qituvchilari uchun amaldagi malaka oshirish jarayoniga

qo‘shimcha ravishda (haftada bir marta 6 soatlik) kasbiy

mahoratni oshirishga mo‘ljallangan malaka oshirish kurslari

tashkil etildi. Mazkur kurslarda yurtimizdagi barcha chet

tili o‘qituvchilari o‘z hududlaridagi 600 nafardan ortiq

tayanch maktablar bazasida mingga yaqin malakali trener-

o‘qituvchilar yordamida malaka oshirmoqda.

Anjumanda vazirlik mutasaddilari va mutaxassislar

jurnalistlarni qiziqtirgan savollarga javob berishdi.

Dilshod SHUHRAT o‘g‘li.

1-, 2-, 3- sinf chet tillari darslik-majmualarining

mantiqiy davomi sifatida 4- sinflar uchun ham darslik va

multimedia majmualari yaratildi. Ular Davlat ta’lim standarti

va o‘quv dasturlari asosida 1-, 2-, 3- sinflar uchun darslik-

majmualar bilan uzviyligi ta’minlangani, kiritilgan mavzular

va topshiriqlarning o‘quvchilar yosh xususiyatlariga

mosligi, metod va usullarning darsning maqsad va vazifalari

bilan mutanosibligi hamda rang-barangligi bilan ajralib

turadi.

Xalq ta’limi vazirligining 2016- yil 8- yanvardagi

4- sonli «Umumta’lim maktablarining 4- sinfi uchun chet

tillaridan tayyorlangan o‘quv dasturi va darslik-majmualarni

tajriba-sinovdan o‘tkazish tartibi to‘g‘risida»gi buyrug‘i

asosida joriy yilning 11- yanvaridan 19- martiga qadar

avvalgi tajriba-sinov jarayonlari o‘tkazilgan respublikaning

barcha hududlaridagi jami 131ta umumta’lim maktablari

hamda Xalq ta’limi vazirligi tasarrufidagi 5ta

ixtisoslashtirilgan davlat umumta’lim maktablarida  darslik-

majmualari tajriba-sinovdan o‘tkazildi.

Jumladan,  «Kids’ English 4» darslik-majmuasining

darsligi va mashq daftari 2500 nusxada, metodik

qo‘llanmasi 200 nusxada kitob shaklida chop etildi. Nemis

va fransuz tili darslik-majmualarining darsligi, mashq daftari

va o‘qituvchi metodik qo‘llanmasi elektron holda CD disk

shaklida  2 nusxada,  majmualarning multimedia ilovalari

2 nusxada tayyorlanib tajriba-sinov maydonlariga yetkazildi.

Jarayonda 254 nafar tajriba-sinov o‘qituvchilari va 4120

nafar 4- sinf o‘quvchilari qatnashdilar. Shuningdek,

27

o‘qituvchilarga metodik yordam ko‘rsatish va tajriba-sinov ishlarini

muvofiqlashtirish uchun 131 nafar chet tili fan metodistlari hamda

160 nafar ilmiy rahbarlar biriktirildi. Darslar  o‘quvchilarini ikki guruhga

bo‘lgan holda haftada 2 soatdan tashkil etilib, darslikning 4 bo‘limi

tajriba-sinov jarayonida o‘rganildi. O‘qituvchilar darslik, metodik

qo‘llanma va mashq daftarlarning bir-biriga mosligi, mavzularga

berilgan mashq va topshiriqlarning o‘quvchilar tomonidan qabul

qilinishi, darsning maqsad va vazifalariga dars vaqti, metod va

uslublarning to‘g‘ri taqsimlanganligi, rasmlar va ijodiy topshiriqlarning

bolalar yoshiga mos tanlanganligi kabi muhim jihatlarni tahlil qilib

bordilar.

Keling, endi ushbu darslik-majmualarning tajriba-sinov jarayonida

qanday toblanganligi haqida o‘rtoqlashsak.

tengdoshlari hayoti va qiziqishlari haqidagi

ma’lumotlarga ega bo‘ldilar.

O‘ylaymizki, ushbu darslik-majmualar nafaqat

boshlang‘ich sinf o‘quvchilari, balki ularning ota-

onalari va boshqa oila a’zolari uchun ham chet tilini

o‘rganishda yaqin do‘stga aylanishi mumkin.

Bolajonlar maktabda olgan bilimlarini uyda

mustahkamlashlari, berilgan topshiriqlarni bajarishlari

uchun ko‘makka muhtoj bo‘ladilar. Shuni hisobga

olgan holda, ushbu darsliklarda ota-onalar burchagi

tashkil etilgan. Har bir bo‘limda o‘tilgan mavzu va

topshiriqlar, leksik birliklar misollar bilan berilgani

ota-onalar va o‘quvchilar mustaqil ravishda ushbu

bilimlarni o‘zlashtirishlariga keng imkoniyat yaratadi.

Ingliz tilida harflarning o‘qilish qoidalari alohida

transkripsiya asosida o‘rgatilishini inobatga olingan

holda ingliz tilidagi har bir tovush o‘zbek va rus

tilidagi tovushlar bilan solishtirilib, izohlar bilan

berilgan so‘zlarni to‘g‘ri talaffuz qilish va nutq

ravonligiga erishishga xizmat qiladi.

«Kids’ English 4» darslik-majmualar mualliflar

guruhi rahbari Svetlana Xan.

— 4- sinf darslik-majmualari tajriba-sinovdan o‘tib,

joylardan olingan barcha xulosalar umumlashtirildi.

Bildirilgan fikrlar salmog‘i avvalgi yildagilarga ko‘ra

yuqoriroq va asosliroq ekanligi, takliflar ijodiy

yondashgan holda berilganligi bizni juda quvontirdi.

Ushbu xulosalarning har birini katta e’tibor bilan

o‘rgandik. Viloyatlardagi maktablarda bo‘lib, ushbu

jarayonda ishtirok etganimizda, berilgan qo‘shiqlar,

she’rlar o‘quvchilar tomonidan o‘zbek va rus tillariga

tarjima qilingani, loyiha qismidagi ijodiy topshiriqlar

namunalarini o‘z sinf xonalariga bezatib qo‘yganlarini

guvohi bo‘ldik. Hattoki, o‘quvchilar avvalgi sinf

darsliklarida berilgan ayrim topshiriqlar nima uchun

bu sinf darsligida o‘tilmayotganini ham so‘radilar.

Tajriba-sinov o‘qituvchilari darslik-majmualarni dars

jarayonida qo‘llash, tahlil qilish davomida uning

yutuqlari bilan birga takomillashtirilishi lozim bo‘lgan

jihatlari yuzasidan taklif va mulohazalar bildirishdi.

— To‘rt yildan buyon amaliyotchi o‘qituvchi

sifatida ushbu jarayonda ishtirok etib kelmoqdaman,

— deydi Samarqand viloyati Jomboy tumanidagi

14- maktab tajriba-sinov o‘qituvchisi Ma’rifat

Normatova. — Ushbu darslik-majmualarning

avvalgilaridan farqli tomonlari juda ko‘p. Masalan,

o‘quvchilarning ulg‘aygani hisobga olingan holda

matnlar, dialoglar, ijodiy topshiriqlar ko‘p berilgan.

Bu esa ular o‘rganayotgan chet tillarni amaliyotda

erkin qo‘llashlariga katta yordam bermoqda. Darslik-

majmualar darslik, mashq daftari, multimedia ilovasi

va o‘qituvchi metodik qo‘llanmasidan iborat bo‘lib,