Dilnavoz Yusupova

G‘azallaridan namunalar 
 

Mehnat-u alamlarga mubtalo Uvaysiyman,
Qayda dard eli bo‘lsa, oshno Uvaysiyman.
 

Bukun, ey do‘stlar, farzandi jononimni sog‘indim,
Gado bo‘lsam ne ayb, ul shohi davronimni sog‘indim.
 

Oh, gulruxsora jonon, xordurman ishqida,
Dil aro qon, siynasi afgordurman ishqida. 
 

Qading nozuk, qoshing nozuk, ko‘zung nozuk, labing nozuk,
Tiling nozuk, so‘zung nozuk, tishing durri Adan, nozuk.

---

285 
 

Dedi bir kun menga ul mahvashim: «Ey sho‘xi beparvo!»
Men aydim: «Sen dema, men deyki: solding boshima savdo!» 
 

Ato qildi xudo menga seningdek dilbari barno,
Visoling qatrayedur, mavj urar hajring bo‘lub daryo! 
 

Chistonlar 
 

Ul na gumbazdir, eshigi, tuynugidin yo‘q nishon,
Necha gulgunpo‘sh qizlar manzil aylabdur makon.
Sindurub gumbazni, qizlar holidin olsam xabar,
Yuzlarig‘a parda tortig‘liq turarlar bag‘ri qon.
 

Ul nadurkim, sabzto‘nlik, yoz yog‘ochning boshida,
Qish yalang‘och aylagay barcha xaloyiq qoshida.
Barcha qushlarning so‘ngoki ichida,
Ul na qushdurkim, so‘ngoki toshida.
 

Ikki mahbubni ko‘rdum, bir-birisin ko‘rmagan,
Ikkisining o‘rtasiga, do‘stlar, qil sig‘magan.
 

Dostonlari 
 

«Voqeoti Muhammad Alixon» – Muhammad Alixonning Qashqar safariga 
bag‘ishlangan bo‘lib, tugallanmay qolgan. Asarda xonning tug‘ilishi, taxtga chiqishi va 
safarga otlanishi voqealari berilib, voqealar xonning Marg‘ilonda onasi bilan xayrlashib 
yo‘lga tushishi bilan uziladi.

«Shahzoda Hasan haqida doston», «Shahzoda Husayn haqida doston» – islom 
olamining mashhur shaxslaridan hazrat Alining o‘g‘illari Imom Hasan va Imom Husayn 

---

286 
voqealariga bag‘ishlangan – Imom Hasanning Muoviya bilan bo‘lgan janglari va 
xiyonatkorona o‘ldirilishi tasvirlangan. Shahzoda Husayn voqealari esa Karbalo dashtida 
yuz bergan edi. Imom Husayn va uning farzandlari Yazid bilan bo‘lgan tengsiz jangda 
shahid ketadilar. Shundan buyon Dashti Karbalo Sharq she’riyatida shahidlar qoni 
to‘kilgan mo‘tabar bir joy sifatida ramziy ma’no kasb etib keladi.