Dilnavoz Yusupova

1. Adabiyot nazariyasi barcha zamonlarda bunyod etilgan hamma asarlar 
uchun umumiy bo‗lgan ilmiy-nazariy va estetik asoslarni, badiiy asarlarning 
tarkibiy qismlarini, badiiyatning qonun-qoidalarini o‗rganadi. Shuningdek, 
badiiy asarlarning ijtimoiy-ma‘naviy hayotdagi mavqeyini belgilash, badiiy 
adabiyotning o‗ziga xos xususiyatlarini izohlash, badiiy ijod turlari va ijodiy 
jarayonning qonuniyatlarini ko‗rsatib berish bilan ham adabiyot nazariyasi 
shug‗ullanadi.
2. Adabiyot tarixi esa muayyan mamlakatlar yoki xalqlar adabiyotlarining 
rivojlanish bosqichlarini, biror xalq yoki mamlakat adabiyoti vakillari bo‗lgan 
buyuk san‘atkorlarning hayoti va ijodini o‗rganadi. Adabiyot tarixini o‗rganish 
nima uchun kerak? Har bir millat egasi, mamlakat fuqarosining o‗z adabiyoti, 
madaniyati, tarixini bilishga intilishi ma‘naviy kamolot talabidir. Xalq adabiyot 
tarixiga oid ma‘lumotlarni bilish uchungina emas, balki milliy adabiyotning eng 
yaxshi namunalari mazmuni, g‗oyalarini tushunib, shular vositasida ma‘naviy 
kamol topish uchun ham o‗rganadi.
3. Adabiy tanqid hozirgi adabiy jarayonda sodir bo‗lgan o‗zgarishlar, 
yaratilgan asarlarni baholash, ularning yutuq va kamchiliklarini, taraqqiyot 
yo‗nalishlarini 
izohlash 
hamda 
belgilash 
bilan 
shug‗ullanadi. 
Adabiyotshunoslikning ushbu uch sohasi bir-biri bilan chambarchas bog‗liq 
bo‗lib, bir-birini to‗ldiradi, boyitadi.
Savol va topshiriqlar: 
 
1. 
San’at deganda nimani tushunasiz? 
2. 
Badiiy adabiyot necha turga bo‘linadi? 

---

9 
3. 
Adabiy turlar haqida fikr yuriting.
4. 
Adabiyot va adabiyotshunoslikning qanday farqi bor? 
5. 
Adabiyotshunoslik yo‘nalishlarining nomlarini aytib, ularni sharhlang.
6. 
Ilmiy asar va badiiy asarning qanday farqli jihatlari mavjud?