Э. Т. Бердиев, Э. Т. Ахмедов табиий доривор ўсимликлар

Қора маржондарахт (Бузина черная) – Sambucus nigra L. 
Маржон дарахт турлари Шилвидошлар – Caprifoliaceae оиласига 
мансуб бўлиб, бўйи 2-6 м га етадиган Ўзбекистонга интродукция қилин-
ган бута ёки кичик дарахт. Ёш новдалари яшил, қолганлари қўнғир-кул-
ранг пўстлоқ билан қопланган. Барги 3-7 баргчали, тоқ патли мураккаб 
бўлиб, банди ёрдамида пояси билан шохларида кетма-кет жойлашган. 
Баргчалари калта бандли, чўзиқ-тухумсимон, ўткир учли, нотекис 
аррасимон қиррали. Сариқ-оқ, гуллари қалқонсимон тўпгулни хосил 
қилади. Меваси қора бинафша рангли, серсув, 3-6 данакли ҳўл мева. 

---

52 
Маржон дарахти май - июнь ойларида гуллайди, меваси июль – октябр-
да пишади. 
 
12-расм. Қора маржондарахт (Бузина черная) – Sambucus nigra L. 
 
Маржон дарахти Россия, Кавказ, Украина ва Белоруссиядаги кенг 
япроқли ўрмонларда ва буталар орасида ўсади. Истирохат боғлари, хиё-
бонлар ва кўчаларда манзарали дарахт сифатида ўстирилади. Маржон 
дарахтнинг халқ табобатида гули ва меваси ишлатилади. Гули таркиби-
да 0,32% эфир мойи, самбуцинигрин гликозиди, рутин, 82 мг% С вита-
мини, холин, органик (хлороген, валерианат, олма, сирка) кислоталар ва 
бошқа кимёвий бирикмалар бор. 
Меваси таркибида 50 мг% гача С витамини, каротин, антоцианлар, 
органик кислоталар, ошловчи ва бошқа биологик фаол моддалар бор. 
Гулининг дамламаси (мева дамламаси ҳам) шамоллашда терлатувчи, 
жигар, ўт пуфаги ва ўтйўллари касалликларида ўт хайдовчи ҳамда 

---

53 
буйрак ва сийдик пуфаги касалликларида сийдик хайдовчи восита си-
фатида қўлланилади. Маржондарахт дамламаси яна нафас йўлларининг 
яллиғланиш касалликларида, бронхит, ларингит, грипп, невралгия ва 
бошқа шамоллаш касалликларида ишлатилади. Гули терлатувчи, сурги 
хамда томоқ оғриғида чайиш учун қўлланиладиган йиғмалар-чойлар 
таркибига киради. Мевасидан сурги экстракти тайёрланади.