Golozoy usulida

39-rasm. Beggiatoa 40-rasm. Thiophysa 41-rasm. Thiospirillum
mirabilis. macsyropha.

Bulardan tashqari, hujayrasida (bakteriopurpurin) pigment bo‘lgan qirmizi va yashil rangli oltingugurt bakteriyalari ham ma’lum. Qirmizi rang bakteriyalar hujayrasida kimyoviy tarkibi jihatidan karotinoidlarga (likopin guruhiga) yaqin turuvchi bak-teriopurpurun va havoda oksidlanganda xlorofillga yaqin mahsu-lot hosil qiluvchi yashil pigment – bakterioxlorin uchraydi. Van-Nil aniqlashicha, bakteriyalarda sodir bo‘ladigan fotosintez jarayoni yashil o‘simliklarda kechadigan fotosintezdan farq qila-di. Agar yashil o‘simliklarda avval suv molekulasi fotolizga uch-rasa va O₂ suvdan ajralsa, bakteriyalarda suv fotolizga uchra-maydi va H boshqa moddadan olinadi. Shuning uchun O₂ ajral-maydi.

Bunday jarayon fotoreduksiya deb ataladi (quyidagi sxemaga qarang).

CO₂+2H₂S +quyosh energiyasi 1/6C₆H₁₂O₆+H₂O+S₂

Qirmizi rang bakteriyalarda fotosintez anaerob sharoitda boradi. Bu bakteriyalar 2 oilaga: Thiorodaceae (hujayrasida S tomchi shaklida to‘planadi) va Athiorodaceae (hujayrasida S uchramaydi, bular H₂S ni oksidlay olmaydi va organik moddalar bo‘lgan ozuqa muhitida o‘sa oladi) ga bo‘linadi. Bulardagi foto-sintez jarayoni xuddi qirmizi rang bakteriyalardagiga o‘xshash kechadi, faqat O₂ ajralmaydi. Qirmizi rang bakteriyalar orasida avtogeterotroflar va avtotroflar ham bor.
Yashil rang oltingugurt bakteriyalari hujayrasida yashil rangli bakterioveridin pigmenti bo‘ladi. Ular H₂S ni o‘zlashtirib, CO₂ ni qaytaradi, hujayrasida oz miqdorda bakterioxlorofill va karo-tinoidlar uchraydi. Xemosintez jarayonida organik moddalar ko‘p miqdorda to‘planmaydi, shuning uchun ham, xemosintez fotosintez jarayoni singari keng tarqalmagan, chunki fotosintez jarayonida hosil bo‘lgan organik moddalar barcha tirik orga-nizmlar uchun oziq manbayi hisoblanadi.