Harakatli o‘yinlar mazmuni yurib va yugurib o‘ynaladigan o‘yinlar Yugurib keling oldimga

Mushuk va sichqonlar 
Bolalar – sichqonlar inlarida (xona devori bo‘ylab yoki maydonchaning yon 
tomonlarida qator qilib qo‘yilgan skameyka yoki stullarda) o‘tiradilar. Maydoncha 
burchaklaridan birida mushuk o‘tiradi. Mushuk vazifasini tarbiyachi bajaradi. 
Mushuk uxlab qoladi, sichqonlar esa xona bo‘ylab yugurib yurishadi. Biroq, mana 
birdan mushuk uyg‘onadi, qaddini rostlab keriladi, miyovlaydi va sichqonlarni tuta 
boshlaydi. Sichqonlar tez yugurib qochadilar va o‘z inlariga kirib yashirinadilar 
(stullardan o‘z joylarini egallaydilar). Hamma sichqonlar in-iniga kirib ketgandan 
so‘ng mushuk yana bir marta xonada maydoncha) bo‘ylab aylanadi. Keyin joyiga 
qaytib keladi va uhlaydi. O‘yin to‘rt-besh marta takrorlanadi.
KO‘RSATMALAR. Sichqonlar mushuk ko‘zini yumib uyquga ketgandan 
keyingina o‘z inlaridan chiqishlari va mushuk miyovlaganidan keyin inlariga 
qaytishlari mumkin. Tarbiyachi barcha sichqonlar inlaridan chiqishini kuzatib 
turadi. O‘yinda o‘yinchoq – mushukdan ham foydalanilsa bo‘ladi. Kubiklardan 
inlar yasash mumkin. Bu holda bolalar kubiklar ustiga chiqib o‘tiradilar. Turli 
rang-barang kubiklardan foydalaniladi. Bolalar o‘z inlarining ranglarini eslab 
qolishlari kerak.
Bayroqchaga qarab yuring 
Tarbiyachi bolalarga ikki hil: qizil va ko‘k bayroqchalar tarqatib chiqadi. U 
bir qo‘lida qizil, ikkinchi qo‘lida ko‘k bayroqcha ko‘tarib qo‘llarini yon tomonga 
uzatadi, bolalar qo‘llaridagi bayroqcha rangiga qarab tegishli tomonlarga erkin 
ravishda o‘tib, ikki guruhga ajraladilar. Shundan keyin tarbiyachi maydon bo‘ylab 
o‘ynab, yugurishni taklif etadi. Bolalar o‘ynayotgan paytda tarbiyachi boshqa 
tomonga o‘tib oladi va: “Bir, ikki, uch – tez bu yoqqa uch!” – deydi-da, 
qo‘llaridagi bayroqchalarini yon tomonlariga uzatadi. Bolalar uning yonida 

---

17 
to‘planadilar va qo‘llarida qanday rangda bayroqcha bo‘lsa, o‘sha rangdagi 
bayroqcha tomoniga o‘tib qator turadilar. Hamma bolalar yig‘ilib bo‘lgach, 
tarbiyachi bayroqchani yuqoriga ko‘tarib hilpillatishni taklif qiladi. O‘yin to‘rt – 
besh marta takrorlanadi.
KO‘RSATMALAR. Tarbiyachi ishora qilmasdan avval maydon bo‘ylab 
yugurib ketish mumkin emas. Tarbiyachi bolalarning dam o‘ng, dam chap 
tomonga yig‘ilishlari uchun bayroqchalarni u qo‘lidan bu qo‘liga olib almashtirib 
turadi. O‘yinga qo‘shimcha signal va topshiriqlar kiritish mumkin. Masalan, 
“To‘xta!” signal bo‘yicha barcha o‘ynovchilar to‘xtashlari va ko‘zlarini 
yumushlari yoki turgan joylarida aylanishlari, yohud raqsga tushishlari mumkin. 
Mana shu vaqtda tarbiyachi bildirmasdan joyini almashtirib, boshqa joyda turib 
oladi. Bolalar signal bo‘yicha yana tarbiyachi tomonga qarab yuguradilar. 
Bayroqchalar o‘rniga bolalarning qo‘liga tegishli rangdagi ro‘molcha yoki 
bayroqcha, kubik berib qo‘yish mumkin, yo bo‘lmasa ularning qo‘llariga rangli 
lentachalar bog‘lab qo‘yishlari mumkin.