Hujjat matni 537266-(551546)

Biriktirilgan shahar va tumanlar:
Nurafshon, Chirchiq va Yangiyoʻl shaharlar, Boʻstonliq, Parkent, Yuqorichirchiq, Qibray, Toshkent, Zangiota, Yangiyoʻl va Oʻrtachirchiq tumanlari
Quyidagi viloyat boshqarma va tashkilotlar faoliyatini muvofiqlashtiradi va hamkorlikda ish olib boradi:
Turizm yoʻnalishi, Madaniyat boshqarmasi, Axborot va ommaviy kommunikatsiyalar boshqarmasi
Doimiy komissiya va Kengashlarga aʼzolik:
Mavjud emas.
Viloyat hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari
Vazifalari, funksiyalari, vakolatlari, huquqlari va majburiyatlari

---

e-qaror.gov.uz
11.04.2022
13
Oʻzbekiston Respublikasi Konstitutsiyasi, “Mahalliy davlat hokimiyati toʻgʻrisida”gi Oʻzbekiston Respublikasi Qonuni, Oʻzbekiston Respublikasining boshqa qonunlari, Oliy Majlis Qonunchilik palatasi va Senati, Oʻzbekiston Respublikasi Prezidentining
hujjatlari va topshiriqlari, Oʻzbekiston Respublikasi Vazirlar Mahkamasining qarorlari, farmoyishlari va topshiriqlari, Xalq deputatlari Toshkent viloyati Kengashi qarorlari, Toshkent viloyati hokimining mazkur majmua faoliyatiga tegishli qaror, farmoyish va
topshiriqlarining bajarilishi boʻyicha aniq chora-tadbirlarning samarali, sifatli va natijali amalga oshirilishini taʼminlashga va nazorat qilishga shaxsan javob beradi.
Toshkent viloyatida yoshlar siyosati, ijtimoiy rivojlantirish va maʼnaviy-maʼrifiy ishlar majmua faoliyatini boshqaradi.
Majmua tizimidagi boshqarma, boshqarma, idora va tashkilotlar rahbarlarining faoliyatini qonunchilikda belgilangan tartibda muvofiqlashtirishni taʼminlaydi.
Yoshlar siyosati sohasida:
yoshlar, yaʼni oʻttiz yoshdan oshmagan shaxslar, xususan, taʼlim bilan qamrab olingan yoshlar, uyushmagan yoshlar, yosh mutaxassislar, tadbirkor yoshlar, yosh fermerlar, yosh oilalarni har tomonlama qoʻllab-quvvatlash yuzasidan chora-tadbirlarni amalga
oshirish;
umumtaʼlim maktablarining 9-, 11-sinf bitiruvchilarini kasbga yoʻnaltirish va ularni keyinchalik professional taʼlim tizimida oʻqish bilan toʻliq qamrab olish, kasb-hunar maktablari, kollej, texnikum bitiruvchilarini ishga joylashtirish boʻyicha tizimli ishlarni
tashkil etish;
professional taʼlim muassasalari (kasb-hunar maktabi, kollej, texnikum) faoliyati samaradorligini oshirishga qaratilgan kompleks chora-tadbirlarni amalga oshirish, jumladan, ularni hududlar kesimida optimal joylashtirish, isteʼdodli yoshlarni qamrab olish,
oʻquv jarayoni sifatini oshirish;
oliy taʼlim yoʻnalishlari va oliy maʼlumotli kadrlar tayyorlash koʻrsatkichlarining hududlar boʻyicha optimal taqsimoti yuzasidan asoslangan takliflar ishlab chiqish, bitiruvchilarni chuqur professional bilimlarga ega boʻlishlariga qaratilgan chora-tadbirlarni
amalga oshirish;
taʼlim tizimining barcha bosqichlarida oʻquv jarayoni sifatini, oʻquvchi-talabalarning davomatini taʼminlash yuzasidan aniq choralarni koʻrish va nazorat qilish, bu borada taʼlim muassasasi, mahalla, nodavlat va notijorat tashkilotlari, profilaktika inspektorlari
va ota-onalarni oʻzaro hamkorlikdagi ishlarini muvofiqlashtirish;
aholi, yoshlarning kitobxonlik madaniyatini yuksaltirish, milliy adabiyotimiz va jahon adabiyotining eng yaxshi namunalarini keng targʻib kilish,
“ommaviy madaniyat”ning koʻrinishlariga qarshi maʼnaviy profilaktika ishlariga rahbarlik qilish;
taʼlim tizimining barcha bosqichlarida chet tillariga, kompyuter texnologiyalari va internet-resurslaridan foydalanishning ilgʻor koʻnikmalariga oʻrgatish boʻyicha kompleks chora-tadbirlar bajarilishini nazorat qilish;
yoshlarni boʻsh vaqtlarini mazmunli tashkil etish boʻyicha ularning mulohazalari va takliflarini inobatga olgan holda 5 ta muhim tashabbus doirasida aniq va manzilli chora-tadbirlar dasturlari ishlab chiqish, turli toʻgaraklarga, shu jumladan, bolalar musiqa va
sanʼat, bolalar va oʻsmirlar sport maktablariga qamrab olish ishlarini tizimli tashkil etish;
yoshlarni yuksak axloqiy tarbiyalash, ularni mafkuraviy tahdidlardan himoya qilish va jamiyatda yuksak maʼnaviyatini qaror toptirish borasidagi ishlarga rahbarlik qilish;
yoshlarni mustaqil hayotga tayyorlash, aholining ijtimoiy faolligini oshirish, yoshlar tarbiyasi masalasida jamoatchilik nazoratini tashkil etish, jamiyatda tinchlik va osoyishtalikni taʼminlash sohasidagi vazifalarni samarali bajarishga yoʻnaltirilgan chora-
tadbirlarni amalga oshirish;
ota-onalarning pedagogik madaniyatini yuksaltirishga, barkamol avlod tarbiyasida “oila-mahalla-taʼlim muassasasi” hamkorlik konsepsiyasini amalga oshirishga rahbarlik qilish;
uyushmagan yoshlarning manfaatlarini roʻyobga chiqarishda ishtirok etuvchi davlat organlari, muassasalar va nodavlat notijorat tashkilotlarining faoliyatini muvofiqlashtirish hamda yoshlarning ijtimoiy faolligini oshirishga qaratilgan ustuvor yoʻnalishlarni
belgilash;
uyushmagan yoshlarning muammolarini aniqlash va hal qilish uchun ularning ehtiyojini aniqlash boʻyicha monitoring olib borish va baholash, kasbga oʻrgatish, ishga joylashtirish, jumladan, kichik va oʻrta biznes va oilaviy tadbirkorlikka keng jalb etish,
huquqbuzarlik va jinoyatchilikni oldini olishga qaratilgan chora-tadbirlarni belgilash;
yosh mutaxassislarni ishga joylashtirishning tizimli monitoringini tashkil etish, mehnat bozorida ularning raqobatbardoshligini taʼminlashga qaratilgan maxsus dasturlarni ishlab chiqish va uni amaliyotga joriy etish, yosh kadrlarni tayyorlash, qayta tayyorlash
va malakasini oshirish boʻyicha ishlarni amalga oshirish;
har tomonlama kamol topgan, qatʼiy eʼtiqodga va qarashlarga ega boʻlgan, mustaqil fikrlaydigan yoshlarni tarbiyalashga yoʻnaltirilgan chora-tadbirlarni amalga oshirish, shuningdek yoshlarni turli mafkuraviy tahdidlardan himoya qilish ishlarini tegishli
berilgan vakolat doirasida taʼminlaydi;
yosh avlodning huquqiy savodxonligini va ijtimoiy faolligini oshirishga, shuningdek yoshlar oʻrtasida nazoratsizlik va huquqbuzarliklarning oldini olishga yoʻnaltirilgan ishlarni tegishli masʼul idoralar bilan hamkorlikda tashkil etadi;
yoshlarning ish bilan bandligi, ularni kichik va xususiy tadbirkorlik faoliyatiga jalb etish, shuningdek yosh oilalarni ijtimoiy qoʻllab-quvvatlash masalalariga koʻmaklashadi;
iqtidorli yoshlarni qoʻllab-quvvatlash, ularning intellektual va ijodiy salohiyatini roʻyobga chiqarish uchun shart-sharoitlar yaratilishida ishtirok etadi;
bolalar va yoshlarni sport bilan muntazam shugʻullanishga keng jalb etish, jismoniy sogʻlom va yosh avlodni shakllantirish, sport inshootlarining moddiy-texnika bazasini yanada rivojlantirish va mustahkamlash va ulardan samarali foydalanish, ularni jahon
standartlariga javob beradigan jihozlar va uskunalar bilan taʼminlash choralarini koʻradi;