Informatika va hisoblash texnikasi asoslari fanidan

Mavzuni mustahkamlash va yakunlash:
Bu bosqichda o‘quvchilarga mavzudagi asosiy tushunchalar bilan bog‘liq savollar bilan murojaat qilish va darslikdagi 3, 4 – mashqlarni bajarish maqsadga muvofiq.


Uyga vazifa:
1*. Boshqotirmalar, topishmoqlar yechish yoki tuzish.


Qo‘shimcha savol va topshiriqlar

1. 
   Word kolleksiyasida qanday mavzularga mos rasmlar bor?
   
2. 
   Rasmning chegara chiziqlari qalinligini o‘zgartirishni amalda ko‘rsating.
   
3. 
   Bir nechta rasmni birlashtirishni amalda ko‘rsating.
   
4. 
   Rasmga soya berishni amalda ko‘rsating.
   
5. 
   Rasmning chegara chiziqlarining rangi qaysi piktogramma yordamida o‘zgartiriladi?
   

Qo‘shimcha mashqlar.
1. Maktab hayotiga oid rasmlardan hujjat hosil qiling va “Maktab rasmlari” mi bilan saqlang.
2. Sportga oid rasmlardan har bir rasmga nom bergan holda hujjat hosil qiling va “Sport turlari” nomi bilan saqlang. So‘ngra rasm nomlarini alifbo bo‘yicha saralagan holda “Saralangan sport rasmlari” kabi saqlang.
3. O‘zingiz yoqtirgan hayvonlar rasmlaridan har bir rasmga nom bergan holda hujjat hosil qiling va “Hayvonat olami” nomi bilan saqlang. So‘ngra rasm nomlarini alifbo bo‘yicha saralagan holda “Saralangan hayvonlar rasmlari” kabi saqlang.
23-24-mashg‘ulot


Mavzu: Hujjatlarda shakllar va chizmalar
Dars maqsadi:
O‘quvchilarda hujjatlarda shakl va chizmalar chizish yordamida rasm hosil qilish va formatlash ko‘nikmasini hosil qilish.
Asosiy tushunchalar:
Tayyor shakllar, asosiy shakllar, blok-sxema, yulduzlar va lentalar, ta’sir ko‘rsatish.
Mavzuni boshlashga hozirlik:

Informatika va hisoblash texnikasi asoslari darsligi va plakat tayyorlab qo‘yiladi. O‘qituvchi tomonidan kompyuterlar ishga hozirlanadi. Mavzuga mos elektron qo‘llanmalar kompyuterga yuklab ishchi holatga keltiriladi.