Ishlanmalari

Bolalar uchun amaliy ish.

Tarbiyachi: Bolajonlar, sonlarni sanog’i to’g’ri keladigan suratlar bilan tutashtiring.
Tetiklashtiruvchi mashq.

Tarbiyachi: Bolajonlar, topshiriqni hamma juda yaxshi bajardi. Endi o’rnimizdan turib 10 marta sakraymiz, 10 marta o’tirib-turamiz.

Bilimlarni mustahkamlash uchun o’yin: “Topgan topaloq”.

Tarbiyachi: Bolajonlar, hozir sizlarga sonlar haqida topishmoqlar aytaman. Men qaysi son haqida topishmoq aytganligimni topasiz, qaysi son ekanligini aytib, kartochkani ko’rsatasiz.

To’nkarilgan stulga

O’xshab ketar bo’y-bastim

Otim “yaxshi” 4 ta harf

Besh mening yaqin do’stim. (4)

Noldan keyin turaman

Chizg’ichingga qarab boq.

Sonlar ichra doimo

Birinchiman ey o’rtoq. (1)
Bilimingni baholab

Noiloj ko’nikaman.

Qachon “4”ga etar deb

Ko’z tikib toliqaman. (3)

Qomatimni ko’rganlar

Qiyos qilar oq qushga.

Mendan dir-dir titraydi

Ixlosi yo’q o’qishga. (2)

Shapka kiyib boshimga

Belbog’ga boylanganman.

Xizmatiga tayyorman

Mehnatsevar o’rtoqning. (7)

Koptok misol qornimni

Soyabonga olaman.

Bir, ikki, uch, o’zimga

Teng bo’lina qolaman. (6)

Rassom chizar o’xshatib

Yuk ko’targich ilmoqqa.

Men muallim sovg’asi

Bilimdon har o’rtoqqa. (5)

Ipak qurt pillasiday

Qo’sh halqaman mustahkam.

O’zgarmas qiymat shaklim

O’ng-ters bo’lib tursam ham. (8)

Qo’shni bo’lib, ko’paydik

10 hissaga bir va nol.

Hisoblaymiz sanaymiz

Berib doim qo’lga-qo’l. (10)

Shaklim o’xshash vergulga

Oltiga qarindoshman.

Bir xonali sonlarga

Shu yoshdan karvonboshman. (9)

Tarbiyachi: Bolajonlar, “Topgan topaloq” o’yinida juda yaxshi qatnashdingiz, barakalla.
Endi yana bir marta sonlarni ko’rsataman, sizlar xor bo’lib qaysi son ekanligini aytasizlar.