Ma’danli nuqtalar - sanoat ahamiyatiga ega bo„lmagan (o„lchamlari yoki
metallar miqdori bo„yicha) ma‟dan namoyonlari.
Ma’dan namoyonlari - ma‟dan minerallarining tabiiy holdagi yig„indisi. Ular
sifati bo„yicha konditsiya talablariga deyarli javob beradi, lekin miqdori jihatidan
shu davr iqtisodiy sharoitida qazib chiqarish obyekti bo„la olmaydi. Zaxiralari
qidirish natijasida ko„payganda yoki konditsiya talablari kamaytirilganda kon
toifasiga o„tishi mumkin.
Ma’dansiz tog‘ jinslari - tarkibida ma‟danli minerallar bo„lmagan t.j.lari
(bo„sh jinslar sinonimi).
Ma’danli konlarning genezisi - ma‟dan konlarining paydo bo„lishi. U borliq
xususidagi juda muhim ilmiy dunyoqarashlarni shakllantirishga xizmat qilish bilan
bir qatorda, ishlab chiqarish maqsadlarida baholashda amaliy ahamiyatga ega
bo„lgan alohida konni genetik tasniflashning qaysi guruhi va turiga mansubligini
aniqlash imkonini beradi.
Ma’danlashuv to‘planishining geologik shart-sharoitlari - ma‟danni nazorat
qiluvchi omillar atamasining sinonimi bo„lib, ularning orasida litologik, magmatik,
tuzilmaviy-magmatik, litologik-tuzilmaviy, litologik-stratigrafik omillar katta
ahamiyatga ega. Tektonik-magmatik, tuzilmaviy-fatsial, erozion kesim va
chuqurliklar omillari ko„proq regional ahamiyatga ega.
Ma’dan konlarini qidirishning gidrokimyoviy usuli - tabiiy suvlar kimyoviy
tarkibidan ma‟danli konlarni qidirish maqsadida foydalanish.
Metallogenik tahlil - metallogenik tadqiqotlar usuli bo„lib, foydali qazilma
konlarini joylashish qonuniyatlarini aniqlash va metallogenik, hamda bashoratlash
xaritalarini tuzishda qo„llaniladi. Batafsilligiga ko„ra regional metallogenik va
ma‟dan nazorat qiluvchi omillarni metalogenik tahlillariga bo„linadi.
Mexanik tarqalish oreollari - bo„shoq t.j.laridagi ma‟danli minerallarning
ko„paygan miqdorini tarqalish oblasti bo„lib, f.q. yotqiziqlarining yuqori qismlari
yoki ularning birlamchi oreollarini tarqalish doirasidagi fizik buzilishlar jarayonida
paydo bo„ladi.
Do'stlaringiz bilan baham: |
