Istaklarning amalga oshuvi

MUHIM QOIDA: 
O`z xohishlaringizning xo`jayini bo`ling, o`z xohishlaringizni mustaqil 
boshqaring! 
Sizni vasvasaga solayotgan narsa hali sizda yo`q. Lekin oldindan lazzatlanish 
yordamida siz uni kelajakdan chaqirib olasiz. Siz o`z xohishingiz amalga oshsa 
oladigan rohatingizni hozirdanoq tuyasiz. Bu bilan siz maqsadingiz va sizning 
orangizdagi masofani qisqartirasiz. Bu esa kelajak va hozir orasidagi pardani 
ko`taradi. Siz o`zingizda yo`q narsadan rohatlanishingiz mumkin. U xuddi qo`l 
uzatsangiz etadigan masofada turgandek bo`ladi. Bu esa sizga harakatlanish uchun 
kuch beradi. 
Six xuddi kelajakka borib, u erda ega bo`lgan narsangiz yoki bajargan ishingizning 
natijasini olasiz. Bu paytdagi hissiyotlaringiz sizga yoqyaptimi? Unda sizning 
ishlaringiz besh. Xohishlaringiz amalga oshishiga to`liq ishonch bor. 
Dunyodan olmoqchi bo`lgan narsalaringiz va qilmoqchi bo`lgan ishlaringizni siz 
fikringizda olishingiz yoki bajarishingiz kerak. Faqat shundan keyingina siz 
xohlagan narsa hayotingizga kirib keladi. Buning mumkinligiga qanchalik ko`proq 
ishonsangiz uning amalga oshishiga shunchalik ko`proq imkon yaratasiz. 
Yana bitta muhim jihat! O`z xohishlaringizning amalga oshishiga ishonch hosil 
qilish uchun uni tasavvur qilayotganingizda maqsadingizni o`zingizdan kichik qilib 
tasavvur qiling. 
Agar maqsadingizni o`zingizdan katta deb tasavvur qilsangiz, unga etishish uchun 
bu maqsadingiz tog`iga tirmashib chiqishingiz kerak bo`ladi. Quyi ongda 
kichkinagina odamchaning katta narsaga erishishga harakati qiyinchiliklar bilan 
assotsiyaatsiyalanadi. Buning natijasida siz o`z xohishingizga hech qachon eta 
olmaysiz. Vladimir Levi aytganidek million dollar degani nima degani? U 
kichkinagina, yo`qolib ham qolishi mumkin. Unga egalik qilish uchun jon-jahding 
bilan ishlash shart emas. Bunday millionchalar tabiatda juda ko`p. 

---

Siz o`zingizni shunday his qila boshlashingiz bilan orzuning o`rnini aniq hisob-
kitobli ish egallaydi. O`z maqsadingizni xuddi yaqin va deyarli egallangan deb 
qarar ekansiz, unga bo`lgan yo`l cheksiz dovonlardan emas, balki to`g`ri chiziqdan 
iborat bo`lib qoladi. Bu yo`lni o`tish uchun bo`lsa zo`riqishning keragi yo`q. 
Katta deb tasavvur qilingan narsalarga va hodisalarga erishishga hech kim o`zida 
kuch topa olmaydi. Ularni juda kichkina deb tasavvur qiling, o`zingizni bo`lsa 
koinot kabi katta deb. 
Faqat bu ishni sizning oddiy ongingiz bilan bajarib bo`lmasligini esdan 
chiqarmang. Buni amalga oshirish uchun ongning o`zgargan holatida bo`lishingiz 
kerak. 
O`z tasavvuringizda butun dunyoni kaftingizda sig`adigandek his qiling. Bunda 
dunyoda sodir bo`ladigan, bo`layotgan voqealar va narsalar sizning tushunishingiz 
uchun osonlashadi va ularga ta`sir qilishingiz mumkin bo`ladi. Shunda siz bu 
dunyoning tuzilishi va odamlarning o`zini tutishlari qonunlarini tushunib olasiz. 
O`zi fikrlashingizni shunday sozlashingiz natijasida dunyoda hamma narsa bir xil 
muhimlikka ega bo`ladi. Ya`ni bir narsa boshqasidan muhimroq bo`lmaydi! 
Mashq:Butun tanangizni bo`shashtiring va biroz vaqt faqat nafas olishingizga 
e`tiboringizni qarating. Faqat o`z xohishingiz va maqsadingiz haqida o`ylang. 
Uni tasavvur qiling. U sizda qanday hislar uyg`otishiga e`tibor qarating. U 
sizdan uzoqdami va kattami? Endi xohishingizdagi narsani bolalar 
o`yinchog`iday kichkina deb va o`zingizni juda ulkan deb tasavvur qiling. 
Xohishingiz sizning yonginangizda turganligini va unga bor yo`g`i kichkina bir 
qadamcha qo`yish bilan etishishingiz mumkinligini tasavvur qiling. Xohishingiz 
shu darajada kichik va sizga yaqin bo`lishi kerakki, uni amalga oshirish hech 
qanday murakkablik tug`dirmasligini o`zingiz his qilishingiz kerak. 
Shunday qilib, sizning xohishingiz shakllandi, yozildi va qizualizatsiya qilindi. 
Ongning o`zgargan holatida uni juda aniq tasavvur qildingiz, his qildingiz va uni 
kelajakdan tortib oldingiz. 
Endi bo`lsa qilishingiz kerak bo`lgan oxirgi ish qoldi. U ham bo`lsa o`z 
xohishingizdan voz kechish va uni qo`yib yuborish. Ya`ni xohishingiz amalga 
oshishini intiqib kutish, unga umid qilishdan tiyilish kerak. Iloji boricha siz bunday 
narsani xohlaganingizni ham unuting. 
Men yoshligimdan samolyotlarga juda qiziqar edim. Keyinchalik Toshkent 
aviatsiya institutiga o`qishga kirdim va o`zimcha samolyotlarni konstruktsiyalash 
haqida orzu qilardim. Lekin tajriba bo`lmasdan tasodifan osmondan tushganday 
samolyot yarata olmasligimni juda yaxshi bilardim. Buning uchun amaliy ish qilish 
va konstruktorlarning ishlari bilan tanishishim kerak edi. Men kechqurun o`qir va 

---

kunduzi aviatsiya zavodida slesar bo`lib ishlar edim. Konstruktorlik bo`limiga 
bo`lsa shunchaki yaqinlashtirishmas ham edi. Buni faqat orzu qilish mumkin edi, 
holos. 
To`rtinchi kursda bizni mutaxassisliklar bo`yicha ajratishdi. Qarasam meni 
texnolog guruhiga qo`shib qo`yishibdi. Dekanning oldiga kirib men 
konstruktorlikka o`tmoqchiligimni aytdim. U mendan texnologlikning nimasi 
yomonligini so`radi. Shunda men bu guruhda o`qiyman va shu sohada ishlayman 
degan birorta ham talaba yo`qligini va agar men bu guruhda o`qisam ularga 
o`xshab qolishimni aytdim. Bu ikki og`iz gap mening konstruktorlik guruhida 
o`qiy boshlashimga sabab bo`ldi. 
Shu bilan o`qituvchilarning va fakultet rahbariyatining nazariga ham tushib oldim. 
Bir kuni kafedra mudiri meni chaqirib, konstruktor bo`lib ishlashni xohlaysanmi 
deb so`rab qoldi. Men shoshib qoldim. Nima deyishimni ham bilmay qoldim. 
Chunki bu mening orzuim edida va u hozir amalga oshish arafasida turardi. Keyin 
u menga tavsiyanoma yozib berdi va kimga uchrashishim kerakligini aytdi. 
Konstruktorlik bo`limiga tavsiyanomani olib borgan edim, u erda ham darhol ariza 
yoz deyishdi va shu tarzda men konstruktorlik faoliyatimni ham boshladim. Agar 
men umuman zavod konstruktorlik byurosiga ishga olingan ikkinchi o`zbek 
injeneri bo`lganligimni aytsam sharoitni yanada yaqqolroq tasavvur qilishingiz 
mumkin bo`ladi. Chunki o`zbeklar bu sohani torta olmaydi deb hisoblanar va bu 
yozilmagan qonun edi. Tez orada men fakultetda tashkil qilingan konstruktorlik 
guruhiga ham qo`shildim va to`rt kishilik kichik samolyotni loyihalashda ishtirok 
qildim. 
Agar men orzu qilishda davom etaversam va bu orzuni qo`yib yubormasam, balki 
haqiqiy konstruktorlik byurosining nimaligini umuman ko`rmasligim ham mumkin 
edi. 
Bu holatni Vladimir Levi shunday izohlaydi. Bu huddi geliy bilan to`ldirilgan 
sharga o`xshaydi. Sharni to`ldirayotib biz uni yassi lattadan uchuvchi sferaga 
aylantiramiz. Xuddi shunga o`xshab sizning hayoliy obrazingiz ishonchning 
ko`taruvchi kuchiga ega bo`lishi kerak. Shunda u amalga oshadi. 
Ishonch va tasavvur eng yuqori, kulminatsiya nuqtasiga etganda uni qo`yib 
yuborish kerak. Tasavvur qilishdan to`xtash kerak. Oddiygina yashash va o`z 
yo`lingizda ishonch bilan davom etaverishingiz kerak... Sharni qo`yib yuboring. 
Uchaversin. O`z xohishingni o`zingdan ozod qil va u oldindan aytib berish qiyin 
bo`lgan muddatda amalga oshadi. Orzuni qo`yib yubor va u sening hayotingga 
kirib keladi. 
Endi nima sababdan xohishni qo`yib yuborish kerakligini aniqlab olsak. Agar siz 
uni qo`yib yubormasangiz, vaqti kelib uning amalga oshishiga shubha bilan qaray 
boshlaysiz. Chunki inson aqli shunday yaratilgan. Uning asosiy vazifalaridan biri – 

---

bu shubg`halanishdir. Ikkinchi tomondan quyi ong o`ta ishonuvchandir. U hamma 
narsani to`g`ri ma`noda tushunadi. 
Shunday qilib xohishni shakllantirishda sizning vazifangiz quyi ongni 
ochish (ongning 
o`zgargan 
holati), xohishingizning 
amalga 
oshishiga 
ishonish (vizualizatsiya), keyin esa quyi ongni yopishdir (xohishni qo`yib 
yuborish). 
Boshqacha qilib aytganda boshingizga har xil bo`lmag`ur narsalarning kelishiga 
yo`l qo`ymasligingiz kerak! Agar qo`yib bersangiz ular sizdan so`rab o`tirmasdan 
hayolingizga kelaveradi. Mana nima uchun o`z xohishingizdan voz kechish kerak. 
Xohish kulminatsion nuqtaga etganda uni qo`yib yuborasiz. Xuddi “Agar u amalga 
oshmasa ham qayg`urmayman. Nima bo`lsa bo`lar. Uni qo`yib yuboraman” deysiz. 
Bu usul bilan siz o`zingizning doimiy ravishda tanqidiy fikrlaydigan aqlingizni 
aldaysiz. Bilib qo`yingki, agar siz biror narsa yoki odamni qo`yib yubormas 
ekansiz (xohish, pul, sharoit, hamkasb, er, xotin, bolalar, uy va boshqalar), bu 
sharoitning ushbu sharoitning o`zingiz uchun qulay tomonga o`zgarishiga ruxsat 
bermagan bo`lasiz.