31. “Taym-menejment” deganda nimani tushunasiz? U nima uchun kerak, deb o‘ylaysiz?
Javob:
Har kuni biz biron bir joyga yuguramiz, biron joyga shoshilamiz. Qanday qilib hamma narsaga vaqt topish mumkin, deb o‘ylaymiz. Aslida taym-menejment bizga hamma narsani bir kunda qilishni emas, balki muhim ishlarni sifatli bajarishni, dam olish imkonini beradi.
“Taym-menejment” tushunchasini bugungi kunda tez-tez eshitamiz. Va bu ko‘nikma ish beruvchilar tomonidan qadrlanishini ham bilamiz.
“Taym-menejment” bu – vaqtni boshqarish, natijadorlikni oshirish, umrimizni nazorat qilish va hayotni boshqarish, o‘zimizni rivojlantirish, vaqtga munosabatni o‘zgartirish, vaqtni his qilish demakdir.
32. Prezentatsiyaga tayyorlanishni nimadan boshlash kerak? Prezentatsiyaga tayyorgarlik ko‘rish bosqichlarini ketma-ketlikda yoritib bering.
Javob:
Prezentatsiyaga tayyorlanishni birinchi navbatda auditoriyani o‘rganishdan boshlash kerak. Tinglovchilar qanday odamlar ekanini bilish juda muhim. Jinsi, yoshi, kasbi, bilim darajasi, hohishlari, intilishlari. Turli insonlarni ham qandaydir belgiga ko‘ra birlashtirish mumkin. Tinglovchilarni qanchalik yaxshi tushunsangiz, fikrlaringizni ularni ongi va qalbiga shunchalik chuqur singdira olasiz.
Maqsadni aniqlash. Maqsadni aniqlash prezentatsiya tayyorlashda to‘g‘ri yo‘nalishni tanlashga yordam beradi.
Maqsad quyidagicha bo‘lishi mumkin:
boshqalarni o‘z nuqtai-nazaringizga ishontirish;
bilim berish, tajribangiz bilan o‘rtoqlashish;
hisobot berish;
mahsulotga qiziqish uyg‘otish.
Maqsad juda katta bo‘lishi shart emas, asosiysi- aniq bo‘lishi kerakMateriallarni ajratish va tizimlashtirish. Ko‘p sonli materiallar orasidan maqsadingizga erishishga yordam beradigan ma’lumotlarni tanlang. Buning uchun o‘zingizga shunday savol bering: menga ajratilgan vaqtda maqsadga erishish uchun auditoriyaga aynan nimani gapirishim kerak?
Do'stlaringiz bilan baham: |
