ЛойиҳА Ўзбекистон республикасининг қонуни таълим тўғрисида

---

ЛОЙИҲА 
ЎЗБЕКИСТОН РЕСПУБЛИКАСИНИНГ 
ҚОНУНИ 
 
Таълим тўғрисида 
(янги таҳрири) 
1-боб. Умумий қоидалар 
 
1-модда. Қонуннинг мақсади ва вазифалари 
 
Ушбу Қонуннинг мақсади фуқароларга таълим, тарбия бериш, касб-ҳунар 
ўргатишнинг ҳуқуқий асосларини белгилаш ҳамда ҳар кимнинг билим олишдан 
иборат конституциявий ҳуқуқини таъминлаш. 
Қонуннинг вазифалари: 
Таълим соҳасида давлат, таълим соҳасидаги давлат бошқарув органлари ва 
маҳаллий давлат ҳокимияти органлари ваколатларини белгилаш ва улар 
ўртасидаги муносабатларни тартибга солиш; 
таълим тизимининг ишлаши ва ривожланиши учун ҳуқуқий кафолат ва 
механизмларни яратиш; 
юридик ва жисмоний шахсларнинг таълим сохасидаги ҳуқуқлари, 
мажбуриятлари ва жавобгарлигини ҳамда уларнинг ўзаро муносабатларини 
ҳуқуқий жиҳатдан тартибга солиш. 
2-модда. Таълим тўғрисидаги қонун ҳужжатлари 
 
Таълим тўғрисидаги қонун ҳужжатлари ушбу Қонундан ҳамда бошқа 
қонун ҳужжатларидан иборат. 
Ушбу қонун Ўзбекистон Республикасининг барча ҳудудларига, шунингдек 
Қорақалпоғистон Республикаси ҳудудига ҳам тегишли. 
Қорақалпоғистон Республикасида таълим соҳасидаги муносабатлар 
Қорақалпоғистон Республикасининг қонун ҳужжатлари билан ҳам тартибга 
солиниши мумкин. 
Агар Ўзбекистон Республикасининг халқаро шартномасида таълим 
тўғрисидаги қонун ҳужжатларидагидан ўзгача қоидалар белгиланган бўлса, 
халқаро шартнома қоидалари қўлланилади. 

---

2 
3-модда. Асосий тушунчалар 
 
Ушбу Қонунда қуйидаги асосий тушунчалар қўлланилади: 
таълим–таълим олувчиларга назарий билим, амалий кўникма ва 
малакалар бериш, уларда умумтаълим ва касбий компетенцияларни 
шакллантириш, билиш қобилиятини ва дунёқарашини шакллантиришга 
йўналтирилган тизимли жараён; 
таълим фаолияти - таълим дастурларида кўзда тутилган натижаларга 
эришиш учун таълим ташкилотчилари, педагог кадрлар, ишлаб чиқариш 
усталари, таълим муассасаларининг бошқа ходимлари томонидан кетма-кет 
амалга ошириладиган ҳаракатлар мажмуи; 
таълим хизмати - истеьмолчиларни шахсий, гуруҳ ва ижтимоий 
эҳтиёжларни қондириш ва ривожлантириш мақсадида умумий ва касбий билим, 
малака ва кўникмаларни беришга қаратилган жараёнлар мажмуи; 
тарбия–муайян аниқ мақсад ҳамда ижтимоий-тарихий тажриба асосида ёш 
авлодни ҳар томонлама камол топтириш, тарбияланувчиларнинг онги, хулқ-
автори ва дунёқарашини ривожлантиришга йўналтирилган тизимли жараён;