Loyiha muallifi mehriniso xudaybergenova qalb gavhari o‘zbekiston ijodkor yoshlar to‘plami

QISHLOQ AYOLI 
Qishloq ayoliga osonmas biling, 
U hatto oyga ham alla aytadi. 
Hatto ko'zlariga tongni berkitib, 
Shom bo'lgach daladan uyga qaytadi. 
Bir qo‗li tandirda, bir qo'li kirda, 
Osh damlab turib ham tinmas hayoli, 
Hali sigir sog'ib, sutni pishirib 
Bolasiga tutadi qishloq ayoli. 
Yangi uy qurilsa er bilan birga, 
Loy tepib guvala quyar hovliga. 
Shohona hayotni tushida ko'rib 
O'ngida shukr deb yashar boriga. 
Hali xo'roz qichqirmay turib, 
Suv sepib, ko'chani supirib qo'yar. 
Saharda bir etak bolasi uchun 
Tandirda non yopib qo'llari kuyar. 
Sigirin etaklab ketar dalaga, 
Bir o'sma qo'ymoqni ko'rmaydi ravo. 
Qo'lida ketmoni ishlashi kerak 
Sovib ketmasidan bu injiq havo 
Atir- upa u uchun shunchaki buyum, 
Yuziga oftobning nuri quyilgan. 
Tirnog'in o'stirib, qilmaydi jilo
Qo'llari mehnatda o'yilgan. 
Balki, bo'la olmas oq bilak xonim, 
Balki olim bo'lmay olamdan o'tar. 
Lek sabrda toblangan qishloq ayoli 
Shu qadoq qo'lida dunyoni tutar. 
Qishloq ayoli bu, qishloq ayoli!.. 

---

61 
FOZILOVA LAYLO 
2009- yil 22-iyunda Sirdaryo viloyati Sayxunobod tumanida 
tavallud topgan. Hozirda Sayxunobod tumanidagi 2- maktabini 
8-sinf o`quvchisi. 
TIKONNING GULI 
Shunday insonlar borki ularning umr hikoyalarida bahorning yolg‗onchi gullari 
yashirin... Bu naqadar shafqatsizlik. Ba‘zan esa tikonlar ichida gullar yashirin, huddi 
kaktus singari. Vaholanki kaktusni sevuvchi insonlar oramizda bisyor. Ba‘zida shu 
tikonlar orasida yashirin bo‗lgan go‗zallik - kaktuslarchalik insonni inson 
tushunolmaydi. So‗g‗inchli sabrlar so'nggida esa kaktuslar ham gullar singari go‗zal 
va beg‗ubor gullaganini ko‗ramiz. Tikonli gullar uch yuz yilgacha yashay oladi. Bu 
esa juda issiq haroratda so‗lib qolmaslik va chidamliligini anglatadi. Nahotki, 
insonlar taqdir zarbalariga shu kaktuslarchalik kurasholmasa? Uzilgan atirgul misoli 
tezda qurib qolsa bu nimasi axir. Bunday gullarni bir yilda bir marotaba gullaydigan 
turlari ham mavjud. Kaktuslarning aynan o‗sha turlari kutish nimaligini yaxshi 
bilishadi. Qachon gullashlarini kutishadi. Ular hech qachon so‗lib qolmaydi. Bu 
xususiyat insonning doimo ichida yashaydigan va hech ham tark etmaydigan umidi 
singari go‗zal. Oramizda shunday insonlar borki ular chinakam sadoqat ila bizga 
do‗stdirlar. Do‗stlar tabiiyki bizning xato va kamchiliklarimizni to‗g‗irlashga 
urunadilar. ―Do‗st achitib gapiradi, dushman kuldirib.‖ - deganlaridek bizga do‗st 
bo‗lgan insonlar xatolarimiz va kamchiliklarimizni yuzimizga aytishganida ularni 
―tilida tikon bor‖ deya ayblaymiz. Aslida esa ularning ko‗ngillarida go‗zal gullar 
gullaydi. Ularning xushbo‗y ifori taralib, ochilib turadi. Huddiki tikonlar 
gullaganidek... 
OTA 
O‗rningizni bosolmas hech kim, hech qachon, 
Meni sizdek tushunmas boshqa odamlar. 
Sizni yaxshi ko‗raman aziz, otajon, 
Otamdek hokisor, oddiy odamlar 

---

62 
Minnatsiz mehrni ularda ko‗rdim, 
Otamning mehridan qochadi g‗amlar. 
Quyoshdek taftidan quvonchga to‗ldim, 
Otamdek yaxshisiz, oddiy odamlar. 
ONAMNI ASRA 
Kunlar kelar balki, baxtlarni quvib, 
Erta tong turadi quyoshdek kulib, 
Barcha orzularni sen qilma barbod, 
Men uchun onamni asrab tur, hayot! 
Hech kimsaga sen muhtoj qilmagin 
Hayot, sen ustimdan hadeb kulmagin, 
Baxtim - onam axir olib qo‗ymagin, 
Bemor qilma, dard ila dilim o‗ymagin, 
Men uchun onamni asrab tur, hayot!