Loyiha muallifi mehriniso xudaybergenova qalb gavhari o‘zbekiston ijodkor yoshlar to‘plami

SHOHRUX ALI 
2006-yil 7-oktabrda Toshkent viloyati Yuqori chirchiq 
tumanida tavallud topgan. Hozirda Respublika o‗g‗il 
bolalar o‗quv-tarbiya muassasasi tarbiyalanuvchisi. 
OTA 
Yolg‗iz dil afsusda yonmoqda, ota. 
Armonlar yoqamdan olmoqda, ota. 
Do`stlarim, dushmandek ko‗rinar bugun, 
Ko‗nglimga xavotir solmoqda, ota. 
Sizsiz bu dunyolar tor ekan bildim, 
Siz bor baxtim ham bor ekan bildim. 
Ko`chalarga qarab o`tgandir kunim. 
Yig`lasam yoshimni artmadi hech kim. 
Otajon, siz kabi yolg`izlikdaman, 
Oynaga termilib o`tadi- umrim. 
Sizsiz bu dunyolar tor ekan, ota 
Siz bor baxtim ham bor ekan ota,. 

---

67 
YURAK YIG‘LAR 
Yurak yig`lar, ucholmagan qushga o`xshab, 
Baxt izlayman o‗ng bo‗lmagan tushga o‗xshab, 
Yig`layapman, o`z boshimni o`zim silab, 
Bu hayotning nayranggidan charchaganman 
Bu yelkamga tushgan yuklar juda og`ir, 
G‗or qadamlar qiyomatga boshlar oxir, 
Ey odamlar men ham sizdek inson axir, 
Bu hayotning nayranggidan charchaganman. 
Har qadamim o`lchanmoqda tarozlarda, 
Qanotlarim sinmasmikan parvozlarda, 
Yolg‗on so‗zlar jaranglaydi ovozlarda, 
Bu hayotning nayranggidan charchaganman. 
Ba‘zan rostmi, ba‘zan yolg`on tilim so`zlar, 
Yuragimning sog‗inchlari sizni izlar, 
Hqiqatni asrayotgan ummon ko‗zlar, 
Bu hayotning nayranggidan charchaganman. 
MAMIROVA NILUFAR 
1976-yil 29-dekabrda Sirdaryo viloyati Sayxunobod tumanida 
tavallud topgan. Iste‘dodli, umidli ijodkor. 
KECHIRING ONA 
Sog‗intirib yoningizga borolmasam, 
Dardingizga sira malham bo‗lolmasam 
Qo‗lingizdan o‗pib tavof qilolmasam 
Sizga qanday farzand bo‗ldim, Onajon. 

---

68 
Qachon sizga ro‗mol olib bergan edim, 
Sizga atab qachon gullar tergan edim, 
Kelar bo‗lsam o‗z dardim-la kelgan edim, 
Sizga qanday farzand bo‗ldim, Onajon. 
Chala ishlar shuning bilan but bo‗ldimi, 
Yo‗lim qarab ko‗zlaringiz to‗rt bo‗ldimi, 
Ota-ona farzandga unut bo‗ldimi, 
Sizga qanday farzand bo‗ldim, Onajon. 
G‗aflat bosar, bu dunyoning ishlaridan, 
Ortolmadim uy- ro‗zg‗or tashvishlaridan, 
Xafa bo‗lmang , bemehrlik qilmishlaridan, 
Sizga qanday farzand bo‗ldim, Onajon. 
BIR KAM DUNYO 
Sinar bizni Qodir Egam, 
Birovga ko‗p , birovga kam, 
Chidaymiz-da ne bo‗lsa ham 
Bir kam dunyo - shudir asli. 
Kimdir yashar , uyi qasr, 
Mol-dunyoga bo‗lib asir, 
Pand- nasixat qilmay ta‘sir 
G‗aflat bosgan - shudir asli.
Yana kimning usti yupun, 
Lek sajdada boshi har kun, 
Imonidir nafsdan ustun, 
Alloh suygan - shudir asli. 
Yig‗ilsa gar to‗rtta kishi, 
G‗iybat bo‗lar qilgan ishi, 
Bekor o‗tar yoz-u qishi, 
Gunohi ham shudir asli. 

---

69 
Tiriklik baxt, tinch zamonda, 
Yashayapmiz sog‗-omonda, 
Shukur qilmasak yomon-da, 
Boyligimiz - shudir asli!