Maqsudov ilhomjon, joraev jomurod yangiboevich, amirov shavkat qo ziboevich


Download 5.01 Kb.
Pdf ko'rish
bet7/41
Sana25.06.2017
Hajmi5.01 Kb.
#9851
1   2   3   4   5   6   7   8   9   10   ...   41

Oqsilsiz  moddalar. Kovshovchilarning  old qorinlarida   faoliyat  ko„rsatuvchi 
achitqi  va  bakteriyalar  ureaza  fermenti  yordamida  mochevinani  parchalab, 
uglevodlar yetarli bo„lsa aminokislota va mikrob oqsiliga aylantiriladi. 
Kovshovchilar ratsionida protein yetishmasa ma‟lum miqdorda ular ratsioniga 
ammiakli birikmalar qo„shiladi. Oziqalar tarkibida uchraydigan 25-30% azotni azot 
tuzlari  bilan    almashtirish  mumkin.  Azotning  yaxshi  hazm  bo„lishi  uchun  1  qism 
azotga oziqada 20 qism qand va kraxmal bo„lishi talab qilinadi. 
Kovshovchilar oqsilsiz azotli birikmalar yedirilganda, 1  g mochevina-2,6 g, 1 
g  sulfat  ammoniy-1,2  g,  diammoniy  fosfat-1,2  g,  mochevina  fosfati-1  va  1  g 
ammoniy bikarbonat  0,95 g hazmlanuvchi protein. 
Ratsion  energiya,  uglevod,  yog„,  mineral  moddalar  va  vitaminlar  bilan 
tenglashtirilmasa  oqsilsiz  ammoniyli  birikmalarini  yedirish  ko„p  hollarda 
hayvonlarni ammiak  bilan zaharlanishiga sabab bo„lishi mumkin. 

 
56 
Yozda  yosh ko„k o„tlar azotning oqsilsiz shakli bilan to„yingan bo„ladi(erkin 
aminokislotalar,  nitritlar,  nitratlar),  shu  bois  ushbu  faslda  azotli  qo„shimchalar 
berish maqsadga muvofiq emas. 
Oziqalarda,  oqsillar  bilan  ularning  oraliq    moddalari  proteinlarda  nitritlar, 
nitratlar,  organik  kislotalarning  ammoniy  tuzlari;    aminokislota  aminlari  holida, 
erkin  amimnokislotalar  shaklida  uchratish    mumkin.  Erkin  aminokislotalar  ko„k 
o„tda,  silosda,  lavlagi  va  kartoshkada  ko„p  uchraydi.  Erkin  aminokislotalarning 
protein  tarkibida  bo„lishi  uni  oson  hazm  bo„lishini  ta‟minlaydi,  so„rilishi  va 
almashinuv  jarayoniga  ijobiy  ta‟sir  etadi;  kovshovchilarda  esa  old  oshkoqonda 
erkin aminokislotalar bakteriya va infuzoriyalar oqsiliga aylanadi. 
Hayvonlar  oqsil  almashinuvida  azotning  oddiy  birikmalari  bo„lgan  nitritlar, 
nitratlar  va  ammiakni  oson  hazm  bo„lsa  ham  to„g„ridan-to„g„ri  o„zlashtirib 
ololmaydilar. Kovshovchilardagina yetarli qand bo„lganda  oshqozon mikroflorasi 
bu moddalardan aminokislota va oqsillar hosil qiladi. 
Qo„ylar    sigirlarga    nisbatan  ratsionda  nitratlarning  yuqori  bo„lishiga  ancha 
chidamli. 
Qo„ylar  ratsioni  nitratlar  bilan  boyitilishi,  hamda  ularga  donli  yoki  boshqa 
uglevodli oziqalar berish ularning serpushtligiga ijobiy ta‟sir ko„rsatadi. 
Kasal  buzoqlar  salomatligiga  nitratlar  salbiy  ta‟sir  ko„rsatadi,  shuningdek 
cho„chqa bolalarining semirishi pasayib, jo„jalar o„lishi mumkin. 
Oziqalar nitrat va nitritlari siloslash davomida parchalanadi. 
Shuning uchun turli xil hayvonlarni ularning biologik xususiyatlarini inobatga 
olib  har  xil    oziqalar  proteinidan  samarali  foydalanishi  uchun  ratsion  energiya, 
protein, aminokislotalar, vitamin va mineral moddalar bilan tenglashtirilishi shart. 
Parrandachilik  va  cho„chqachilikda  sanoat  tomonidan  ishlab  chiqarilgan 
oqsilsiz oziqa qo„shimchalaridan keng foydalanish tavsiya  etiladi. 
 
Oziqalarning mineral to‘yimliligi. 
Hayvonlar  to„qimalarida  40  ga  yaqin  mineral  elementlar  uchraydi,  hozircha 
ularning 15 tasining zarurligi isbotlangan; yana zarur ftor, brom, bariy va stronsiy 
hisoblanadi. 
Mineral  moddalarning  tanadagi  miqdoriga  qarab  ikki  guruhga  bo„linadi: 
makroelementlar-kalsiy, 
fosfor, 
natriy, 
xlor, 
magniy 
va 
oltingugurt; 
mikroelementlar-temir, rux, mis, marganes, yod, kobalt, molibden va selen. 
Organizmdagi  barcha  fiziologik  jarayonlar  bitta  yoki  bir  necha  elementlar 
yordamida nazorat qilinadi. 
Mineral  moddalar  modda  almashinuvidagi  o„zaro  munosabatni    inobatga 
olgan  holda  hayvonlar  alohida  elementlardan  tashqari  ularning  ma‟lum  nisbatiga 
muhtoj. Ba‟zi elementlarning me‟yordan oshiq bo„lishi, ayniqsa kalsiy va molibden 
boshqa  boshqa  elementlarni  o„zlashtirishga  salbiy  ta‟sir  ko„rsatsa,  ularning 
yetishmasligi fiziologik jarayonlarning kechishini susaytiradi. 

 
57 
Oziqalarning  mineral    tarkibi  tuproq-iqlim  sharoiti,  solingan  o„g„itlar  va 
o„simlikni  o„stirish  sharoitlariga  bog„liq;  organizmda  D  vitamini    sintezi  alohida 
o„rin  tutadi,  chunki  u    mineral  moddalar  almashinuvini  boshqaradi.  Mineral 
moddalar  almashinuvi  ratsionda  energiya,  protein  va  vitaminlar  yetarli 
bo„lgandagina me‟yorda kechadi. 
Organik moddalardan o„laroq mineral moddalar hayvon organizmi tomonidan 
oson o„zlashtirilib olinadi. 
Ratsion  to„yimli  moddalarini  to„liq  o„zlashtirilishi  va  hayvon  sog„ligini 
saqlash  uchun  nafaqat  mineral  moddalarning  yetarli  bo„lishi,  balki  ishqorli  va 
kislotali elementlar nisbati ham muhim o„rin tutadi. 
Mineral  moddalar  tarkibida  kislotali  va  ishqorli  elementlardan  tashqari 
hayvonlarning oziqlanishida organik kislotalarga bog„liq bo„lgan faol kislotalik(ph) 
muhim ahamiyatga ega. 
Makroelementlar –hayvon me‟yorda yashashi uchun zarur mineral moddalar, 
ular mikroelementlarga qaraganda ko„proq talab etiladi. 
Kalsiy.  Barcha  mineral  moddalarga  nisbatan  hayvon  tanasida  ko„proq 
uchraydi; 99% kalsiy skelet va tishda bo„ladi; suyak kuli 38% kalsiy, 17% fosfor va 
1% magniydan iborat. Suyak tarkibi bir xil bo„lmay organizmga mineral moddalar 
tushishi va vitamin D ga bog„liq. 
Yosh  organizmda  kalsiy,  fosfor  yoki  vitamin  D  yetishmasa  suyaklashish 
yaxshi kechmaydi, raxit ro„y beradi;  suyaklar qiyshayadi, bo„g„inlar yiriklashadi; 
voyaga  yetgan  hayvonlarda  suyaklar  yumshoqlashadi  –  osteomolyasiya  hodisasi 
bo„ladi.  Ko„pincha  mineral  moddalar  almashinuvining  buzilishi  sersut  sigirlarda 
uchraydi; oxirgi dum umurtqalari yumshaydi yoki butunlay yo„qolib ketadi, tishlari 
qimirlab qoladi. 
Sersut  sigirlar  paraqalqon  bezi  faoliyati  buzilishi  u  ishlab  chiqaradigan 
gormonlar  suyakdan  kalsiy  va  fosforning  chiqishini  kuchaytiradi  va  tuqqandan 
tug„im parezi kasalligiga  duchor bo„ladi; qonda kalsiy keskin kamayib ketadi, sigir 
qaltiraydi, ba‟zan xushi ketib, shol bo„lib qoladi. 
Mineral  moddalar    almashinuvining  buzilishi  tovuqlar  suyagi  va 
tumshug„ining yumshashi, oyoqlar qiyshayishi, tuxum po„stlog„ining yuqalashishi 
va tuxum mahsuldorligi pasayishiga sabab bo„ladi. 
Kalsiy  manbai  bo„lib  ko„k  o„tlar,  ayniqsa  dukkakli  o„tlar  va  suyakka  boy 
hayvonot oziqalari – baliq, suyak, go„sht-suyak uni, va sut hisoblanadi. 
Amalda  qishloq  xo„jalik  hayvonlariga  mineral  oziqa  qo„shimchasi  sifatida 
bo„r, maydalangan oxaktosh, dikalsiyfosfat beriladi. 
Mineral qo„shimchalarni yedirishda organizmga tushayotgan kalsiy va fosfor 
nisbatiga  e‟tibor  berish  kerak,  aks  holda  xunuk  oqibatlarga  olib  kelishi  mumkin. 
Hayvonlar ratsionida  kalsiyning fosforga nisbati 1,2-2:1 ga bo„lish ma‟qul. 
Fosfor.  Tananing  80%  fosfori  suyaklar  va  tishda  bo„ladi;  qolganlari 
fosfoproteinlar,  nuklein  kislotalar  va  fosfolipidlar  tarkibida  bo„ladi.  U  uglevod  va 

 
58 
energiya  almashinuvida  muhim  o„rin  tutadi,  hamda  geksozafosfatlar  va 
adenozinfosfatlar tarkibiga kiradi. 
Fosfor  almashinuvi  kalsiy  almashuvi  bilan  bog„liq  ya‟ni  uning  yetishmasligi 
yosh  hayvonlarda  raxit,  voyaga  yetganlarida  osteomolyasiya  kasalligini  keltirib 
chiqaradi. Fosfor yetishmasligi,bo„g„inlar qisirlaydi, muskullar bo„shashadi, o„sish 
sekinlashib,  sut mahsuldorligi pasayadi; fosfor yetishmasligining belgisi  ishtahani 
yo„qolishi:  hayvon  yog„och,  suyak  va  lattalarni  va  yeb  bo„lmaydigan  narsalarni 
chaynaydi.  Shuningdek  fosfor  yetishmasligini  qonda  uning  me‟yorini  
kamayishidan  bilsa bo„ladi. 
Qoramollarda  fosfor  yetishmasligi  yem  oziqalarni  kam  iste‟mol  qilganda  ro„y 
beradi, qo„ylarda  bu hol kam kuzatiladi, chunki yaylov o„tlari tarkibida fosfor ko„p. 
Fosforga  sut, boshoqli  donlar, baliq  va  suyak  uni  boy  hisoblanadi;  pichan  va 
somonda fosfor kam. 
Kalsiy,  natriy,  xlor.  Bu  elementlar  hayvon  tanasida  suyuqliklarda  va 
yumshoq to„qimalarda uchraydi; ular  hujayralarda osmatik bosimni saqlab turadi, 
qon va  limfa faoliyatini boshqarish, hamda tanada suv almashinuvida qatnashadi. 
Kaliy    hujayra  protoplazmasida  bikorbonat,  fosfat  yoki  xlorid  tuzlari  holida 
bo„ladi. Uning yetishmasligi o„sishni kechiktiradi, ishtaha yo„qoladi; hayvonlar tez 
ko„zg„aluvchan bo„lib, yurak faoliyati buziladi, qon bosimi pasayadi, jigar, buyrak 
faoliyati susayib, otalanish yomon kechadi. 
Amalda hayvonlar oziqalar hisobiga kaliy bilan to„liq ta‟minlaydi, u ko„k o„t, 
ildizmevalarda  ko„p bo„ladi. 
Oshiqcha kaliy osongina siydik bilan chiqib ketadi. 
Natriy  –  qon  va  limfada  kislotalarni  neytrallovchi  asosiy  vosita-kation 
hisoblanadi;  kovshovchilarda  natriy  bikorbonat  so„lakning  tarkibiy  qismi 
hisoblanadi.  Kovshovchilarda  old  oshkoqonda  ximus    kislotaligini(pH  6,5-7)  bir 
maromda  saqlab  turadi;  natriy  xlorid  tanada  osmatik  bosimni  ushlab  turadi, 
kraxmalni    parchalovchi  amilaza  fermenti  faoliyatining  kuchaytiradi,  ichaklarda 
glyukoza shimilishini kuchaytiradi, oshqozonda xlorid kislotasi hosil bo„lishi uchun 
manba hisoblanadi. 
Natriyning  yetishmasligi  organizmda  fiziologik  jarayonlarining  buzilishiga 
olib kelib, hayvon sog„ligi  yomonlashib, mahsuldorligi pasayadi. 
Natriy  oziqalar  tarkibida  qariyib  uchramaydi  shuning  uchun  oziqa 
qo„shimchasi sifatida osh tuzi  yoki natriy biokorbonat tuzi beriladi. 
Xlor ham oziqalar tarkibida kam uchraydi; faqatgina sho„rrok yerlarda o„sgan 
o„tlarda  uchraydi.    Hayvon  organizmida  oshqozon  shirasi,  qon,  limfa,  teri  va  teri 
osti kletchatkasida uchraydi. Hayvonlarga osh tuzi sifatida beriladi. 
Magniy  .  U  kalsiy  va  fosfor  almashinuvida  ishtirok  etadi;  70%  magniy  
skeletda, qolganlari tana yumshoq to„qimalari va suyuqliklarida uchraydi. Suyakda 
kalsiy ko„p, muskul va terida magniy ko„p. 

 
59 
Magniy  yetishmasligi  natijasida  tetaniya  ro„y  beradi,  uning  sababi  qonda 
magniy miqdorining pasayib ketishi bo„ladi, sigirlar asabiy bo„ladi, qaltiraydi, yuz 
muskullari tortishadi, turtinib yuradi va tutqanoq tutadi. 
Magniy manbai bo„lib kepak, quruq achitqi, kunjara va shrot, hamda dukkakli 
o„tlar. Sog„in sigirlarga tetaniyaning oldini olish uchun kuniga 50 g magneziya tuzi 
berish kifoya. 
Oltingugurt.  Tanada  aminokislotalar  bilan  bog„langan  holda  uchraydi; 
to„qima  oqsillari  va  jun  tarkibiga  kiradi,  shu    bois  jun  tarkibida  4%  gacha 
oltingugurt bo„ladi.  U biotin va tiamin vitamin va insulin gormoni tarkibiga kiradi. 
Hayvon  ratsioni  proteinlar  bilan  me‟yorda  ta‟minlanganda,  oltingugurtga 
ehtiyoj sezilmaydi, u yetishmasa hayvonlarga kam miqdorda natriy yoki ammoniy 
sulfat tuzlaridan qo„shimcha berish mumkin. 
Mikroelementlar.  Hayvon  organizmida  kam  miqdorda  uchrasa  ham  muhim 
fiziologik  jarayonlar  qatnashchisi  hisoblanadi.  Ular  oqsillar  bilan  birlashib 
organizmning 
muhim 
fermentlarini 
sintez 
qilishda,  shuningdek 
modda 
almashinuvida  qatnashuvchi  qator  gormonlarni  hosil  bo„lishda  ishtirok  etadi.  Shu 
bois  mikroelementlar  ham  vitaminlar  singari  hayot  uchun  zarur  biologik  aktiv 
moddalar deyiladi. 
Temir.  Temir elementining asosiy  qismi tanada oqsillar bilan birikkan holda 
uchraydi,  qariyib  50%  temir  moddasi  qonning  gemoglobini  tarkibida  uchraydi, 
temir moddasi zaxirasi ferratin oqsil birikmasi holida taloq, jigar, buyrak va suyak 
iligida uchraydi. Temir ko„plab, fermentlar va hujayra pigmentlari hosil bo„lishda 
ishtirok  etadi.  Oziqalar  bilan  tananing  temirga  bo„lgan  talabi  faqat  10%  ga 
qondiriladi,  uning  qolgan  qismi  parchalangan  gemoglobin  tarkibidagi  temir 
moddasi hisobiga qondiriladi. 
Barcha qishloq xo„jalik hayvonlari 1 kg tirik vazniga 50 m²  temir moddasini 
talab etadi, bu talab to„liq oziqalar hisobiga qondiriladi. 
Ratsionda  temir  moddasining  me‟yordan  ko„payib  ketishi  oqsil 
o„zlashtirishiga  salbiy  ta‟sir  ko„rsatib,  hayvonlar  mahsuldorligini  pasaytirib 
yuboradi. 
Mis.  Asosan gemoglobin tarkibiga kiradi. U qizil qon tanachalarining tarkibiy 
qismiga  kirib  qon  aylanishida  faol  ishtirok  etadi,  qator  ferment  va  pigmentlar  
sintezida  qatnashadi,  barcha  tana  a‟zolarida  uchraydi,  ayniqsa  jigarda  ko„p 
uchraydi. 
Mis  yetishmasligi  kamqonlikka  sabab  bo„lib,  yosh  hayvonlarning  o„sishiga, 
katta  yoshdagi  hayvonlarning  mahsuldorligiga,    ko„payishiga  salbiy  ta‟sir 
ko„rsatadi.  Sigirlar  qonida  0,8-1  mkg/g  bo„lishi  kerak,  uning  0,3-0,6  mkg/g  ga 
pasayishi  sigirlarning  birinchi  urug„lantirishdan  otalanishini  2  barovar  pasaytirib 
yuboradi. 
Asosan  me‟yordagi  ratsion    hayvonlarning  misga  bo„lgan  talabini  qondiradi. 
Mis ko„proq don,  urug„, shrotda ko„p uchrab, yaylov o„tlari, somon va sutda kam 
uchraydi. 

 
60 
Misning    me‟yordan  ko„p  bo„lishi  va  surunkali    kechishi  hayvonga  salbiy 
ta‟sir qilib uni zaharlashi mumkin, u jigarda to„plana borib hayvonni o„limga olib 
kelishi mumkin, ayniqsa bu holga  qo„ylar sezgir bo„ladi. 
Kobalt.  Bu  element  B
12 
vitamini  kashf  etilgandan  e‟tiborga  olindi.  Kobalt 
kovshovchilar,  cho„chqalar  va  parrandalar  ovqat  hazm  qilish  tizimida  B
12
 
vitaminini  sintez  qiladigan  mikroorganizmlarning  faoliyati  uchun  zarur,  kobalt 
me‟yorda    bo„lsa  mikroorganizmlar  hayvon  uchun  zarur  B
12
  vitaminini  hosil 
qiladilar.  Cho„chqalar  va  parrandalarda  ovqat  hazm  qilish  tizimidagi 
mikroorganizmlar hamma vaqt ham ularning talabi darajasida B
12
 vitaminini ishlab 
chiqarmaydi, shuning uchun ba‟zan ular oziqalarga qo„shib beriladi. 
Kobalt  yetishmaganda  qoramol  va  qo„ylarda  to„qishib  yurish  kuzatiladi  yoki 
akobaltoz kasalligi ro„y beradi. Hayvon ozib, mahsuldorligi pasayib, jinsiy faoliyati 
susayib ketadi. 
Kovshovchilar  ratsioniga  kobalt  sulfat  tuzidan  qo„shib  berish  uning 
yetishmovchiligini oldini oladi. 
Yod. Bu element to„qima va bez shiralarida kam uchrab, asosan qalqonsimon 
bez gormoni-tiroksin tarkibiga kiradi. 
Uning  muntazam  yetishmasligi  qalqonsimon  bez  faoliyatini  bo„zib,  u 
kattalashib  bo„qoq  kasalligiga    sabab  bo„ladi.  Yod  yetishmasligi  qishloq  xo„jalik 
hayvonlarining ko„payishiga salbiy ta‟sir etadi, ba‟zan o„lik tugiladi. 
50%  ga  yaqin  yodni  hayvonlar  oziqalar  bilan  oladi,  qolgan  50%  ni  esa  suv 
bilan  olish  kerak,  oqar  suvlarda  yod  miqdori  kam  bo„lib  chuqur  artezan  suvlarida 
uning nisbati yuqori bo„ladi. 
Yodning  eng  ko„p  uchraydigan  mahsuloti  dengiz  o„tlari  va  baliqlari 
hisoblanadi.  Oziqalar  tarkibidagi  uning  bo„lishi  tuproq  tarkibiga  bog„liq.  Yod 
yetishmaydigan  hududlarda  oziqa  tuzi  tarkibiga  kaliy    yodid  yoki  natriy  yodid 
qo„shib beriladi. 
Marganes.  Ushbu  element  suyak,  buyrak,  jigar,  oshqozon  osti  bezi  va 
gipofizda to„planadi. 
Organizmda oqsil, yog„, uglevodlar almashinuvida qatnashuvchi fermentlarni 
faollashtiradi. 
Hayvon  va  parrandalar  me‟yorda  oziqlantirilganda  uning  yetishmovchiligi 
sezilmaydi.  Uning  yetishmasligi  natijasida  buzoqlar  yomon  o„sadi,    tuyoqlari 
qiyshaib ketadi, keyinchalik pushtdorligi pasayib, bola tashlashi mumkin. 
Marganes  elementi  yetishmasligi  jo„jalarda  perozis-suyaklarning  noto„g„ri 
shakllanish kasalligiga sabab bo„ladi. 
Marganes kepakda  ko„p  uchraydi,  kunjara  va shrotda o„rtacha,  makkajo„xori 
doni va hayvonot oziqalarida kam uchraydi. 
Marganesning me‟yordan ko„p bo„lishi zaharlanishlarga olib kelmaydi. 
Rux.  Organizmning  barcha  to„qimalarida  uchraydi,  ayniqsa  suyakda  ko„p 
bo„ladi,  shuningdek  u  teri,  junda  ko„proq  va  asosiy  mikroelementlar  zaxira  joyi 
jigarda kamroq uchraydi. 

 
61 
Rux  qondan  karbonat  angidrid  gazi  chiqarishda  ishtirok  etuvchi 
karboangidraza  fermenti  tarkibiga  kiradi,  shuningdek  karboksipeptidaza  va 
degidrogeniza fermentlarini ham sintezida qatnashadi. 
Hayvonlar  yaylovlarda  saqlanganda  rux  yetishmasligi  sezilmaydi.  Cho„chqa 
bolalari  faqat  donlar  bilan  oziqlanganda  rux  yetishmasligi  natijasida  paraketoz 
kasalligi  ro„y  beradi.  Cho„chqa  bolalari  o„sishdan  qoladi,  teriladi  qichiydi,  teri 
ko„chadi;  shu  oziqalarni  ho„llab  berish  kasallikni  oldini  oladi;  ushbu  kasallikni 
oldini  olish  uchun  cho„chqalar  ratsioniga  1  kg  oziqaga  40-100mg  karbonat  yoki 
sulfat tuzlaridan qo„shib berish kifoya. 
Jo„jalarda  ham  rux  yetishmasligi  o„sishdan  qolish  parlarining  yaxshi 
rivojlanmasligi, suyaklanishini sekin kechishi, teri zaharlanishida namoyon bo„ladi. 
Barcha qishloq xo„jalik  hayvonlarining 1 kg oziqasida 40-60 mg rux bo„lsa 
ularning  talabi  to„liq  qondiriladi,  uning  me‟yordan  ko„p  bo„lishi  ishtahasini 
susaytiradi va mis almashinuviga salbiy ta‟sir ko„rsatadi. 
Molibden  .  Bu  element  hayvonlar  va    mikroorganizmlar  hayotida  muhim 
ahamiyatga ega bo„lib turli hayot  uchun zarur fermentlar tarkibiga turadi. 
Qishloq  xo„jalik  hayvonlari  me‟yorda  oziqlantirilganda  talablar  to„liq 
qondiriladi, hayvonlarni yaylovlarda boqish molibden  me‟yordan yuqori bo„lishiga 
sabab  bo„ladi  va  zaharli  ta‟sir  etadi.  1  kg  oziqada  3-10  mg  molibden  bo„lishi 
hayvonlar salomatligi uchun zararli hisoblanadi. 
Selen .Uning zaharli bo„lgani uchun hayvonlarga nazorat qilib beriladi. Uning 
1 kg oziqa tarkibida 5 mg yoki 1 kg sutda 0,5 mg bo„lishi hayvonlar uchun xavfli 
bo„lishi mumkin. 
Molibden yetishmagan hayvonlar juni tushib, tuyoqlari shakli buziladi. 
Selenning  qoramollarda  1  kg  tirik  vazniga  10-11mg,  otlarda-  3-4  mg, 
cho„chqalarda -13-18 mg to„g„ri kelishi ularning o„limiga sabab bo„lishi mumkin. 
Ftor.  Ushbu  element  asosan  tishni  emal  qavatida  bo„lib    uni  yemirilishdan 
(kariyes)  saqlaydi.  Qishloq  xo„jaligida  ftorning  o„simlik  va    hayvonlar  uchun 
zarariga e‟tibor beriladi. 
Agarda hayvon oziqalarning 1 kg da 20 mg dan ftor ortib ketsa, hayvonlarning 
ishtahasi  yo„qolib,  ozib  ketadi;  yosh  hayvonlar  o„sishdan  qolsa,  sigirlarni  sut 
mahsuldorligi  pasayib  ketadi;  bu  hol  surunkali  davom  etsa  suyak  va  tishlarda 
tarkibiy o„zgarishlar harakatsiz bo„lib, buyrak, jigar, buyrak usti  bezi, urug„don va 
qalqonsimon bez salbiy o„zgarishlarga uchraydi. Agarda tuproqda 0,5 % suvning 1 
l da 0,5 mg dan ko„p bo„lsa ushbu element bo„yicha endemik holat bo„ladi. Bunga 
misol bo„lib Surxandaryo viloyatining shimoliy tumanlarida, Tojikiston allyuminiy 
zavodi  chiqindilari  tarkibidagi  ftor  bilan  qishloq  xo„jalik  hayvonlarini 
zaharlanishini  keltirish mumkin. 
Ushbu  hududda  hayvonlar  ozib,  mahsuldorligi  pasayib,  ko„payish  qobiliyati 
susayib,  bola  tashlab,  tishlari  tushib  ketishini  ko„rsatish  mumkin.  (A.Raxmonov, 
2005 yil). 
Hayvonlar zaharlanishining asosiy manbai sanoat  chiqindilari hisoblanadi. 

 
62 
Oziqalarning vitamin to‘yimliligi. 
 
Hayvon organizmi tushadigan to„yimli moddalar inert holda bo„ladi,  ular hazm 
bo„lgandan  keyingina  hayvon  tanasiga  singadi,    bu  jarayonda  katalizatorlar 
qatnashishi  shart.  Bu  jarayonlarda  oqsil  fermentlar  va  oqsil  hamda  vitaminlar 
birikmasidan  iborat  fermentlar  ishtirok  etadi.  Organizmga  vitaminlar  tushmasligi 
yoki  me‟yordan  kam    bo„lishi  fermentlar  faoliyati  susayadi,  modda  almashinuvi 
buzilishini  natijasida  hayvonlar  salomatligi  va  mahsuldorligiga  salbiy  ta‟sir 
ko„rsatadi.  U  yoki  bu  vitamin  yetishmasligi  natijasida  paydo    bo„lgan  yuqumsiz 
kasaliklar avitaminozlar deyiladi.  
Chorvachilikda  avitaminozlar  biroz  kuchsiz  holda,  ya‟ni  gipovitaminozlar 
shaklida  uchraydi.  Oziqalar  tarkibida  vitaminlarning  yetishmasligi  alimentar 
gipovitaminoz bo„lib, surunkali, o„tkir vitaminlar yetishmasligi organizm tomonidan 
oziqalarning  yaxshi  o„zlashtirilmasligiga  sabab  bo„lib  endogen  gipovitaminozlar  
kuzatiladi. 
Vitaminlar  tarkibi    yetarlicha  o„rganilgan,  ular  erish hususiyati  va  insonlar va 
hayvonlar  modda  almashinuvidagi  fiziologik  o„rniga  qarab  tavsiflanadi.  Erish 
tabiatiga  qarab  vitaminlar  yog„da  va  suvda  eruvchilarga  bo„linadi.  Yog„da  eruvchi 
vitaminlarga  A,D,Ye,K  va  suvda  eruvchilarga  esa  B  guruh  vitaminlar,  hamda  S  va 
Ular kiradi. 
Vitamin  A(retinol).  Ushbu  vitamin    hayvon  organizmining  ko„plab  qism  va 
faoliyatlariga  o„z  ta‟sirini  o„tkazadi.  U  yetishmasligi    natijasida  hayvon  ishtahasi 
yo„qolib,  o„sish  sekinlashadi,  yosh  hayvonlarda  ko„zning  shoxlanishi,  siydik  yo„li 
yallig„lanishi, erkak va urg„ochi hayvonlarda  jinsiy faoliyat buziladi, buyrakda tosh 
hosil bo„ladi, teri dag„allashadi, shapko„rlik ro„y beradi, gipovitaminozning surunkali 
cho„zilishi hayvonni ko„r bo„lib qolishiga sabab bo„ladi. 
Parrandalarda A vitaminining yetishmasligi o„sishni sekinlashtiradi, tuxumning 
otalanishini  pasayib,  tuxumdan  jo„ja  chiqishi  kamayadi,  jo„jalarning  hayotchanligi 
past bo„ladi. Cho„chqalarda esa majruh bolalar tugiladi. 
Ko„pchilik    hayvon  iste‟mol    qiladigan  oziqalarda  A  vitamini  yo„q,  u  faqat 
sutda,  o„g„iz  sutida,  tuxum  sarig„ida,  qo„y    yog„ida  va  treska  balig„i  jigarida 
uchraydi. 
Sigirlar ko„k oziqalarga to„ygan paytda 1 kg sutda 0,5-0,7 mg, qishda esa 0,2-
0,4 mg bo„ladi. 
O‟simliklarda A vitamini provitamin – sariq o„simlik pigmentlari- karatinoidlar: 
d,  ß,  γ-  karotinlar  holida  uchraydi.  Karotin  to„g„ri  ichakda  vitamin  A  shakllanib, 
limfa  keyin  qonga  tushadi.  Karotinni  me‟yordan  tashqarisi  yog„da,  vitamin  A  esa 
jigarda to„planadi. 
 Karotin  dukkakli  ko„k    oziqalar  ,  ildizmeva  barglarida,  karam  bargida,  qizil 
sabzi va o„t talqonida ko„p bo„lib, u don, somon, ildizmevalar va kartoshkada qariyb 
uchramaydi. 

 
63 
Hayvonning  karotin  va    A  vitaminiga  talabi  karotin  milligrammlarda  yoki 
halqaro birliklarda ifodalanadi: 1 halqaro birlik (XB) 0,6 mkg toza ß-karotin yoki 0,3 
mkg A vitaminiga teng. 
Download 5.01 Kb.

Do'stlaringiz bilan baham:
1   2   3   4   5   6   7   8   9   10   ...   41




Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling