Mavzu: Yurakning tug‘ma poroklari. Ochik arterial yo‘l. Fallo triadasi, tetradasi va pentadasi. Lyutenbaxer sindromi. Aorta koarktatsiyasi

Aortografiya kontrast moddani ko‘tariluvchi aortaga yuborib rentgenda ko‘rish to‘liq ma’lumot beradi.
Angiogrammalarda bir vaqtning o‘zida kontrastlashgan aorta va o‘pka arteriyasini ko‘rish mumkin.
OAYni, aorta o‘pka to‘sig‘i, koronar arteriyalar oqmasi, aortal klapan yetishmovchiligi va QATY kabi nuqsonlar bilan farqlash lozim.
Davolash
OAY diagnozi qo‘yilganda, operatsiya absolyut ko‘rsatma hisoblanadi. Operatsiya uchun eng optimal yosh 2-5 yoshdir. O‘pka gipertenziyasi rivojlanganda, gemodinamik o‘zgarishlar bo‘lgan, I-II-bosqichdagi bemorlarga ko‘rsatiladi. III-bosqich bemorlarga operatsiyaga moneliklar bo‘ladi. Tug‘ilgandan keyingi birinchi kunlaridayoq indometatsin va prostoglandin ingibitorlari bilan davolash OAY ning bitib ketishiga olib kelishi mumkin. Nuqsonni xirurgik davolash yaxshi ishlab chiqilgan. 1.Operatsion yo‘l-chap tomonlama old yon, yon va orqa yon kesma 4 qovurg‘a orasi orqali bajariladi. OAY ni 2 ta ip bilan bog‘lash yoki uni kesib, tikish yo‘li bilan yo‘qotiladi. Operatsiya plevral bo‘shliqqa drenaj qo‘yish bilan yakunlanadi. Operatsiyaning ko‘p uchraydigan asoratlari: qaytuvchi nervning shikastlanishi va shikastlangan qon tomirlardan qon ketishi.
2.Kateter yordamida endovaskulyar okklyuziya usuli. Son arteriyasi orqali kateter kiritilib aortadan Botall yo‘li sintetik to‘qimadan tayyorlangan “probka” bilan bekitiladi. O‘z vaqtida bajarilgan operatsiya to‘liq davolanishga olib keladi. O‘pka giperteziyasi ifodalangan bemorlarda operatsiyaning samaradorligi o‘pka to‘qimalaridagi o‘zgarishlarning qaytar yoki qaytmasligiga bog‘liq.
Qorinchalararo to‘siq yetishmovchiligi (QATY).
Yurakning qorinchalari orasidagi to‘siq yetishmovchiligi - yurakning qorinchalari darajasida o‘ng va chap kameralarning o‘rtasidagi to‘siqning tug‘ma nuqsonidir. Bu kasallik yurakning tug‘ma nuqsonlarining 11-48% ni tashkil qiladi.
Etiologiyasi
Yurak embriogenezining buzilishiga olib keluvchi ikki guruhdagi sabablarga qaralsin.
Qorinchalararo to‘siqda defektning joylashganligiga qarab, ular 3 guruhga bo‘linadi;
1. Perimembranoz defektlari: a) trabekulyar defektlar b) kirish yoki oqib keluvchi qismlar defekti v) chiquvchi yoki oqib ketuvchi qismlar defekti;
2. Arteriya osti oqib ketuvchi qismlar defekti;
3.Mushaklar defekti: a)chiquvchi yoki oqib ketuvchi qismlar defekti; b) trabekulyar qismlar defekti v) kirish yoki oqib keluvchi qismlar defekti.
Perimembranoz defektlar eng ko‘p uchraydigan defekt bo‘lib, u to‘siqning mushak qismi defitsiti natijasida vujudga keladi.
Arteriya osti oqib ketuvchi defektlar to‘siqning chiquvchi qismida joylashgan.
Mushak defektiga chetlari mushak to‘qimadan tashkil topgan barcha defektlar kiradi. Ular membranoz defektlar bilan birgalikda bo‘lishi mumkin.